Советарин кьушмари Сталинград бадали вуйи женгариъ немцарин фашистарин кьушум дагъитмиш гъапIу йигъаз бахш вуди, Дагъ. Огни шагьрин библиотекайиъ «Сталинграддин цIа» ччвур тувнайи тарихнан дарс кIули гъубхну.
Думу женгариъ чпин жанар фида гъапIдариз гьюрмат улупури, культурайин идарайин гъуллугъчйири Сталинград азад апIбаз бахш дапIнайи серенжем «Сталинграддин цIа» ччвур тувнайи китабарин выставкайин улихь кIули гъубхну, хъа мектебариъ урхурайи баяр-шубари «Дявдин цIигъ 200 йигъан» темайиккди Сталинграддикан вуйи эсерарикан гъулхну.
«Сталинград бадали вуйи женгар Ватандин Аьхю дявдин тарихнаъ гьаргандиз атIаргну, думу женгар Урусатдин халкьарин игитвалин тарихнан пайра ву», – гъапну, аргъаж шулайи наслариз ватанпервервалин тербия тувбан важиблуваликан къайд апIури, Дагъ. Огни шагьрин собраниейин депутат Фероза Мягьямедовайи.
