Войдите в свой аккаунт

Пользователь
Пароль
Запомнить меня

Создать пользователя

Поля, помеченные звездочкой (*) обязательны.
Ф.И.О*
Логин*
Пароль*
Повторить пароль*
E-mail*
Повторить E-mail*
Captcha *
Reload Captcha

Жарарин кьисматназ милиган

Автор Гюльнара Мягьямедова Понедельник, 22 февраля 2021, 11:18 107
  • Печать
  • Эл. почта
Жарарин кьисматназ милиган
||| ||| |||

 

 

Гьарсар инсандин кьисмат бабан фуник киршхъан тина сар Аллагьди дибикIна, кIури шулу. Гележегдиъ, Аллагьдин кьадарниинди, чписдар веледариинди инсаниятдин насил давам апIбан бадали, кьюр касдин юкIвар сатIи шулу.

 

 

Жигьилар сатIи апIруган, абйир-бабари, багахьлуйир-мирасар уч дапIну, аьхю сумчир апIуру. Сумчриъ вари уч духьнайидари жигьилариз сар-сарин гъуллугънаъ ади уьмур хъапIру инсанар хьувал, бахтлу уьмрин эйсйир хьувал ккун апIуру, ужудар насигьятарихъ хъаъру. Аммаки хизандиъ вари бахтлу шулдар. Ккебгъу жигьил хизан дабгъувалин себебар гизаф а. Гьадрарикан саб – яшар бегьем дархьиди нюкгьиъ учIвувал ву. Гъи гьаддикан улхидихьа.

Урусатдин Федерацияйиъ къанундин бинайиинди 18 йис тамам дубхьнайидариз хизан арайиз хуз, нюкгьиъ учIвуз ихтияр а. Къанундиъ улупнайи башкъа дюшюшариъ РФ-дин бязи субъектариъ жигьил шубариз ухди швуваз гъягъюз ихтияр тувра.

Гизаф дюшюшариъ инсанар (ихь улхуб Дагъустан Республикайин агьалйирикан ву) къанундиз лигури шулдар. Ухьухь гизафдар артухъси мусурман шариаьтдин къанунариинди нюкгьиъ учIвра. Лап жигьил баяри ва шубари нюкгьиъ учIвбиинди абйирин ва бабарин гъюнариин чпин хизандин гъагъра илипура. Сифте жигьиларин набалугъ’валиин абйир-бабар рази вушра, хъасин хизандиъ чиб-чпин гъавриъ даршлувалар арайиз гъюз хъюгъру.

– Мялум вуйиси, гьамусдин жигьилариз жаради яшамиш хьуз ккунду. Улихьдиси дарди, гьамус гизафдари чпин веледдиз, жаради яшамиш хьпан бадали, хал масу гъадабгъузра чара абгуру. Хъа хал а дупну, хизан шлу мутму дар. Жигьилар ляхнихъди тямин дапIну шулдар, гьаддиз дурариз гъазанжра шулдар. Абйир-бабари тувру пулиинди яшамиш хьуз читинди алабхъуру. ЦIийи хизандиъ гизаф жара читин месэлйирра арайиз гъюру. Ккебгънайи хизандин вакилар вуздиъ, колледждиъ урхурайидар вуш, хизандиъ бицIи велед гъахьиш, думуган гьапIру? Думу балинна шуран абйир-бабари гьял дапIну ккуни месэлади гъубз- ра. Жигьилариз ляхин абгузра думукьан рягьят месэла дар. Ляхниъ адру, абйир-бабарин гъюнариин али жигьиларин хизандиъ аьхю шулайи веледдиз фициб тербия тувуз шулу? Набалугъди имиди нюкгьиъ учIвувал – жигьиларин жандиз ва кIулиз лап аьхю имтигьян ву. Кьисматнан думу имтигьян варидарихьан тувуз шулдар. Жигьил хизан дабгъуру, – кIура ич сюгьбатнаъ психолог Жамиля Мягьямедовайи. – Дагъустандиъ риш ухди жилириз тувган, дугъан уьмриъ хьуз мумкин вуйи чIуру дюшюшарихьан думу абйир-бабари уьрхюру. Хъа бязиган уж’валназ гъапIу ляхин жигьил шуран уьмур кур апIбаз илтIибкIуру.

Статистикайин улупбариан рябкъюрайиганси, ухди швушв хуз ккуни баяртIан, ухди швуваз гъягъюз ккуни шубарин кьадар аьхюб ву. Интернетдин аьтрафариъра жигьил баяр-шубариз жюрбежюр уткан сумчрар, швушвариин али лизи ва уткан ккурттар, адахлуйи чан юкIв улубкьнайи шурахъ хъапIрайи багьалу тIублан, швушваз туврайи багьалу пешкешар, кюкйирин аьхю кунцIар рякъюра. Гьелбетда, гьарсар шуран юкIв ебцIуру. Гьациб сумчрихъ улар шулу. Хъа уьмур гьарган сумчир даруваликан гьархну ккундар. Дагъдикан исина йиф’инди чвурхбан бадали, сифте мярхяр дагъдиина хъючIюрхну ккунду.

