Войдите в свой аккаунт

Пользователь
Пароль
Запомнить меня

Создать пользователя

Поля, помеченные звездочкой (*) обязательны.
Ф.И.О*
Логин*
Пароль*
Повторить пароль*
E-mail*
Повторить E-mail*
Captcha *
Reload Captcha

Халкьдин сабвал чарасуз лазим ву

Автор Феруза Рамалданова Воскресенье, 17 января 2021, 09:25 258
  • Печать
  • Эл. почта
Халкьдин сабвал чарасуз лазим ву
||| ||| |||

 

Жиниб дар, гъи уьлкейиъ хатIалу идеологияйин саб жерге терефкрари гъахурайи гъизгъин серенжемарин натижайиъ сикинсуз девир арайиз дуфна. Гьадму гьисабнаан, рюгьнан багьалуваларин зиин материалин дакьатари агъавал апIуз хъюгъну.

 

 

Натижайиъ гьякьикьатдиъ саб жерге жигьилар, аьсрариинди чпиз ата-бабйирихьан гъузнайи багьалу аьдатариин лик иливну, гъазанжарин гъазанмишнан гъаразнаъ ади, мумкин вуйи вари рякъяр ишлетмиш апIуз гьязур вуйивалин гьякьнаан кми-кмиди арайиз гъюрайи дюшюшари ухьу пашманра апIура. Мушваъ гьякьикьатдиз, нубатнаъди насларин гележегдизра пашманвалиинди лигури, гьяйифар зигбазра мюгьлет тувувал аьхю гъалатI ву.

Гьюрматлу макьала урхурайидар, учву гъавриъ гъахьиганси, узу мушваъ жигьилари ктабгъуз мумкинвал айи уьмрин саб жерге хатIалу ва чиркин жилгъйирикан улхураза.

Гьяйифки, аьхиримжи къад йисандин муддатнаъ, экстремистарин ва террористарин пис идеологияйин тясирнакк ккахъну, саб жерге ватандашари арайиз хурайи жюрбежюр гьяракатари жямяаьтлугъдик сикинсузвал кипну. Хъа дурарин пис гьяракатарин натижайиъ багърийирихъ мягьрум духьну, сефилвалин гьиссариккди уьмур давам апIурайи фагьумлу касарихьан анжагъ ул’ин нивгъ алдитIан сюгьбат гъабхуз шулдар.

Мициб аьгьвалатнаъ, шаксуз, йишвариин ерли гьюкум тешкил апIурайи жавабдар гъуллугъариз гьял дапIну ккуни месэлйирра артухъ шула. Фицики хатIасузвал варибдин эвел ву.

Жямяаьтлугъдин хатIасузвал тямин апIбан ва уьбхбан бадали, Хив райондин главайин гюзчиваликкди гьюкум тешкил апIурайи жавабдар вакилари му жигьатнаан сикин дарди жюрбежюр серенжемар гъахура.

– Райондин аьтрафариин политикайинна агьалйирин саламатвал уьбхбан, аьсрариинди Хив райондин яшайиш дабалгнайи кьюбиб миллетарин арайиъ дуствалин аьлакь-йир уьрхбан ва дурар мюгькам апIбан, диндин месэлйириз райондин гьюкум тешкил апIбаъ жавабдарвал гъабхурайи вакилари ва къанун уьбхру гъуллугъчйири гьаммишан дикъатлу фикир тувра.

Йишвариин жямяаьтлугъдин сагъу кьувватарихъди мюгькам аьлакьйир уьрхювали аьгьвалат гюзчиваликк уьбхбазра мумкинвал тувра.
Улупнайи вахтназ райондин сяргьятариин уьмуми гьякьикьат фикриз гъадабгъиш, аьгьвалат саламатуб ву.

Гьелбетда, му месэла ухьуз варитIан важиблура вухьуз. Вушра, гьадму саб вахтна уьлкейин гьякьикьат фикриз гъадабгъиган, архаин хьузра шуладар, – къайд апIура Хив райондин главайин хатIасузвалин месэлйириз лигру заместитель Мирзабег Багъичевди.

Дарпиди гъитуз шулдарзухьан: мушваъ наслариз гьякьлу гележег яратмиш апIувал хизандикан, абйир-бабарикан гизаф асиллу шула. Жикъи вахтна гъизгъинди артмиш духьну, инсанарин уьмриъ «лайикьлу» йишв гъибису интернет-технологйирин натижайиъ жюрбежюр социалин сетариъ жигьилари сикин дарди таниш’валар, гюрюшар гъахувал кьувватнаъ абхъну. Му майднариъ жавабдар гъуллугъари гюзчивал гъабхура, вушра гьелелиг думу ляхин лазим вуйи дережайиз дуфнадар. Хъа, экстремистаринна террористарин тереф уьбхюри, думу къурхулу идеология тарабгъуз ният айидари улупнайи рякъяр сикин дарди ишлетмиш апIурайивали аьгьвалат имбубсан гъизгъин апIура.

