РД-йин жигьиларин ляхнариз лигру министерствойи экстремизмдин ва терроризмдин идеология тарабгъбан улихьишв бисбаз грантдин кюмек вуди 1 миллион манат жара гъапIну. Гьаддин гьякьнаан тялукь идарайин пресс-гъуллугънаан хабар тувра.

 

 

Конкурсдиъ РФ-дин аьтрафариин регистрация дапIнайи, Дагъустандиъ чпин ляхин кIули гъабхурайи жямяаьтлугъ, коммерцияйин дару тешкилатарихьан иштирак’вал апIуз шулу.

 

Думу 3 этапдиъди кIули гъябгъиди: аьрзйир кьабул апIувал, финалистар гъядягъювал, гъалибчйир тяйин апIувал.

 

Финалиъ иштирак хьуз гъядягъю конкурсдин иштиракчйириз чиб шубубпи этапдиз удучIвбан гьякьнаан мялумат тувиди, ва дурари чпин проект презентацияйиз гьязур апIиди.

 

Шубубпи турин натижйириинди 5 гъалибчи гъядягъиди, ва дурариз гьаруриз чпин проект уьмриз кечирмиш апIуз 200 агъзур манат тувди.