Табасаран эскрар – Ватандин Аьхю дявдин иштиракчйир

 

Шихсефер Шерифович Шерифов

1925-пи йисан Хив райондин Зилдикк гъулаъ бабкан гъахьну.

 

Ватандин Аьхю дяви ккебгъруган дугъу, вари чан тай живанариси, багъри гъулаъ аьдати уьмур хъапIрайи. Амма гъаних душмандин хаинвали думу ислягь йигъар кьатI гъапIну. Жигьил бай 1943-пи йисан Хив военкоматдиан Уьру Армияйин жергйириз гьаъру. Дугъан дявдин рякъ сифте Баку шагьриан ккебгъну. Кьяляхъна думу Батуми шагьриъ, Ярхла Ригъ гьудубчIвру терефнаъ ерлешмиш духьнайи Яракьлу Кьувватарин жергйириъди женгариъ иштирак гъахьну. Шихсефер Шерифовди гьацира Японияйихъди вуйи женгариъра гъалибвал багахь апIбак чан пай кивну.

Дявдин ва зегьметнан женгариъ улупу гьунарариз лигну, Шихсефер Шерифович «Кавказ уьбхбаз лигну», «Германияйиин гъалиб хьпаз лигну» ва йицIбариинди юбилейин медаларихъди лишанлу гъапIну.

Ш.Шерифов 2017-пи йисан уьмриан гъушну.