РФ-дин образованиейин Министерствойи ва Рособрнаукийин идарайи 2020-пи йисаз ЕГЭ-йин ва ОГЭ-йин имтигьнарин расписание тяйин гъапIну.
ОГЭ-йиан имтигьнар 22-пи майдиан 9-пи июндиз кIули гъягъиди, хъа 11-пи классарин выпускникари имтигьнар 25-пи майдиан 16-пи июндиз тувди.
ОГЭ-йиан сабпи имтигьян 22-пи майдиъ харижи чIаларин предметдиан шулу, хъа варитIан аьхиримжи йигъариз география ва математика предметар улупна.
Тяйин дапIну улупнайи вахтназ улихьна тувуз ккунидариз имтигьнар апрелин 21-пи йигълан 6-пи майдиз имтигьнар тувуз мумкинвал хьибди. Текрар вуди имтигьнар тувбан бадали, 4-11-пи сентябрин йигъар улупна.
ЕГЭ-йиан сабпи имтигьян «литература» ва «информатика» предметариан шулу, харижи чIалариан вуйи имтигьниинди ЕГЭ-йин сабпи кампания ккудубкIиди.
Гъябгъюрайи йисан гьюкуматдин имтигьнар гъахувалин къайдайиъ цIийиваларра тIаъна. ОГЭ-йиъ физика ва химия предметариан вуйи имтигьнариъ 9-пи классдиъ урхурайидарихь чарасуз вуди калькулятор ва лабораторияйин алатар хьади ккунду, хъа урус чIалнаан вуйи имтигьяндиз орфографияйин словарь чпихьди хуз мумкинвал тувра.
