Дербент шагьрин коронавирусдихъди женг гъабхру гьяракатнан штабдин 2020-пи йисан майин вазлин 20-пи йигъан адабгъу къарар тамам апIури, Дербент шагьрин кьялан больницайин аьтрафариин майин 26-пи йигълан мина чарасуз гьялнан къайда дебккна.
Гъубшу гьяфтайиъ Дербентдиъ шагьрин главайин заместитель Шамил Аьлиевдин ва ЦГБ-йин кIулин духтир Аьбдулкъафар Шихмягьямедовдин гюзчиваликкди коронавирусдин инфекция тарабгъувал яваш апIру саб жерге серенжемар гъухну. Больницайиз деетбан къайда ижми гъапIну. Больницайин аьтрафариинди учIвру йишв,ин али раккнарихъ ахтармиш дапIну деетру пункт дивна, дежурствойиъ айи духтрарин машинкьан дина деебтури адар. Больницайин аьтрафариина вуйи раккнарин гъаншариъ пулсузди машинар дерккру йишв жара дапIна. Зиихъ гъапи къарар тамам апIбан зиин Росгвардияйин гъуллугъчийи гюзчивал гъабхура. Гъубшу гьяфтайиъ Дербентдиъ шагьрин главайин заместитель Шамил Аьлиевдин ва ЦГБ-йин кIулин духтир Аьбдулкъафар Шихмягьямедовдин гюзчиваликкди коронавирусдин инфекция тарабгъувал яваш апIру саб жерге серенжемар гъухну. Больницайиз деетбан къайда ижми гъапIну. Больницайин аьтрафариинди учIвру йишв,ин али раккнарихъ ахтармиш дапIну деетру пункт дивна, дежурствойиъ айи духтрарин машинкьан дина деебтури адар. Больницайин аьтрафариина вуйи раккнарин гъаншариъ пулсузди машинар дерккру йишв жара дапIна. Зиихъ гъапи къарар тамам апIбан зиин Росгвардияйин гъуллугъчийи гюзчивал гъабхура. Больницайин аьтрафариина гъюз ихтияр а: медицинайин тяди кюмек тувру машинариз, гъуллугънан вазифйир тамам апIурайи хусуси метлеб айи машинариз, МВД-йин цIа ктIубшвру дестйирин, МЧС-дин, ФСБ-йин машинариз, РД-йин сагъламвалин министерствойин рас апIбан ляхнар гъахру машинариз.
Больницайиъ гьацира аьзарлуйирихьна лигуз гъюрударизра къадагъа апIру къайда дебккна ва айитIна гъирагъдиан вуйи сар каскьан деетурадар. Багахьлуйирихьан вуйи ипIруб аьзарлуйирихьна гъабхбан бадали, волонтерарин десте тешкил дапIна.
Больницайин аьтрафариан удучIвру машинар дезинфекция апIру хусуси метлеб айи пост арайиз дубхна.
Шагьрин главайин заместитель Шамил Аьлиевди ктибтиганси, 27-пи майихъан мина шагьриъ гъийиху инсанар гъахру йишв либхуз хъюбгъди. Тазади рас дапIнайи моргдиъ ислам диндин аьдатариинди ва Роспотребнадзорин тIалабариинди майит жибкIру йишвра а.
Гьацира, шагьрин администрацияйин вакилин гафариинди хулариъ дусну гъузну ккунивалин гьякьнаан агьалйирихъди профилактикайин ва гъаврикк ккаъбан ляхин гъабхбан бадали спортдин мектебарин тренерарикан, уьмуми образованиейин идарйирин ОБЖ-йин, физкультурайин ва зегьмет зигбан дарсар тувру мялимарикан ибарат вуйи халкьдин дружинникарин дестйирра тешкил дапIна.
КIваина хурача, лазим алдарди хул’ан удучIвдариин 3 агъзур манатдиинакьан административ штраф илибтIура. Къайда кьюб-шубуб ражари чIюбгъюрайи касарин журум 45 агъзуриинакьан удубчIвиди. Шагьрин администрацияйин метлеб агьалйириин журумар илитIувал дар, гьаддиз агьалйир гъаврикк ккаъбан ляхин гьяракатнаъ ипна. Халкьдин дружинникарин дестйири шагьрин айитI ахтармишар гъахбан ляхин ккебгъна.
Гьюрматлу юлдшар! Лазим алдарди хул’ан чIатинди муудучIванай. Ичв хуларин багахь хьайи тукандиан ипIруб, багахь хьайи аптекайиан дармнар гъадагъай. Инсандиз варитIан багьа вуйиб жвуван ва багахьлуйирин сагъвал ву – дидин гъаразнаъ йихьай.
