Войдите в свой аккаунт

Пользователь
Пароль
Запомнить меня

Создать пользователя

Поля, помеченные звездочкой (*) обязательны.
Ф.И.О*
Логин*
Пароль*
Повторить пароль*
E-mail*
Повторить E-mail*
Captcha *
Reload Captcha

Табасаран райондиъ шадлу серенжемар кIули гъушну

Автор Ражаб Нуров Понедельник, 14 сентября 2020, 12:20 166
  • Печать
  • Эл. почта
Табасаран райондиъ шадлу серенжемар кIули гъушну Табасаран райондиъ шадлу серенжемар кIули гъушну Табасаран райондиъ шадлу серенжемар кIули гъушну Табасаран райондиъ шадлу серенжемар кIули гъушну
|||||| |||||| ||||||

 

 

8-пи сентябриъ Табасаран райондиъ шадвалин юкьуб серенжем кIули гъушну. Гьадрарикан саб – Хючна – Хьарагъ рякъ рас дапIну ккудубкIбаз бахш дапIнайи мярака вуйи. КIваин апIуз ккундузуз, цци, Хючнаан ккебгъну, Хянгъярин кючйиригъян зина Ругжарин гъядухънакьан гъябгъюрайи шубуб километр рякъ’ин кьюб жарнан асфальт улубзну.

 

Ругжарин гъулаъ айи аьхю гъяд’ин кIули гъубшу шадлугънан мярака ачмиш апIури, Табасаран райондин глава Мягьямед Къурбановди Къужникарин ва Хянгъярин гъуларин советариан уч духьнайи касар цIийи алапIнайи рякъюхъди тебрик гъапIнийи ва чан улхбаъ райондин рякъяр къайдайиз хпан бадали тамам дапIнайи ляхнарикан ктибтнийи. Дугъан гафариинди, сад йисна гьацIан арайиъ Табасаран райондиъ 27 километр рякъяриин асфальт улубзна, гьадрарикан 13 километр рякъяриин ццийин йисан. Дидланра савайи, гьамусяаьт Хюрик гъулаъ цIийи мектеб дивуз 500 млн манат пулра деебтна, хъа Хянгъярин кьялан мектеб «100 мектеб» кIуру проектдиинди капитально рас дапIна. Чан улхбан аьхириъ райондин кIулиъ айири, рякъ ужувлан ляхнариз либхруганси ибшри, гъапнийи.

Ругжарин гъулан имам Аьбдурягьим Аьбдурягьимовди жямяьтдин уьмриъ рякъярин эгьемият зурбаб вуйиваликан, дурар гьаммишан расди ади ккуниваликан ктибтнийи. 1

«Гьяйифки, аьхиримжи йисари ихь рякъяр тяриф апIуз шлу гьялнаъ адар. Швнуд-сад йис улихьна тикмиш гъапIу рякъяр гъи дибдиан рас дапIну ккуниваликан гъулан агьалйири кми-кмиди кIури шулу. Улихь-кIулихь хьайидар, депутатар ва жара жавабдар касар гъулан жямяаьтдихъди гюрюшмиш шлуган, дуфнайидарикан агьалйири сифтена-сифте чпин гъулан айитI ва гъулаз гъюру рякъяр рас апIуз кюмек апIуваликан сюгьбат гъабхуру», – гъапнийи имамди, ва Хючна – Хьарагъ рякъ цIийи алапIбан бадали, думу проектдик кипуз Табасаран райондин депутатарин Собраниейин депутат Тимур Аьлиевди гъизигу жафа къайд гъапIнийи. «Тимур Аьлиев му месэлайин гьякьнаан Къужникарин ва Хюрккарин советарин терефнаан Урусатдин Президент В.В. Путиндихьна илтIикIнийи. Му рякъ Урусатдин Президентди чан гюзчиваликкна гъадабгъну, гьаддиз магьа саб жикъи вахтнан арайиъ рас дапIнура ккудубкIну. Рякъ рас апIувализ лигну, гъи Хюрикк ва Къужник гъуларин администрацйирин дахилнаъ айи йицIбариинди гъуларин агьалйириз хайлин гъулайвалар духьна. Ич тIалаб тамам апIбиин учу гизаф шад вуча, ва думу рякъ ишлетмиш апIурайидарин терефнаан Урусатдин Президент В. В. Путиндизра, Табасаран райондин улихь-кIулихь хьайидаризра чухсагъул кIурача»,

