РФ-йин мярифатнан министерствойи Урусатдин цифрайин артмиш’валин министерствойихъди сатIланди «Госуслуги» порталианмина коллеждиъ урхуз кьабул апIбан къайда гьязур апIура. Му проектдиъ гьамусяаьт 2132 колледж иштирак шула. Дидин кюмекниинди урхбан тешкилатдиз документар кьабул апIбан вахт ва колледж ерлешмиш дубхьнайи йишв рягьятди тяйин апIуз хьибди. Гьаму жюрейиинди 264 пишйириз аьрзйир кьабул апIуз хъюгъна.

 

Образованиейин цирклиъ дубхьнайи сабсана цIийивал – «Профессионалитет» прог-раммайиан урхуз кьабул апIувал ккебгъна. Дидиз асас вуди, зегьметнан рынокдин тIалаблувализ лигну, тялукь дережайин пишекрар гьязур апIиди. Му федеральный проект 42 региондиъ ляхник кипна. 70 кластериъ колледжар ва техникумар экономикайин цирклин тешкилатарихъди сатIи апIиди. Цифрйирин чIал’инди кIуруш, му 250 коллеж ва 200 тешкилат ву, ва улубкьурайи урхбан йисан дурариъ 150 агъзур касди тялукь аьгъювалар гъадагъиди.

Статистикайи улупурайиганси, ихь уьлкейиъ 9-пи класс ккудубкIу баяр-шубарикан 60 процент кьялан пишекарвалин тешкилатариъ урхуз учIвру, хъа 11-пи классдихъан – 30 процент.