Войдите в свой аккаунт

Пользователь
Пароль
Запомнить меня

Создать пользователя

Поля, помеченные звездочкой (*) обязательны.
Ф.И.О*
Логин*
Пароль*
Повторить пароль*
E-mail*
Повторить E-mail*
Captcha *
Reload Captcha

РФ-дин образованиейин гьюрматлу гъуллугъчи

Автор Ражаб Нуров Вторник, 13 октября 2020, 10:38 225
  • Печать
  • Эл. почта
РФ-дин образованиейин гьюрматлу гъуллугъчи
||| ||| |||

 

Гьаму деврин мялимдин улихь аьхю месэлйир хьа, фицики гъийин деврин живанарин уьмрихьна вуйи лигбар асла жарадар духьна. Хъа Табасаран район гьар вахтна тажрубалу, баркаллу зегьмет зигурайи, машгьур мялимариинди кьувватлу ву. Табасаран райондин Хючна гъулаъ айи «Юлдаш» гимназияйиъ урус чIалнан ва литературайин дарсар киврайи Тамила Аьлиризаевайин (шиклиъ арчлахъанди сарпир), мялимвалин пишейиъ лихури, 33 йис тамам шула.

 

Тамила Аятуллаевна Аьлиризаева 1965-пи йисан Гурьевск областдин Эмбенск райондин Макат кIуру гъулаъ бабкан гъахьну.
1982-пи йисан Дербент шагьриъ 15-пи нумрайин мектеб ккудубкIну, Тамила Аятуллаевна ДГУ-йин филологияйин факультетдик урхуз кучIвру ва 1987-пи йисан думу ккудубкIуру.
Университетдин кьяляхъ думу Табасаран райондиз шубуд йисазди лихуз гьаъру. Тамила Аьлиризаева сифте Гьесхъарин 9 йисандин мектебдиъ, хъа 1989-пи йисхъан мина Хючнаарин сабпи нумрайин кьялан мектебдиъ урус чIалнанна литературайин дарсар кивру мялимди лихуру.
2011-пи йисхъан мина дугъу Хючна гъулаъ айи «Юлдаш» гимназияйиъ урус чIалнанна литературайин дарсар кивра.

2013-пи йисан Тамила Аьлиризаевайиз «Урусатдин образованиейин гьюрматлу гъуллугъчи» ччвур тувну.
Жигьил наслиз ужуб тербия ва заан аьгъювалар тувбан рякъюъ гъазанмиш гъапIу хъуркьувалариз лигну, Тамила Аьлиризаева РД-йин образованиейин ва илимдин Министерствойин, Табасаран райондин администрацияйин ва образованиейин управлениейин терефнаан гьюрматнан грамотйириинди ва кьиматлу пешкешариинди лишанлу дапIна.

 

Мялимди лихури аьхю муддатнан арайиъ Тамила Аьлиризаевайи аьгъювалар ва тербия туву варжариинди баяр-шубари, хизандиз, жямяаьтдиз, Ватандиз хайирлу инсанар духьну, уьлкейин жюрбежюр пIипIариъ намуслу зегьмет зигура. Дугъахь аьгъювалар гъадагъурайи баяр-шубари, чпин мектебдиъ, райондин мектебарин арайиъ ва республикайин дережайиъ кIули гъягъру жюрбежюр серенжемариъ иштирак шули, гьаммишан пешкешнан йи-швар гъазанмиш апIури шулу. Гьадрарин цIарнаъ, сочинениейиан вуйи вари Урусатдин конкурсдиъ иштирак духьну, 2-пи йишв гъибису 5-пи классдиъ урхурайи Селимат Мирзамягьямедова ва 3-пи йишв гъибису 11-пи классдиъ урхурайи Эльвира Къурбанова улупуз шулу.

«Юлдаш» гимназияйин директор Элина Шихмягья-медовайин гафариинди, Та-мила Аьлиризаевайин ученикари ЕГЭ варитIан заан баллариз тувру. «Магьа 2020-пи йисан Тамила Аятуллаевнайин хиликк урхурайи баяр-шубари ЕГЭ тувбаан гъадабгъу кьялан балл 81,2 гьисаб апIуз шулу. Лап зигьимлу бицIидарин бажаранвалар ачмиш апIбан бадали, дугъу жюрбежюр тем-йириан тестирование гъабхури шулу, дарсарин кьяляхъ дурарихъди аьлава дарсар ва консультацйир гъахури, баяр-шубар конкурсариз, олимпиадйириз гьязур апIури шулу. Гьарсар бицIирихъди, дугъан бажаранвалар ашкар апIбан бадали, дугъу жа-жаради ляхин апIуру. ГИА-йиз ва ЕГЭ-йиз гьязур шлу вахтнара гьарсар касдихъди фици ляхин апIуруш, му касдин чан рякъяр а. Гьаддиз Тамила Аьлиризаевайин хиликк урхурайи бицIидари гьар йисан жюрбежюр олимпиад-йириъ конкурсариъ, хъуркьувалар гъазанмиш апIура», – гъапнийи дугъу.

