Урусатдиъ 1-пи февралихъан саб жерге цIийивалар гьяракатнаъ учIвра. Дурарикан бязидар исихъ ктухурача.
Дадайин капитал ва яшайишдин саб жерге пособйирна компенсацйир 1-пи февралихъан 8,4 процентдиинди за гъахьну. Сабпи бицIир бабкан гъахьиган туврайи дадайин капиталин кьадар 524, 5 агъзур манат, хъа кьюбпи бицIир гъахьиган – 693,1 агъзур манат хьибди.
Ляхниъ адрударин пенсйир 8,6 процентдиинди за хьиди. Гьацира 1-пи февралихъан инвалидари, ветеранари, Чернобылин мусибатнан иштиракчйири, Урусатдин Игитари, ва ляхниъ зарар гъабхьидари гъадагъурайи пособ-йирра за хьиди.
Федеральный «Платон» рякъюъди гъягъюз гъагъ гъабхру машинарихъан туврайи пулин кьадарра цIибди за гъабхьну, саб километр рякъюдиъ гъягъюз гьамус 2,54 манат тувну ккунду.