– аьлава гъапIнийи Аь. Аьбдурягьимовди

Серенжемдиъ гьацира му рякъ тикмиш гъапIу «Нема» ООО-йин кIулиъ айи Эседуллагь Аьбдуллаевра удучIвну гъулхнийи. Дугъу уч духьнайи жямяаьт цIийи алапIнайи рякъюхъди тебрик гъапIнийи. «Ухьуз аьгъюганси, аьхиримжи йисари гъулан агьалйири, чпин хусуси дакьатарра ишлетмиш апIури, рякъяр рас апIбан ляхнариина мумкинвал айи, Урусатдин жюрбежюр шагьрариъ яшамиш шулайи чпин гъуландар жалб апIура, ва натижайиъ гъулан айитI айи хайлин рякъяр рас апIуз удукьура. Хъа гьюкуматдин терефнаан рякъяр рас апIуз хъюгъиганра, гъулан агьалйири чпихьан шулу кюмек апIуру», – къайд гъапIнийи Эседуллагь Аьбдуллаевди.

Хянягъ гъулан агьали Аьлимягьямед Аслановди рякъ тикмиш апIуз кюмек гъапIу вари касариз, гьацира дуфнайи хялариз, райондин руководствойиз чухсагъул мялум гъапIнийи.

Ругжарин гъулаъ айи гъяд’ин лента гьадабтIбан бадали Табасаран райондин глава Мягьямед Къурбановдиз, «Нема» ООО-йин начальник Эседуллагь Аьбдуллаевдиз, Ругуж гъулан имам Аьбдурягьим Аьбдурягьимовдиз ва гьацира мектебдиъ айи бицIидариз теклиф гъапIнийи.

Серенжемдин аьхириъ Табасаран райондин культурайин хулан артистар вуйи Рустам Рамазановди, Арсен Аслановди ва гьацира Хянгъярин кьялан мектебдин бицIидари мяълийирна ялхъвнар гъапIнийи.

 

Шубуб рягьятвал гъадагъру майднар ачмиш гъапIну

Къайд дапIнайи йигъан «Йиз Дагъустан – Рягьятвалин шагьристан аьтраф» программайин дахилнаъди Табасаран райондин ТIивак, Дарвагъ ва ТIаттил гъулариъра шадвалин мяракйир кIули гъушну. Мушвариъ рягьятвал гъадабгъру майднар ачмиш гъапIну. ТIиварин гъулаъ шадвалин серенжем ачмиш апIури, гъулан администрацияйин глава Ибрагьим Гьяжиевди 546 квадратдин метр аьт-рафдиин рягьятвал гъадабгъру майдан тикмиш апIуз кюмек туву касаризра, подряддин тешкилат «Майсум» ООО-йизра, райондин улихь хьайидаризра кIваантIан чухсагъул мялум гъапIнийи ва гаф Табасаран райондин глава Мягьямед Къурбановдиз тувнийи.

Райондин кIулиъ айири гъулан жямяаьт цIийи майдан ачмиш апIбахъди тебрик гъапIнийи ва уьлкейин гьюкмари гъийин деврин бицIидариз яшайишдин ужудар шартIар яратмиш апIурайиваликан ктибтнийи. Гьаддихъди сабси дугъу, абйир-бабари чпин терефнаан веледариз чпихьан шлуб вари туврашра, аргъаж шулайи наслиз аьхюдарин гафнахъ хъпехъуз даккнивалин гьякьнаан гьяйифвал гъизигнийи.

