Гъябгъюрайи йисан Дагъустандиъ хьайихъди ляхин апIурайи карханйири Белоруссия ва Китай гьюкуматариз 2,5 агъзур тонна хьа хътапIиди, мялум гъапIну. улихьна йигъари республикайин Правительствойин председатель Аьбдулмуслим Аьбдулмуслимовди Дугъан гафариинди, хьа дубччну, думу марцц ва гьязур апIурайи «Маяк» М-1» СПОК республикайин карханайи гьаму йисан 3 агъзур тоннайихьнакьан хьа гьясил апIуз планламиш дапIна. Гьаддикан 2 агъзур тонна Китайдиз ва 500 тонна Белоруссияйиз хътапIиди.
Дагъустан Республикайин гъулан мяишатдин ва ипIру-убхъру сурсатарин министр Мухтарбий Аджековди му месэлайин гьякьнаан къайд гъапIганси, Урусатдин вари регионариъ уьмумиди гьясил апIурайи 100% хьайикан 25% Дагъустандиъ гьясил апIурайиб ву.
«Хьа гьясил апIурайи рес-публикайин карханйириз гьюкуматдин терефнаан лазим вуйи вари кюмек апIиди. Гъи варитIан асас вуди ихь улихь дийибгънайи месэла – хьа гьясил апIбан ляхин ужуб къайдайиз дубхну, артухъдиси лихру йишвар тешкил апIувал ву», – гъапну министри.
Вари шейъ-шюйъ Китайдиан хру вахтариси дарди, гъи ихь республикайи Китайдиз чав гьясил гъапIу хьа хътапIурайивал ужуб лишанси гьисаб апIуз шулу.