«Юлдаш» гимназияйин тешкилатчи Гьаваханум Бай-рамовайин гафариинди, Тамила Аятуллаевна гьарган коллективдихъди вари серенжемариъ иштирак шула. ГИА ва ЕГЭ заан хъуркьувалариз тувбан бадали, фициб ляхин дапIну ккундуш, жигьил мялимарихъди мастер-классар гъахури шулу.

Узу гьацира Тамила Аьлиризаевайи дарсар киврайи урхурайидарихъдира гюрюшмиш гъахьнийза. Аьлим Наврузбеговди (9-пи класс) чпин мялимдикан гьамци гъапнийи: «Тамила Аятуллаевнайин дарсариъ деуз лап иштагь шулу, дугъу лап гъавриъ ахъруганси дарсар кивру». Сарсана 9-пи классдиъ урхурайи шуру, Луиза Рягьимовайи, чпин классдиъ урхурайидар му мялимдин дарсар кивбан саягънакан гизаф разиди вуйиваликан, дугъу шулугъар апIуз мюгьлет тутрувруваликан, урхурайидарихьна дугъан лап ижми тIалабар айиваликан гъапнийи.

Тамила Аьлиризаева чан ляхникан, жвуван хъуркьуваларикан пуз ккунир дар, хъа гьаци вушра дугъкан, зигьимлу бицIидарихъди фициб ляхин дапIну ккундуш, сацIиб ктибтуб ккун гъапIнийза. Дугъу ич сюгьбатнаъ гьамци гъапнийи: «Дупну ккундуки, Табасаран райондиъ гьамусяаьт «Зигьимлу бицIидар» кIуру метлеблу программа гьяракатнаъ ипна. Кьабул апIурайи уьлчмйири зигьимлу бицIидар жюрбежюр дережйирин олимпиадйириз гьязур апIуз мумкинвал тувра. Вушра, гьелелиг гъазанмиш дапIнайи хъуркьувалариинди архаин хьуз шулдар. Гизаф терефариан му ляхин зяифди гъубзрайивал олимпадйирин натижйири тасдикь апIура.

Образованиейин цирклиъ арайиз дуфнайи хъуркьуваларикан хайлин улхуз шулу, амма ухьу варидари гъи гъузрайи камивалар терг апIбиин зегьмет дизигну ккунду. ВаритIан гизаф читинвалар гьадушваъ аки, гьаму аьхиримжи вахтна мектебариъ лазим дару кагъзар дикIувал гизаф алабхъура», – аьлава гъапIнийи дугъу.

Оцените материал
(0 голосов)
Последнее изменение Вторник, 13 октября 2020 10:44

ПОСЛЕДНИЙ НОМЕР

Свежий выпуск

Читайте также

В Кумторкалинском районе реализуется проект «100 школ»

окт 26, 2020 Общество

...................................................................................................

Глава Минздрава Дагестана прокомментировал указ о ношении масок

окт 26, 2020 Общество

...................................................................................................

В Дагестане выявлены пятеро зараженных сибирской язвой

окт 26, 2020 Происшествия

...................................................................................................

Житель Буйнакска ответит в суде за продажу палёной водки

окт 26, 2020 Общество

...................................................................................................

В Москве прошло возложение цветов к памятнику Амет-Хану Султану

окт 26, 2020 Общество

...................................................................................................

В Махачкале открылась выставка к 100-летию Амет-Хана Султана

окт 26, 2020 Общество

...................................................................................................

В Симферополе открыли памятник летчику-испытателю Амет-Хану Султану

окт 26, 2020 Общество

...................................................................................................

Сергей Меликов рассказал о мерах по сокращению объектов незавершенного…

окт 26, 2020 Политика

...................................................................................................

Оборонный завод в Дагестане создал свою авиакомпанию

окт 26, 2020 Экономика

...................................................................................................

В Дагестане объявлена пожароопасность 5 класса

окт 26, 2020 Происшествия

...................................................................................................

Информация

Стартовала выдача персональных цифровых сертификатов

окт 16, 2020 Информация

...................................................................................................

14 октября - Памятная дата военной истории России

окт 14, 2020 Информация

...................................................................................................

14 октября - Памятная дата военной истории России

окт 14, 2020 Информация

...................................................................................................

Дагестанцы приглашаются к участию в Международной олимпиаде по истори…

окт 14, 2020 Информация

...................................................................................................

Порядок проведения конкурса журналистских работ «Будни дагестанской п…

окт 13, 2020 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 07 марта 2017 года. Свидетельство о регистрации Эл № ФС77-68946. Возрастное ограничение 6+

Главный редактор Маллалиев Гюлахмед Нуралиевич