Мягьямед Къурбановдин гафар чан улхбаъ ТIивак гъулан кьялан мектебдин директорин заместитель Мурад Кьадирбеговдира тасдикь гъапIнийи. Чан улхбаъ дугъу сакитвал адру хизанариъ аргъаж гъахьи ва шулайи хайлин бицIидар къанун чIур апIрудар, чпиз лайикь дару рякъюъди гъягърюдар, аьхюдарихъ хъпебехърудар шулайивал къайд гъапIну. «Дурариз мектебдизра гъягъюз ккунди шулдар. «Мектебдиз гъягъяйиз, учхьан шлу ляхин тамам гъапIиш, учуз ккунибсиб телефон, компьютер масу гъадабгъуз шулучхьан», – кIури шулу дурари. Хъа, аьхю духьну, яшар тамам гъахьиган, чпихьан образование гъадабгъуз даршлувалин, гьяйифки, дурар кьанди гъавриъ ахъру», – ктибтнийи мялимди.

ТIивак гъулан жямяаьтдин «лизи сакъал», 91 йисан яшнаъ айи дявдин ветеран Гъафар Кьасумовди, веледарин гележег ужуб хьпан бадали, мяракайин иштиракчийирин фикир аьхюдари дапIну ккуни ляхнариина жалб гъапIнийи: «БицIидар ихь гележег ву» кIуру лозунг варидариз танишуб ву. Думу гьаци хьузра ву. Аьхюдарин айтуйиъ кIура: «Яв гележег рябкъюз ккундуш, бицIирин улариз лиг». Думу улариан яв гележегдин уьмур, бахтлувал, гьаддихъди сабси дарваларра рякъюру. Ав, гележегдин думу вари уж’валар бицIидариз ухьу ккабалгу уьмрикан асиллу ву».

ТIивак гъулан бицIидариз тамшир апIуз ачмиш гъапIу майданди дурариз тербия тувбан, баяр-шубарин сагъ'вал мюгькам апIбан жюрбежюр месэлйир гьял апIуз кюмек апIиди, гележегдиъ дурар чпин мурад-метлебарихъ хъуркьуз мумкинвал тувди кIури, умуд кивдихьа.

Гьаму йигъан Табасаран райондин Дарвагъ гъулаъра шадлугънан мярака кIули гъубшну. Мушваъ рягьятвал гъадабгъру майдан 700 квадратдин метрин йишв'ин ерлешмиш дубхьна. Думу аьтраф ккабалгбан бадали, подрядчик тешкилат вуйи «Югводстрой Проект» ООО-йи 2 миллионна 141 агъзур манат харж гъапIну. Майдандиин бицIидариз тамшир апIру йишв, рягьятвал гъадабгърудариз дусру йишвар гьязур гъапIну, акв гъизигну, зирзибил абхьру ишкIар дивну. Вари майдандилан утканди рукьан бару илтIибкIну. Гьарар, кюкйир кивувалра планламиш дапIна.

Къайд апIуб лазим вуки, майдан ачмиш апIувал гъуландариз аьхю машквар гъабхьну. Мина гъулан агьалйир – аьхюдар ва бицIидар уч гъахьнийи.

Гъулан агьалйирихьна тебрикнан гаф хьади Табасаран райондин глава Мягьямед Къурбанов удучIвнийи. Дугъу дагълу гъулариъ агьалйириз рягьятвал гъадабгъуз шартIар яратмиш апIуз мумкинвал туврайи гьаму проект уьмриз кечирмиш апIуз кюмек туву Дагъустандин Глава Владимир Васильевдиз чухсагъул мялум гъапIнийи. Дугъу хабар тувганси, гьаму йисан гьамцдар майднар ТIаттил ва ТIивак гъулариъра ачмиш гъапIну. Хъа гъубшу йисан СиртичI ва Хюрикк гъулариъ рягьятвал гъадабгъру майднар тикмиш гъапIнийи. «Дарвагъ гъулан агьалйир ужудар зегьметкешарси машгьур ву. Гъит, гьаму майдан гъулан бицIидариз ва агьалйириз рягьятвал гъадабгъру йишв ибшри», – натижа гъивнийи Мягьямед Къурбановди.

