Гьеле апрелин эвелариъ учу «Табасарандин нурар» газатдиъ Хив райондиъ уьмуми образованиейин мектебариъ урхурайидарин командйирин арайиъ 1941-9145-пи йисари гъабхьи Ватандин Аьхю дявдиъ гъадабгъу Гъалибвалин 78-пи йисаз бахш вуди тешкил апIурайи футболин талитарикан мялумат тувнийча. Магьа гьаму йигъари думу талитарин натижйир ашкар гъахьну.
Мектебарин командйирин талитариъ гьарсаб зонайиан сабпи ва кьюбпи йишв гъадагъу командйир Хив райондин асас стадиондиин гюрюшмиш гъахьну. Талитарин натижйириинди сабпи йишв КанцIил гъулан мектебдин командайи гъадабгъну. Кьюбпи йишваз Гъвандикк гъулан, хъа шубубпи йишваз ЦIинитI гъулан мектебарин командйир лайикь гъахьну. Хъа ГъуштIларин мектебдин волейболин команда юкьубпи йишван сагьиб гъабхьну.
