Войдите в свой аккаунт

Пользователь
Пароль
Запомнить меня

Создать пользователя

Поля, помеченные звездочкой (*) обязательны.
Ф.И.О*
Логин*
Пароль*
Повторить пароль*
E-mail*
Повторить E-mail*
Captcha *
Reload Captcha

Дагъустандин юбилейиз бахш вуди

Автор Феруза Рамалданова Понедельник, 25 января 2021, 13:02 202
  • Печать
  • Эл. почта
Дагъустандин юбилейиз бахш вуди
||| ||| |||

 

Аьхиримжи йигъари ихь республикайин вари пIипIариъ ДАССР Урусатдин дахилнаъди арайиз дуфну 100 йис тамам хьпаз тялукь серенжемар гъизгъинди кIули гъушну.

 

Гьаци, Хив райондиъра ДАССР-рин юбилей яркьуди къайд апIбаз аьхю эгьемият тувра. Гьадму гьисабнаан культурайинна образованиейин ужагъариъ вари кьувватар наслариз дагълуйирин тарих, дурарин милли аьдатарна яшайиш ккабалгбан къайдйир улупбаз сарф апIура.

– Дагъустан гьарсаб вахтна чан девлетлу тарихдиинди, милли аьдатаринна милли медениятдин хусусивалиинди такабур ву. СумчIурилан зиина миллетари дуствалин лишнариккди яшайиш ккабалгнайи дагълу республикайин халкьар саб сабдихьан чпин милли медениятди фаркьлура апIура. Мисалназ, Хив райондин вакилар вуйи табасаранлуйирна лезгйир халачйириинди, гапар, атIнар урхру, рукькан, гакIвликан, гъвандикан жюрбежюр алатар дюзмиш апIру устадариинди, набататчивал ва бистанчивал артмиш апIбиинди имбударихьан тафавутлу шула.

Гьяйифки, гъийин технологйирин девриъ жигьиларин уьмрихьна вуйи лигбарра дигиш гъахьну. Аьсрариинди ихь абйирин хизанар уьрхюри гъахьи халачичивал ва жара саб жерге пишйир тарихдиз гъягъюра. Дидихъди сабси, милли палатдихьна вуйи гьюрматра лап зяиф гъабхьну. Дурар саб жерге харижи медениятари эвез апIуз хъюгъна.

Арайиз дуфнайи гьякьикьат фикриз гъадабгъну, артмиш шулайи наслар жвуван халкьдин милли аьдатарихьна хътакуз гъитбан лазим вуйи уьлчмйир кьабул апIбаъ, дурар ватанпервервалин, рюгьлувалин гьиссариккди тербияламиш апIбаъ аьхю мяна а. Му важиблувал фикриз гъадабгъну, учу ДАССР-ин 100-йисандин юбилей райондин дережайиъди къайд апIбан пландик му жигьатнаан гъахру серенжемар каувал табшурмиш гъапIнийча.

Натижайиъ райондин саки вари мектебариъна культурайин ужагъариъ гьаму йигъари милли палтарин ва аьдатарин выставкйир, Дагъустандин тарих уьбхбаз диш дапIнайи тялукь конкурсар, китабаринна журналарин выставкйир ва аьлава мяракйир тешкил гъапIну. Му жигьатнаан райондиъ айи Урусатдин халкьарин аьдати культурайин центриъ, гъуларин мектебариъ гьяракатнаъ айи тарихнанна багъри юрд ахтармиш апIбан музеяриъ натижалу ляхин гъубхну.

Пуз ккундузузки, республикайин аьсрин юбилейиз бахш дапIнайи мяракйир йишвариин гъахувал, вахтназ вуди РД-йин Главайин вазифйир тамам апIурайи Сергей Меликовди 2021-пи йис Дагъустандин Йисси мялум апIбан гьякьнаан кьабул дапIнайи Указдиз асас вуди, давам апIидича, – къайд гъапIну Хив райондин главайин заместитель Мирзабег Багъичевди.

Йиз терефнаан аьлава апIурза: эгер ухьуз жвуван тарихдиз, ужудар аьдатариз, ватандиз гьюрмат айи насил тербия апIуз ккундуш, му жюрейин серенжемар анжагъ саб юбилеяриз ваъ, хъа гьарган тешкил апIуб лазим ву.

Оцените материал
(1 Голосовать)

ПОСЛЕДНИЙ НОМЕР

Свежий выпуск

Читайте также

В Кайтагском районе женщин поздравили с 8 марта

март 07, 2021 Общество

...................................................................................................

В Аварском театре Махачкалы прошёл концерт к 8 марта

март 07, 2021 Культура

...................................................................................................

В Махачкале прошёл мастер-класс по балхарской керамике

март 07, 2021 Общество

...................................................................................................

Свеча на пути поколений

март 07, 2021 Общество

...................................................................................................

Воспитанию – особое внимание

март 07, 2021 Общество

...................................................................................................

Вакцинация

Сотрудники минтуризма Дагестана готовятся к вакцинации от COVID-19

март 05, 2021 Вакцинация

...................................................................................................

Дагестанские журналисты прошли первый этап вакцинации от COVID-19

март 05, 2021 Вакцинация

...................................................................................................

Продолжается антиковидная вакцинация сотрудников минтруда Дагестана

март 04, 2021 Вакцинация

...................................................................................................

Нурбаганд Нурбагандов вакцинировался от коронавируса

март 03, 2021 Вакцинация

...................................................................................................

Информация

Рекомендации Главного управления МЧС России по Республике Дагестан для…

фев 18, 2021 Информация

...................................................................................................

Где в Дагестане можно сделать прививку от COVID-19?

фев 17, 2021 Информация

...................................................................................................

Положение о конкурсе на лучшее эссе «Как сохранить родной язык в совре…

фев 17, 2021 Информация

...................................................................................................

Платите налоги вовремя

фев 15, 2021 Информация

...................................................................................................

Правила голосования на конкурсе «Европейское дерево года»

фев 01, 2021 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич