22-пи июндиан 1-пи июлиз Дагъустандиъ 2023-пи йисандин ЕГЭ тувбан резервдин йигъар ву. Му йигъари ЕГЭ улихьна йисарин выпускникарихьан ва гьаму йисан улупнайи асас йигъан, кьатI’и себебар багьна духьну, имтигьниз гъюз дархьидарихьан, вая кьюб чарасуз вуди тувну ккуни имтигьнариан (математика вая урус чIал) бегьемди баллар дархьи выпускникарихьан тувуз шулу.

 

 

22-пи июндиъ урус чIалнаан ЕГЭ кIули гъубшнийи. Думу йигъан имтигьян тувуз 1096 кас гъафну.

РД-йин мялуматар тартиб апIру центрин пресс-гъуллугънаан къайд гъапI-ганси, 23-пи июндиъ географияйиан, литературайиан ва харижи чIаларин мелзналан вуйи улхбан пайнаан ЕГЭ кIули гъубшну. 26-пи июндиъ математикайиан, 27-пи июндиъ – биологияйиан, информатикайиан ва харижи чIаларин бикIбан пайнаан, 28-пи июндиъ – общество-знаниейиан ва химияйиан, 29-пи июндиъ – тарихнан ва физикайин предметариан ЕГЭ тувуз мумкинвал хьибди. Мидланра гъайри, 1-пи июль расписаниейиъ вари предметариан ЕГЭ тувру резервдин йигъси тасдикь дапIна.

Пресс-гъуллугънаан мялум гъапIганси, мажбури вуди тувну ккуни саб вая кьюб предметдиан лазим вуйи ас-ккан кьадар баллар гъадагъуз дархьи выпускникариз, чарасуз себеб багьна дубхьну, имтигьниз дарфидариз имтигьнар тувуз улихь ккимиди аьлава вахт (6-пи сентябриан 19-пи сентябриз) назарназ гъадабгъна.