Войдите в свой аккаунт

Пользователь
Пароль
Запомнить меня

Создать пользователя

Поля, помеченные звездочкой (*) обязательны.
Ф.И.О*
Логин*
Пароль*
Повторить пароль*
E-mail*
Повторить E-mail*
Captcha *
Reload Captcha

ЧIалназ чан рякъ айиб ву

Автор Зубайдат Шябанова Пятница, 15 марта 2019, 12:36 155
ЧIалназ чан рякъ айиб ву
||| ||| |||

Аьхиримжи вахтна милли чIаларин месэлйир учIру шулайиваликан, хизандиъ чIал уьбхюри адруваликан, мектебариъ бабан чIал киврайи мялимарин пишекарвалин дережайин зяифваликан кми-кмиди ебхьури шулу. Му месэлйирин гьякьнаан сюгьбат гъабхбан бадали, учу «Табасарандин нурар» газатдин редакцияйиз ДГПУ-йин дагъустан филологияйин факультетдин дагъустан литературайин кафедрайин доцент, филологияйин илмарин кандидат Аьлибег Аьшурбеговдиз теклиф гъапIунча.

Газатдин журналистарихъди вуйи гюрюшдиъ дугъу къайд гъапIганси, гъи ДГПУ-йин дагъустан чIаларин факультетдин табасаран отделениейиъ 60-тIан артухъ ихь ватанагьлийири урхура. Муганайиз мушваъ бабан чIалнаанна литературайиан ва урус чIалнаанна литерату-райиан мялимар гьязур апIурайи, гьамус думу факультетдиъ бабан чIална литературайилан ва урус чIална литературайилан гъайри, инглис чIал кивру мялимарра гьязур апIуз хъюгъна. Му цирклиан гьамусяаьт душваъ 9 касди пишекарвалин аьгъювалар гъадагъура.

«Мектебарин кIулиъ айидари учуз чпихьна бегьемди гьязур дапIну адру, зяиф мялимар гьаърайиваликан кIура. Хъа учухьна гъюрайи студентарра лап зяифдар ву. Му месэла гьял апIбан бадали, мялимар ва аьлимар уч духьну, саб къарар адабгъну ккунду. Студентарин арайиъ зигьимлударра алахьуру. Хъа, гьяйифки, йислан-йисаз учухьна гъюрайи студентар ихь чIал бегьемди аьгъдрудар шула. Университетдиъ дарсар кивбаъра читинвалар алахьура. ВаритIан учIрударикан саб – лазим вуйи китабар, пособйир адрувалихъди аьлакьалу ву. Хъа миди таза мялимарин фагьумдиз гизаф тясир апIуру. Ич выпускникар мектебариз мялимарди кьабул гъапIу вахтна, саб жюрейинра китаб адарди, баяр-шубариз кивру дарс фици гьязур апIуру кIури, суалар хьади илтIикIуру. Сабпи нубатнаъди гъийин деврин мялимдин хиликк интернет айи компьютер, интерактив доска ккади ккунду. Хъа, гьяйиф, гъуларин мектебариз дицдар мумкинвалар адар.

Мялимвалин пишекарвалихъ юкIв хъайи жигьиларра ахьуз, хъа гьаму аьгьвалат гъябкъиган, гизафдари хилар ис апIуру.

Учу ДГУ-йин табасаран отделениейин мялимарихъдира, студентарихъдира аьлакьйир уьрхюрача, сатIиди жюрбежюр серенжемар гъахурача. Думу университетдиъра узу зиихъ гъапи месэлйир учIруди дийигъна. Студентар гъулариз практикайиз гьауз ихтияр адарчуз. Дурари Мягьячгъала шагьрин 48-пи нумрайин мектебдиъ практика гъабхура. ДГПУ-йин филологияйин факультетдик урхуз кучIврайидари мажбур вуди обществознаниейиан ва урус чIалнаан ЕГЭ тувну ккунду. 1-пи ва 2-пи курснаъ урхурайидариз социалин заан стипендия тувру, общежитиера а»,

– ктибтну аьлимди.