Дарвагъ гъулан яшлу кас, гизаф йисари мялимди гъилиху Кьасум Рамазановдира, серенжемдиъ уду-чIвну улхури, чан уьмриъ гъахьи дигиш’валарикан ктибтну: «Йиз уьмриъ гизаф уж’валнан дигиш’валар гъахьну. Асфальт улубзнайи рякъяр, марцци штун булагъар, табиаьтдин газ ахьуз. ГьамутIан аьхю уж’валар шулин? Му уж'валар, рягьятвалар яратмиш апIбаъ иштирак гъахьидариз, зегьмет гъизигдариз, чалишмиш гъахьидариз варидаиз аьхю чухсагъул кIураза. Гъит гележегдиъ ихь район хъана уткан ва гюрчег ибшри!»

Дарвагъ гъулан глава Багьаудин Аьликберовдира гъуландарин терефнаан Табасаран райондин главайиз ва гьаму майдан тикмиш гъапIу тешкилатдиз, гьацира чпихьан шлу кюмек гъапIу гъуландариз чухсагъул мялум гъапIну. Серенжемдин аьхириъ Табасаран райондин культурайин Хулан артистари ва Дарвгъарин кьялан мектебдиъ урхурайи бицIидари концерт улупнийи.

8-пи сентябриъ ТIаттил гъулаъра зиихъ къайд дапIнайи программайин дахилнаъди рягьятвал гъадабгъру йишв ачмиш апIбаз бахш дапIнайи серенжем гъабхьнийи. Думу майдан 550 квадратдин метр йишв'ин ерлешмиш дубхьна. «Югводстрой Проект» ООО-йи думу тикмиш апIуз 1 миллионна 85 агъзур манат харж гъапIну.

Оцените материал
(0 голосов)

ПОСЛЕДНИЙ НОМЕР

Свежий выпуск

Читайте также

Приглашаем к участию в исследовании «Индикаторы здорового администриро…

сен 25, 2020 Общество

...................................................................................................

В Дагестане сняли новый сезон программы «Орёл и решка»

сен 25, 2020 Общество

...................................................................................................

Правительство Дагестана окажет поддержку бизнесу в горах

сен 25, 2020 Общество

...................................................................................................

В селе Дюбек Табасаранского района открыли сквер

сен 25, 2020 Общество

...................................................................................................

Владимир Васильев принял участие в 49-й сессии НС РД

сен 25, 2020 Общество

...................................................................................................

Глава Дагестана дал «добро» банкетным залам

сен 25, 2020 Общество

...................................................................................................

Сотрудник ДГИ спас тонущего человека

сен 24, 2020 Происшествия

...................................................................................................

Почему в аграрной республике дорожают овощи?

сен 24, 2020 Общество

...................................................................................................

Жители Красноармейского привлечены к уголовной ответственности

сен 23, 2020 Общество

...................................................................................................

В Дагестане построят центр единоборств международного уровня

сен 23, 2020 Спорт

...................................................................................................

Информация

21 сентября - День воинской славы России

сен 21, 2020 Информация

...................................................................................................

11 сентября - День воинской славы России

сен 16, 2020 Информация

...................................................................................................

Об рекомендациях Роспотребнадзора в целях недопущения формирования эпи…

сен 09, 2020 Информация

...................................................................................................

8 сентября - Памятная дата Военной истории России

сен 08, 2020 Информация

...................................................................................................

3 сентября - Памятная дата Военной истории России

сен 08, 2020 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 07 марта 2017 года. Свидетельство о регистрации Эл № ФС77-68946. Возрастное ограничение 6+

Главный редактор Маллалиев Гюлахмед Нуралиевич