Мирзабег Багъичевдин гафариан мялум шулайиганси, улупнайи вахтназ райондин хатIасузвал уьбхбан гьякьнаан вуйи аьгьвалатнакан гъапиш, ккудубшу йисан райондиъ террорист жюрейин тахсиркарвал арайиз хуз, тешкил апIуз, дидиъ иштирак хьуз гьязур вуйивалин дюшюшар мялум дапIнадар. Райондиъ, жямяаьтлугъдин арайиъ тасдикь дапIну, гьяракатнаъ айи жюрбежюр радикалин дестйирра адар.

Улупнайи вахтназ ра-йондиъ, я террористаринна экстремистарин терефназ илтIикIну, Урусатдин къанундин бинайиинди тялукь жаза дизигну, хулариз хъадакнайи ватандашар, ясана Сирияйинна Иракдин аьтрафарилан кьяляхъ духнайи баяр-шубар яшамиш шуладар. Райондиъ хатIасузвал уьбхювал метлеб вуди, райондин администрацияйиъ тешкил дапIнайи жавабдар комиссияйи террористарин тереф уьбхбан натижайиъ жаза гъизигу касарин багахьлуйирихъди гъаврикк ккаъбан ляхин лазим дережайиъди гъабхура.

– Райондин глава Ярмет Ярметовдин къарарин бинайиинди, АТК-йин ляхнин план тартиб дапIнача. Пландиз асас вуди гъахурайи заседанйириъ, йишвариин арайиз дуфнайи аьгьвалатназ кьатI’и кьимат тувну, лазим вуйи уьлчмйир кьабул апIура.

Урусатдин къанундиз аьксиди удучIвну, экстремист-валин рякъюъ терг гъапIу касарин бицIидарин яшайиш ахтармиш дапIну, дурарихъди йишвариин гъаврикк ккаъбан ляхин гъабхура. Тялукь хизанар райондиъ кьюб а. Дурари аьдати уьмур хъапIра.

Улупнайи вахтназ, къанун уьбхру гъуллугъарин улупбариз асас вуди, зиихъ къайд дапIнайи хатIалу рякъюн терефкрар духьну, Хив райондиан къанунсузди Сирияйиз душнайи 12 ватандаш гьисабнаъ а. Дурарикан 5 дишагьлийир ву. Улупнайи касарин багахьлуйирихъди кми-кмиди гъаврикк ккаъбан гюрюшар гъахурача, – аьлава гъапIну дугъу.

– Жигьилар терроризмдин ва экстремизмдин пис идеологияйихьан уьрхбан рякъ’ан гъахурайи серенжемарикан сарун фу пуз шулу?

– Гъийин вари терефариан гъизгъин девриъ бегьем аьгъювалар адрувалиан набалугъариз ужубна харжиб жара апIувал гъагъиди алабхъура: натижайиъ дурар ухди алдатмишра шула.

Живанариз гьякьлу ислам диндин къайдйирикан яркьу мялуматар тувбан бадали, гьар гьяфтайин хамис йигъан ерли ТВ-йиан райондин имамарин советдин председатель Шябан Сялигьовди сюгьбатар гъахура. Жямяаьтлугъдин арайиъ гъаврикк ккаъбан ляхин гъабхбаъ ерли СМИ-йин дакьатари метлеблу роль уйнамиш апIура.

Хъа мектебариъ мялимари, йишвариин ерли гьюкмин вакилари му месэлайиан сикин дарди жюрбежюр серенжемар кIули гъахура. Тялукь аьгьвалатнаъ жвуван халкьдин багьалу аьдатар уьрхбаз артухъ эгьемият тувувал, милли сабвал уьбхювал чарасуз лазим ву.

Оцените материал
(0 голосов)

ПОСЛЕДНИЙ НОМЕР

Свежий выпуск

Читайте также

В Кайтагском районе женщин поздравили с 8 марта

март 07, 2021 Общество

...................................................................................................

В Аварском театре Махачкалы прошёл концерт к 8 марта

март 07, 2021 Культура

...................................................................................................

В Махачкале прошёл мастер-класс по балхарской керамике

март 07, 2021 Общество

...................................................................................................

Свеча на пути поколений

март 07, 2021 Общество

...................................................................................................

Воспитанию – особое внимание

март 07, 2021 Общество

...................................................................................................

Вакцинация

Сотрудники минтуризма Дагестана готовятся к вакцинации от COVID-19

март 05, 2021 Вакцинация

...................................................................................................

Дагестанские журналисты прошли первый этап вакцинации от COVID-19

март 05, 2021 Вакцинация

...................................................................................................

Продолжается антиковидная вакцинация сотрудников минтруда Дагестана

март 04, 2021 Вакцинация

...................................................................................................

Нурбаганд Нурбагандов вакцинировался от коронавируса

март 03, 2021 Вакцинация

...................................................................................................

Информация

Рекомендации Главного управления МЧС России по Республике Дагестан для…

фев 18, 2021 Информация

...................................................................................................

Где в Дагестане можно сделать прививку от COVID-19?

фев 17, 2021 Информация

...................................................................................................

Положение о конкурсе на лучшее эссе «Как сохранить родной язык в совре…

фев 17, 2021 Информация

...................................................................................................

Платите налоги вовремя

фев 15, 2021 Информация

...................................................................................................

Правила голосования на конкурсе «Европейское дерево года»

фев 01, 2021 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич