Табасаран эскрар – Ватандин Аьхю дявдин иштиракчйир
Аьлимурад Аьлиханович Кьадиров
1905-пи йисан Табасаран райондин Ягъдигъ гъулаъ бабкан гъахьну.
36 йисан яшнаъ ади думу дявдиз гъушнийи. Фронтдиъ думу пулеметчикди гъахьну. Аьлимурад Кьадиров Украинайиъ, Венгрияйиъ фашистарихъди гъуху дявдин женгарин иштиракчи ву. Думу гьацира душмнихьан Сталинград азад апIбан женгариъра иштирак гъахьну. Гьамци думу Берлиндизкьан гъушну, гьадушваъ гъалибвалин шадлу хабарра кьабул гъапIну. 1941-1945-пи йисари Ватандин Аьхю дявдин женгариъ Ватан бадали лишанлу хьувализ дилигну, Аьлимурад Кьадировдиз гизаф орденар ва медалар айи. Думу 101 йисан яшнаъ ади 2006-пи йисан уьмриан гъушну.
