Сергей Меликовди йицIихьуд йисандин арайиъ Дагъустан Республикайиз регьбервал туври гъахьи гьюкуматдин ва жямяаьтлугъ адлу кас Мягьямадяли Мягьямедовдин ччвур даима вуди кIваин уьбхбан гьякнаан указ адабгъну. Думу указди асас вуди, Дагъустандин вузариъ урхурайи студентариз республикайин бюджетдиан Мягьямедяли Мягьямедовдин ччвурнахъ вуйи 6 стипендия тяйин апIбанди ву. Дидланра гъайри, РД-йин Правительствойин идарайин цалиъ дугъаз бахш дапIнайи гьюрматнан тахта ибтди, хъа Леваши гъулан спортдин мектебдиин дугъан ччвур иливиди.

 

Дагъустандин Правительствойиз ва муниципалитетарин улихь-кIулихь хьайидариз гьюкуматдин социальный, спортдин ва сагъламвал уьбхбан идарйириин Мягьямедяли Мягьямедовдин ччвур иливбан месэлайиз лигуз теклиф дапIна.