16-18-пи январиъ СатIи вуйи Аьраб Эмиратарин Абу-Даби шагьриъ джиу-джитсуйиан вари дюн՚яйин Абу-Даби Grand Slam турнир кIули гъубшну. Думу талитариъ табасаран спортсмен Вагиф Шихгьясановди бразилияйин джиу-джитсуйиан 3-пи йишв гъадабгъну.

 

Думу, учв 89 кило гъагъ айи спортсмен, 94 кило гъагъ айи спортменарихъди талитариз удучIвнийи. Вагифди учуз туву мялуматариинади, дугъу сабпи кчIихуб Султанат Омандиан  спортсмендихъди, кьюбпиб – Иорданияйиан вакилихъди ва финализ удучIвбан бадали шубубпи кчIихуб Колумбияйиан вуйи спортсмендихъди гъубхнийи.

Хъа кемшрин медаль бадали думу Колумбияйиан вуйи жара спортсмендихъди кчIихну ва дугъ՚ин гъалиб гъахьну. Шубубпи йишван сагьиб хьувалиинди Вагиф Шихгьясанов апрелиъ гъябгъру джиу-джитсуйиан вари дюн՚яйин чемпионатдиъ СатIи вуйи Аьраб Эмиратарин пайдгъиккди иштирак хьуз гъядягъну.