Войдите в свой аккаунт

Пользователь
Пароль
Запомнить меня

Создать пользователя

Поля, помеченные звездочкой (*) обязательны.
Ф.И.О*
Логин*
Пароль*
Повторить пароль*
E-mail*
Повторить E-mail*
Captcha *
Reload Captcha

Жигьиларин политикайин гьякьнаан федералин къанун лазим ву

Автор Наргиз Гюлечова Пятница, 26 июня 2020, 17:31 173
  • Печать
  • Эл. почта
Жигьиларин политикайин гьякьнаан федералин къанун лазим ву
||| ||| |||

 

Советарин Союздиъ, хъасин Урусатдин Федерацияйиъ 1958-пи йисхъан мина 27-пи июнь жигьиларин Йигъси къайд апIура. Му Йигъахъди аьлакьалу вуди узу Дагъустан Республикайин жигьиларин ляхнариз лигру Министерствойиз дахил шулайи РД-йин «Республикайин жигьиларин центр» ГКУ-йин кIулиъ айирин заместитель Марат Рягьимовдихъди гюрюшмиш гъахьунза. Учу сюгьбатнаъ, Конституцияйиъ тIаърайи дигиш’валари жигьиларин политикайиз фициб тясир тувруш, гьаддикан гъулхунча.

 

Марат Рягьимовдин гафариинди, 2020-пи йисандин эвелиан уьлкейин агьалйириз жюрбежюр махлукьатлу хабрариан гизафси ебхьурайиб Конституцияйин маддйириъ тIаърайи дигиш’валарикан ву.

«Думу дигиш’валарин гьякьнаан чиб агьалйирин арайиъра гизар гафар-чIалар гъягъюра. Йиз фикриан, аьгьвалатнан бегьемди гъавриъ дархьиди, гьамкьан гизаф къаршуди улхуб дюзиб дар. Фицики Конституцияйиъ тIауз ккайи дигиш’валарин арайиъ уьлкейин агьалйирин яшайиш ужувлахъинди гьюдюхру хайлин ужудар дигиш'валарра а», – къайд апIура Марат Рягьимовди.

Йиз сюгьбатчийин гафариинди, Конституцияйиъ тIауз ккайи дигиш’валари дидин бинайик кучрадар.

«Узу жигьиларихъди ляхин апIурайи цирклиъ лихурайивализ лигну, 72-пи маддайин 1-пи пайнан «е» пунктнакан улхуз ккундузуз. Му маддайиъ улупнайи дигиш’валар жигьиларин политикайиз гизаф лазим вуйидар ву. Фицики Дагъустан Республикайин агьалйирин 1/3 пай (1 миллиондихьна) жигьилар ву. Мялум вуйиганси, Дагъустан жигьиларин политика хъуркьувалиинди уьмриз кечирмиш апIру регион вуйивализ лигну, ихь республикайин жигьилари федералин дережайиъдира спортдин, культурайин, туризмдин, волонтервалин ва хъанара жара жюрбежюр проектариъ, программйириъ аьшкьниинди иштираквал апIура ва дурариъ гъалибра шула.

Урусатдин имбу регионариъси, Дагъустандиъра жигьиларин политикайин гьякьнаан къанунар кьабул дапIна. Амма, гьелелиг, федералин дережайин тялукь къанун кьабул дапIнадар. Гьаддиз, гьамус Конституцияйиъ тIаърайи дигиш’валар кьабул апIбан кьяляхъ регионариъ жигьиларин политикайин гьякьнаан кьабул дапIнайи къанунар гьисабназ гъадагъну, «Урусатдин Федерацияйин жигьиларин политикайин гьякьнаан» федералин къанунра кьабул апIбак умуд кивраза.

Ич сюгьбатнаъ Марат Рягьимовди, жигьиларин ляхнариз лигурайи Федералин агентствойи грантар тувбан бадали тешкил апIурайи программйириъ, проектариъ иштирак шулайи ихь республикайин жигьиларин хъуркьувалариканра саб-кьюб гаф гъапнийи. Му конкурсари жигьилариз чпин проектар уьмриз кечирмиш апIуз кюмек тувра ва цIийи проектар яратмиш апIбан гьевес капIра. Гьаму жюрейин жюрбежюр конкурсариъ иштирак духьну ва грантар гъазанмиш дапIну, Табасаран райондин жигьиларира хайлин проектар уьмриз кечирмиш апIура. Мисалназ, цци Хючна гъулан стадиондиин 22 гъулан жигьиларин арайиъ мини-футболин чемпионат кIули гъябгъиди.

Сюгьбатнан аьхириъ Марат Рягьимовди республикайин гьарсар агьалийикан ватандаш’валин буржи тамам апIуб – 1-пи июлиъ сесер тувру участокдиз душну, Конституцияйиъ дигиш’валар тIаъбахъанди сесер тувуб ккун гъапIну.

Оцените материал
(0 голосов)

ПОСЛЕДНИЙ НОМЕР

Свежий выпуск

Читайте также

Правительство Дагестана поддержит развитие овцеводства

июль 15, 2020 Общество

...................................................................................................

Повышение минимального размера пособия по уходу за ребенком для нерабо…

июль 15, 2020 Общество

...................................................................................................

Гаджи Султанов обсудил с журналистами развитие горных территорий Дагес…

июль 15, 2020 Экономика

...................................................................................................

В России в программу материнского капитала внесены изменения

июль 15, 2020 Общество

...................................................................................................

УФССП по РД уведомляет о порядке осуществления личного приема граждан

июль 15, 2020 Общество

...................................................................................................

Журналист «Дагестанской правды» победил во всероссийском конкурсе

июль 15, 2020 Общество

...................................................................................................

В Махачкале в 2020 году запустят предприятие по переработке рыбы

июль 15, 2020 Экономика

...................................................................................................

В Махачкале в этом году благоустроят 12 скверов

июль 15, 2020 Общество

...................................................................................................

В Дагестане на 4,1% подорожал бензин АИ-95 марки

июль 15, 2020 Общество

...................................................................................................

В Дагестане принимаются заявки на участие в проекте «Местные инициатив…

июль 15, 2020 Экономика

...................................................................................................

Информация

23 июля - Памятная дата военной истории России

июль 14, 2020 Информация

...................................................................................................

15 июля - Памятная дата военной истории России

июль 14, 2020 Информация

...................................................................................................

13 июля - Памятная дата военной истории России

июль 14, 2020 Информация

...................................................................................................

12 июля - Памятная дата военной истории России

июль 14, 2020 Информация

...................................................................................................

10 июля - Памятная дата военной истории России

июль 14, 2020 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 07 марта 2017 года. Свидетельство о регистрации Эл № ФС77-68946. Возрастное ограничение 6+

Главный редактор Маллалиев Гюлахмед Нуралиевич