Аьлибег Акимовичди, университетдиъ табасаран литература кивра. Дугъу гъи табасаран литература кивбаъ алахьурайи читин месэлйириканра, чпи ихь шаирарихъди, писателарихъди гъахурайи гюрюшариканра, чав ва университетдиъ табасаран чIал киврайи аьлим Аьшуряли Аьдиловди студентариз дарсар кивуз кюмек вуди адагъурайи методикайин цIийи китабариканра, дарсар кивбаъ чпиз алахьурайи асас читинвалариканра ктибтнийи.

«Гъи гьарсар кьюрпи кас чIалнан месэлйирикан улхура. Хъа чIал уьбхбан, артмиш апIбан месэлйир гьял апIру рякъяриин лихурайидар тIубариинди ктухуз шулу. Йиз фикриан, гьарсаб хизандиъ табасаран чIалнан словарь гъабхьнийиш, лап ужу шуйи. Хъа думукьан китабар чапдиан адагъуз шлуб дар. Табасаран чIал аьгъдар кIури, думу аьйибнан ляхин дар, эгер табасаранлуйиз бабан чIал аьгъю апIуз ккундарш, гьадму шула аьйиб. Дицир кас бегьем табасаран кас ву пузра шулдар. Гъи чIалназ тясир апIурайи далиларра гизаф а.

ЧIалназ чан рякъ айиб ву. Ихь метлеб – чIалнан къайдйир, халкьди ишлетмиш апIурайи гафар, ихь нугъатар уьрхювал ву. Гьар йисан февралин 21-пи йигъан вари халкьарин бабан чIаларин йигъ къайд апIура. Думу йигъ улубкьайиз цIиб вахт ккимиди, чIалнан месэлйирикан улхури, жюрбежюр серенжемар гъахури шулу. Думу йигъ улдубчIвубси, вари читин месэлйирра гьархру. Дици дубхьну ккундар. ЧIал хизандиъ, гъулаъ, райондиъ уьбхюраш, думу гьичра дубгуб, зяиф хьуб мумкин дар»,

– аьлава гъапIнийи Аьлибег Акимовичди.

Думу гьякь ву. Гъи дагълу гъулариъра кмиди хизанариъ чпин веледарихъди жара чIалниинди улхруган, бабан чIал зяиф дархьиди гъубзрин?!

Оцените материал
(0 голосов)

ПОСЛЕДНИЙ НОМЕР

Свежий выпуск

Читайте также

Казбековский район переходит на безналичную систему оплаты

мая 22, 2019 Экономика

...................................................................................................

34 многоквартирных дома в Махачкале остались без горячей воды

мая 22, 2019 Общество

...................................................................................................

Дагестану выделят 23 млн рублей на оборудование теплых туалетов

мая 22, 2019 Общество

...................................................................................................

В пригороде Махачкалы произойдут взрывы

мая 22, 2019 Общество

...................................................................................................

Семь врачей из Санкт-Петербурга намерены переехать в Дербент

мая 22, 2019 Медицина

...................................................................................................

В Дагестане выпустили шесть книг со стихами Сулеймана Стальского

мая 22, 2019 Культура

...................................................................................................

Глава Дагестана принял участие в ифтаре

мая 22, 2019 Общество

...................................................................................................

В Дагестане для обслуживания пенсионеров закупят 29 специализированны…

мая 22, 2019 Общество

...................................................................................................

Глава сельсовета в Дагестане оштрафован за захламление сельхозземель

мая 21, 2019 Общество

...................................................................................................

Замглавврача ГКБ № 1 Махачкалы ответит в суде за хищение 238 млн рубл…

мая 21, 2019 Общество

...................................................................................................

Информация

Продолжается прием заявок на участие в национальном проекте по поддерж…

мая 20, 2019 Информация

...................................................................................................

12 мая - Памятная дата военной истории России

мая 08, 2019 Информация

...................................................................................................

9 мая - Памятная дата Военной истории России

мая 08, 2019 Информация

...................................................................................................

6 мая - Памятная дата военной истории России

мая 08, 2019 Информация

...................................................................................................

2 мая - Памятная дата военной истории России

мая 08, 2019 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегестрировано в Федеральной службе по надзору в сфере связи, информационных технологий и массовых коммуникаций (Роскомнадзор) 07 марта 2017 года. Свидетельство о регистрации Эл № ФС77-68946. Возрастное ограничение 6+

Главный редактор Маллалиев Гюлахмед Нуралиевич