УЛАРИН РЯБКЪЮВАЛ ЗЯИФДИ ВУЙИГАН, ДУРАРИЪ ИЦЦРУШИН АЙИГАН
Лимондин, апельсиндин, герандин, розмариндин гьава хътабгъури хьували уларин рябкъювал учIру хьпаз кюмек апIуру.
Миърин мейвйири асас вуди хябяхъган ва йишвну уларин рябкъювал ужу апIуру. Дурари, уларин рябкъювал артухъ ва учIру апIруси, табии дару аквнахь деъну лихруган, уларин эрг’вал цIиб апIуру.
Лимонникдин мейвйирикан гьязур гъапIу убхърубди, дурарин спиртдин ширейи йишвну рябкъювал ужу апIуру. Амма, къайд дапIну ккундуки, лимонникдин препаратар нивкI дяргърудари, табарин давление артухъ ву- йидари, нервйирин аьссивал айидари ишлетмиш дапIну ккундар.
Лимонникдин мейвйирикан убхъруб гьамци гьязур апIуру. Варж грамм мейв-йирихьна хьудварж грамм 95 процентдин спирт гъадабгъуру. Мейвйир жвиллиди уркуру, спирт кубзну, мучIушнаъ ва хулан температура айишваъ, вахт-вахтарик тIубччвури, 8-9 йигъан дивру. Хъасин мейвйир кчIюкьюру, убхъруб фильтрихъан хътубзуру ва мучIу шюшейин гъаб-раъ убзру. Думу мани дару йишваъ уьбхюру.
Лимонникдин спиртдин ширера гьамци гьязур апIуру. Варж грамм мейвйирихьна 300 грамм 70 процентдин спирт лазим шулу. Гьязур апIбан къайда зиихъ дупнайи рецептдинсиб ву.
Препаратар ичIи кIваинди 20-30 литIан хураг ипIайиз ясана хураг ипIбалан кьяляхъ, гьар йигъан юкьуб сяаьтналан 2-3 ражари 20-25 йигъан ишлетмиш апIуру.
УЛАРИАН НИВГЪ ГЪЯБГЪРУГАН
Улариан нивгъ гъябгъруган, сад йигъан швнуб-саб ражари тминдин литIнар урзру. Думу шми дарман гьамци гьязур апIуру: хураг ипIру саб муччвриъди вуйи гьашвун тумар саб астакниъ урхьуру ва, гьаци убцури имиди, душвакк чайран саб муччвриъди укIу кюкдин (василек) цIабар, чайран саб муччвриъди жвиллиди дубк-найи очанка укI ва гьадмукьан дуркну рякъюн укIан цIабар кахьру. Саб суткайиз дивру, хъасин ктIубццуру ва бамбгин фильтрихъан хътубзуру.
ГЛАУКОМА
Глаукома уьзриан иццрудариз ва, наслиан наслихьна уьзур гъябгъюри, глаукомайиан иццрудар айидариз гъагъи ва йишвандин ляхнар апIувал къадагъа дапIна.
Уларин айитI уьзриан давление гьарарин, укIарин чру рангну цIиб апIуру. Ригъ али йигъари чру рангнан фильт-рар айи аьйнар алахьувал хайирлу ву.
Аьзарлуйири кьил, шид (1-1,2 литр суткайиъ) цIибди ишлетмиш дапIну ккунду. Дурар уларин айитI давление за апIрудар ву. Глаукома айидариз хумурзгар, мюрхюн шире, петрушка, уччвар, тIумтIар, брусника, нимкъар, кIашниш, хваран чинчар, гъарпуз, келем, турф, сивун зурдун мейвйир ишлетмиш апIуз теклиф апIура.
Гьар йисан са-саб вазлиъ кьюб ражари суткайиъ йицIуб грамм вуди витаминарихъди ва микроэлементарихъди девлетлу вуйи кюкйирин маяйин бишируг (пыльца) ишлетмиш апIувалра хайирлу ву.
Глаукома сагъ апIбан бадали, уларин айитI давление цIиб апIру, витаминар кайи набататар ишлетмиш апIувалин теклиф дивра.
Гьамрар вари кади, хураг ипIру муччвриъди вуйиб термосдиъ абхьну, 0,7 литр убхьурайи шид улубзуру ва сад йишвазди дивру.
