Войдите в свой аккаунт

Пользователь
Пароль
Запомнить меня

Создать пользователя

Поля, помеченные звездочкой (*) обязательны.
Ф.И.О*
Логин*
Пароль*
Повторить пароль*
E-mail*
Повторить E-mail*
Captcha *
Reload Captcha

Коллективдиз кIваантIан чухсагъул мялум апIураза

Автор Умгьанат Сулейманова Пятница, 26 июня 2020, 17:45 171
  • Печать
  • Эл. почта
Коллективдиз кIваантIан чухсагъул мялум апIураза
||| ||| |||

 

21-пи июнди ихь уьлкейиъ медицинайин пишекрарин Йигъ къайд апIури гизаф йисар ву. Му машкврихъди кIваантIан мубарак апIури, узу Дагъ.Огнийин ЦГБ-йин кIулин духтир Важибова Жамиля Къурбалиевнайихъди гюрюшмиш гъахьнийза.

 

Жамиля Важибова 2020-пи йисан 11-пи мартдиъ Дагъ.Огнийин ЦГБ-йин кIулин духтирди тяйин гъапIнийи. Вари уьлкейиъ тарабгънайи коронавирусдин тIягъвни дугъахьди ляхниъ лап читин имтигьян тувуз гъитну.

– Жамиля Важибова, цци яв уьмриъ кьюб гьядиса гъахьну: саб кIуруб, уву Дагъ.Огнийин ЦГБ-йин кIулин духтирди тяйин гъапIну, хъа кьюб кIуруб, коронавирус уьзри яв ляхниз хайлин манигъваларра тувну. Гьаддихъди сабси уьлкейин Президентдин ва республикайин Минздравдин терефнаан больницйирин кIулин духтрарихьна вуйи тIалабар аьхюдар гъахьну. Му читин шартIариъ фици гъилихунчва?

– Дугъриданра, цци йис читинди ккебгъну. Тешкилатчивалин бажаранвал ктру ва жавабдарвал гьисс дарапIру касдихьан ляхин апIуз шлуб дар. Узу духтрарин тухумдиъ аьхю гъахьир вуза ва йиз адаш Аьбдулязизов Къурбали Рамазанович Хив райондиъ гьюрматлу кас вуйи. Думу 18 йисан Хиварин ЦРБ-йин кIулин духтирди гъилихну. Аьхюдарихъан гъадагъу аьгъювалар ва пишекарвалин тажруба узу коллективдихъди ва жигьиларихъди пай апIураза. Жигьил духтрариз аьзар-луйирихъди гаф-чIал апIуз, дурарин тIалабар жикъи вахтнан арайиъ гьуркIуз ва гьарсар аьзарлуйихьна гьюрматлуди янашмиш хьуз улупури шулза.

Сар духтирра чаз айи аьгъювалариин разиди ва архаин духьну ккундар, иллагьки жигьил духтрар. Гьаз гъапиш вари дигиш шула, гьадму гьисабнаан иццрушнарра. Магьа цци ихь кIул'ина дуфнайи коронавирус уьзри духтрарра ва аьзарлуйирра ягъалмиш гъапIну. Гъи мицисдар уьзрарихъди женг гъабхбан бадали, духтри гьарган цIийи яракь абгури ккунду. Дупну ккундуки гьелелиг ич больницайин духтрарикан тахсирвал гъабхьир инсанкьан адар, ва коллективдин хъуркьуваларра айич. Коронавирусдин тIягъвнин вахтна дурари чпин пишекарвалин дережа улупну.

Му уьзри учуз хайлин читинвалар гъахну, гьаци вушра йиз духтрарин коллективдиз аьхю чухсагъул кIураза. Дурариз гизаф аьзият алабхъну, ва Кьибла Дагъустандиъ варитIан читин участокра ичуб гъабхьну. Иццрушин кайи инсанар гизаф, духтрар цIиб вуди гъахьну. Дербент райондиан вуйи аьзарлуйирра учухь кьабул апIури гъахьунча, гьаз гъапиш пропуск хьтру кас Дербент шагьриз деетури гъахьундар. Читин гьялнаъ айи аьзарлуйиризра учхьан шлу кюмек тувунча. 657 аьзарлуйир кьабул гъапIунча ва гизаф пай пучIу жюрейин пневмонияйихъди аьзарлу духьнайидарра учухьна илтIикIну. Дурариз учхьан шлу кюмек тувну, участковый духтрар хулариз гъягъюри, сагъ хьайиз дурариз лигури ва гюзчиваликк уьрхюри гъахьну. Жара уьзрариан, иммунитет зяиф дубхьну, гъийихдарра гъахьну, хъа коронавирус уьзриан кечмиш гъахьидар кьюр аьзарлутIан дар.

Гъирагъдилан кюмек адарш, мициб уьзрихъди кIул'инди женг гъабхуз сар касдихьанра шлуб дар. Гъи йиз ва ич больницайиъ лихурайидарин терефнаан аьхю чухсагъул пуз ккундузуз РД-йин сагъламвал уьбхбан министр Жамалутдин Гьяжиибрагьимовдиз, Уркарах гъулан агьали, дилаварчи Гьяжимурад Ибрагьимовдиз, Дагъ. Огнийи главайин вазифйир тамам апIурайи Жалалутдин Аьлирзаевдиз, Дербент райондин ЦРБ-йин кIулин духтир Рашид Чупановдиз, РД-йин Халкьдин Собраниейин депутат Сефер Аьлиевдиз, шагьрин образованиейин Управлениейин кIулиъ айи Максим Аьлихановдиз, Гьясбулла Баркаевдиз. Му касари халкьдин уьмрин читин йигъан чпин инсанвал улупну. Уьмриъ гъалатIар дееетру инсан адар, хъа сар-сарин гъаври ахъну, мициб йигъан кюмек тувувал – му варитIан аьхю суваб ву. Узу ктуху касари туву кюмекниинди фукьан инсанарин уьмур ярхи гъабхьну"

Жамиля Важибовайин жилир Важибов Шахсин Жамалутдинович Дербент шагьрин ЦГБ-йиъ урологияйин заведующийди лихура. Мурарин баяр-шубарра чпин абйир-бабарин шилнаъди гъушну. Аьхюнур риш Наргиз Краснодар крайиъ Арвамир шагьриъ кардиологди, хъа Камила нев-ропатологди лихура, бицIинур риш Месмер Мягьячгъала шагьриъ медуниверситетдин 2-пи курснаъ урхура, хъа бай Жамалутдинди цци 11-пи класс ккудубкIну. Дугъура чан уьмур медицинайихъди сатIи апIуз ният дапIна.

Оцените материал
(0 голосов)

ПОСЛЕДНИЙ НОМЕР

Свежий выпуск

Читайте также

Правительство Дагестана поддержит развитие овцеводства

июль 15, 2020 Общество

...................................................................................................

Повышение минимального размера пособия по уходу за ребенком для нерабо…

июль 15, 2020 Общество

...................................................................................................

Гаджи Султанов обсудил с журналистами развитие горных территорий Дагес…

июль 15, 2020 Экономика

...................................................................................................

В России в программу материнского капитала внесены изменения

июль 15, 2020 Общество

...................................................................................................

УФССП по РД уведомляет о порядке осуществления личного приема граждан

июль 15, 2020 Общество

...................................................................................................

Журналист «Дагестанской правды» победил во всероссийском конкурсе

июль 15, 2020 Общество

...................................................................................................

В Махачкале в 2020 году запустят предприятие по переработке рыбы

июль 15, 2020 Экономика

...................................................................................................

В Махачкале в этом году благоустроят 12 скверов

июль 15, 2020 Общество

...................................................................................................

В Дагестане на 4,1% подорожал бензин АИ-95 марки

июль 15, 2020 Общество

...................................................................................................

В Дагестане принимаются заявки на участие в проекте «Местные инициатив…

июль 15, 2020 Экономика

...................................................................................................

Информация

23 июля - Памятная дата военной истории России

июль 14, 2020 Информация

...................................................................................................

15 июля - Памятная дата военной истории России

июль 14, 2020 Информация

...................................................................................................

13 июля - Памятная дата военной истории России

июль 14, 2020 Информация

...................................................................................................

12 июля - Памятная дата военной истории России

июль 14, 2020 Информация

...................................................................................................

10 июля - Памятная дата военной истории России

июль 14, 2020 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 07 марта 2017 года. Свидетельство о регистрации Эл № ФС77-68946. Возрастное ограничение 6+

Главный редактор Маллалиев Гюлахмед Нуралиевич