Октябрин 1-пи йигъан Табасаран райондин администрацияйиъ райондин аьтрафариин тикмиш апIуз ккайи, жюрбежюр игьтияжар гьуркIру спортдинна туризмдин центрин инвестицйирин проектдин презентация гъабхьну.
Проектдин презентацияйин серенжемдиъ проектдин гьевескар, Сочи шагьрин ММА-йин спортдин Союздин гъидикьнайи кчIихбарин Федерацияйин президент Максим Исмяилов ва Москва шагьриан дуфнайи социологияйин илмарин профессор Владислав Стадник иштирак гъахьну.
Му проектдин дахилнаъди спортдин тикилишар, рягьятвал гъадабгъру йишвар, балугъар артмиш апIру даграр ва вертолет дубсру майдан гьязур апIиди.
Проектдин ляхнар «Сельсовет Бурганкентский» СП-йин «Хюлягъ» кIуру йишваъ анжагъ Бургьанкент гъулан агьалйирин разивалииндитIан уьмриз кечирмиш апIуз хъюгъидар.