Ихь абйир-бабари чпин хизанар хъана ухди ккергъри, варитIан бахтлуди яшамиш шули гъахьну, пиди шли-вуш. Ав, кюгьне вахтари шубар ухди швуваз туври гъахьну. Думуган жара девир вуйи, цIийи шву-шван вазифйир жарадар вуйи. Гъулариъ яшамиш шулайидар чпин хиларин зегьметниинди гъазанмиш гъапIуб ипIури, алабхьури разиди яшамиш шуйи. Дурариз гьарган ляхинра айи – жвуван хянаъ айи мал-чарва, хутIлиъ айи икин. Дурари фукьан читинвалариан кIул адабгънуш, саризра мялум дар. Фицики я бахтлу хизанарикан, ясана читинваларикан интернетдиъ бикIури гъахьундар. Думугандин деврин инсанарин ляхнарихь тевруш, гъийиндарихьан думу жюрейиинди яшамиш хьуз шулдар. Жараб кIваин апIурадарза, ихь уьмриъ сад йигъан электрикдин акв адарди гъабхьиш, ухьуз фукьан читинди алабхъуру? Урччру палтар дурурччди, марцц апIру хал марцц дарапIди, пичракк уржру цIикбар дуруржди гъузру.

Ухди швуваз гъягъбан бадали, йисар лазим дар, кIул’ина жавабдарвал гъадабгъуз гьязур вуйивал, кIваантIан ккун хьувал, сабур апIуз дубгъувал лазим ву. Албагу хизандиъ, гьаму жилари, хъа гьаму дишагьли-йири апIру ляхин ву дарпиди, жилири чан жигьил хпириз кюмек апIури, думу вари ляхнар апIуз хъуркьрадарш, сабур апIури ккунду. Хъа дишагьлийиз хал-йишв марцциди уьбхюз, ляхниан гъафи жилириз мани хураг гьивуз аьгъюди ккунду. Йиз риш гьеле набалугъди ими кIури, гизаф дадйирикан ебхьури шулу. Дадайи риш набалугъди ими кIури ашра, вари сижрари дици кIурадар, набалугъ швушван гъавриъ шлудар лап цIиб ву. БицIи яшарин вушра, дугъу хизан ккебгъна кIури, жара швушварикан ккун апIурайиб гьадгъаканра ккун апIуру. Гьаддиз риш лап ухди швуваз тувруган, вари терефар терезариъ ивну, дадайи дериндиан фикир дапIну ккунду.

Жигьил хизан гъадабгъиган, варитIан дишагьли бахтсуз шулу. ЦIиб вахт улдубчIвайизра, бали чаз жара швушв хуру. Хъа дишагьли, бицIирра хилариин алди, ялгъузди гъузру. БицIи веледдин адашди гьарган кюмек апIури дархьиш, ялгъузди вуйи дишагьлийиз думу уьрхюз ва аьхю апIуз читинди алабхъуру. Сабпи хизандин харжи тажрубайихъди таниш гъахьи дишагьлийиз хъана хизан ккебгъуз гучIури шулу. Гьамусдин девриъ гьарсар дадайи чан веледдиз заан дарш, кьялан пишекарвалин образование тувиш, ужу шулу, фицики уьмрин кьисмат фициб шулуш, саризра мялум дар. Хъа пише кайи инсанди чан яшайишдиз мадар апIиди.

Оцените материал
(1 Голосовать)

ПОСЛЕДНИЙ НОМЕР

Свежий выпуск

Читайте также

Камил Давдиев прокомментировал предстоящие Дни Республики Дагестан в С…

фев 27, 2021 Общество

...................................................................................................

Шахмардан Мудуев: «От нас самих многое зависит»

фев 27, 2021 Общество

...................................................................................................

В Дагестане врачи санавиации спасли жизнь ребёнку

фев 27, 2021 Общество

...................................................................................................

Табасаранскому драмтеатру – 20 лет

фев 27, 2021 Культура

...................................................................................................

Мероприятия по сохранению лесов проведут в 2021 году в Дагестане в рам…

фев 27, 2021 Политика

...................................................................................................

Вакцинация

В Новолакском районе продолжается вакцинация от коронавирусной инфекци…

фев 26, 2021 Вакцинация

...................................................................................................

Работники администрации Дербентского района готовятся к вакцинации от …

фев 25, 2021 Вакцинация

...................................................................................................

Сотрудники полиции Акушинского района вакцинируются от коронавируса

фев 25, 2021 Вакцинация

...................................................................................................

Сергей Меликов: Мы должны снизить уровень опасности заболевания ковидо…

фев 25, 2021 Вакцинация

...................................................................................................

Информация

Рекомендации Главного управления МЧС России по Республике Дагестан для…

фев 18, 2021 Информация

...................................................................................................

Где в Дагестане можно сделать прививку от COVID-19?

фев 17, 2021 Информация

...................................................................................................

Положение о конкурсе на лучшее эссе «Как сохранить родной язык в совре…

фев 17, 2021 Информация

...................................................................................................

Платите налоги вовремя

фев 15, 2021 Информация

...................................................................................................

Правила голосования на конкурсе «Европейское дерево года»

фев 01, 2021 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич