РФ-дин Генеральный прокуратурайин сайтдиъ Урусатдиъ тахсиркарвалар апIбан аьгьвалатнан 2019-пи йисандин статистикайин улупбар чап дапIна.

Гъубшу йисан уьлкейин 37 региондиъ тахсиркарвалар апIбан кьадар цIиб дубхьна, хъа имбу 48 региондиъ тахсиркарвалар апIувал артухъ гъабхьну.

Тахсиркарвалар апIувал цIиб гъахьи регионарин арайиъ Дагъустанди кьюбпи йишв бисура (мушваъ тахсиркарвалар апIбан дюшюшар 10,8%-дин цIиб гъахьну), хъа сабпи йишв’ин Ненецкий автономный округ ал (13,3%). Мурарин кьяляхъди Омский ва Калужский областар ва Алтай Республика гъягъюра.

2019-пи йисан 11 вазлин арайиъ, 2018-пи йисандин тялукь вахтнахьди тевиган, Дагъустандиъ 2131 тахсиркарвалар цIибди гъапIну.

Гьадму вахтнан арайиъ гъагъи ва лап гъагъи тахсиркарвалар апIбан кьадарра 17,7 процентдин цIиб гъабхьну. 2019-пи йисан 11 вазлин арайиъ вари 12687 тахсиркарвал гьисабназ гъадагъну.

СКФО-йиъ, Дагъустан ктарди, Ингушетияйиъра тахсиркарвалар апIбан кьадар цIиб гъабхьну. Му ужуб гьяракат улубкьу йисан хъана давам, ихь уьлкейиъ апIурайи тахсиркарваларин кьадар лап цIиб шуа дупну, умуд кивдихьа.