Дагъустан Республикайин Правительствойи 2016-пи йисан 26-пи апрелиъ 110-пи нумрайиккди адабгъу «Дагъустан Республикайин аьтрафариин ерли жягьтлувалар кечирмиш апIбан проектарикан» кIуру къарарнан дахилнаъди, региондин муниципалитетарин ерли жягьтлуваларин проектар гъядягъбан бадали, конкурс тешкил дапIна. 2016-пи йисхъан мина му конкурс гьар йисан кIули гъябгъюра, ва хайлин муниципалитетариз чпин ерли жягьтувалар уьмриъ кечирмиш апIуз мумкинвал шула.

 

 

 

Проектдин асас метлеб – республикайин муниципалитетариъ йишвариин идара апIурайидарин жягьтлувалариз ва жямяаьтлугъдин терефнаан гъюрайи, гьял дапIну ккуни культурайинна яшайишдин мяишат ккабалгувалин, шид зигувалин, машинар гъягъру рякъярин, бицIидарин ва спортдин майднарин, туризмдин ва жара месэлйириз кюмек апIувал ву.

Конкурсдиъ иштирак хьпан бадали улупнайи асас шартIарикан саб – проект уьмриз кечирмиш апIбан бадали, муниципалитетдин бюджетдианси, меценатарин кюмекра хьуб.
Цци гьаму конкурсдиъ иштирак хьуз Хив райондианра 2 проект гьязур апIура – Хив гъулаъ айи стадиондин капитальный ремонт апIувал ва Зилдиккна Ккугъ гъулариъ бицIидариз вуйи тамшир апIру майднар ккабалгувал.

Гьюрматлу Хив райондин агьалйир! Эгер ичв райондиан вуйи проектар конкурсдиъ гъалиб духьну ккундуш, учвхьанра гьарурихьан думу ляхник жвуван пай кивуз шулучвхьан. Район ужуди артмиш апIуз учвура чалишмиш йихьай!