Муганайиз Хив райондин Сюгют гъулаъ мист адайи. Гьаму йигъари улупнайи гъулаъ 13 метр ярхишин, 11 метр яркьушин ади мист тикмиш апIуз бисми гъапIну.

 

 

Му йигъан мистан шибритI ккивбан ляхнар гъахру серенжемдиъ Хив райондин Ккугъ, ЧIира, Мажвгул, Яракк, Гъвандикк, Зилдикк, Хив ва жара гъулариан агьалйир, имамарра кIулиъ ади, чпихьан шлу кюмек тувуз гъафнийи. Мидланра савайи, саб жерге касар рес-публикайин муфтиятдианра дуфнайи. Дурари мистаз чпин терефнаан ва гъирагъдиан тувну уч дубхьнайи пулин дакьатарин кюмек гъапIнийи.

Сюгют гъул – Хив райондин варитIан кьанди тешкил гъапIу гъуларикан саб ву. Душваъ яшамиш шулайи жямяаьт асас вуди Яракк ва Гъвандикк гъулариан кючмиш духьнайи ватандашар ву.

Аллагьдин амриинди мист ккудубкIган, вари сатIиди дидин аьхюшин 140 квадратдин, хъа айитIишв – 130 квадратдин метр хьиди. ЦIийи мистаъ имид-амдар 150-хьнакьан динагьлийир уршди.

Гъит, Сюгют ва миди вуйи гъуларин жямяаьтдиз уьмриъ алахьурайи гьар фициб вушра читин месэлйир – штун, рякъюн, зирзибилин – гьамци сатIиди гьял апIуз, вазифа ва метлеб, ужудар ниятар кIулиз адагъуз кьувват туври.

Тикмиш апIурайи мистаз кюмек апIуз иштагь айи касарихьан, хал-хизандилан, кюлфетдилан илдипнайи садакьа-лукьман рубкьуз ккунир аш (Аллагьди кьабулра апIри), гьаму улупнайи адресариз дакьатар хътауз шулу:

 

1. Банкдин карточкайин нумра 5469 6000 3117 8288
2. Телефондин нумра + 7(989)446-12-71 Гюльмурад