Дугъу, дуфнайидариз гъюрайи пенсияйин кьадарнакан, дадавалин капиталин мумкинваларикан, тазади пенсияйиз удучIвурайидарин гизаф кьадар суалариз жавабар туври, аьхю яшнан агьалйирикан, чпи коронавирусдин уьзрихьан уьрхбан бадали, жямяаьтлугъ йишварихьна цIибди гъягъювал, пенсияйихъди аьлакьалу вари месэлйир манзилнаъди гьюкуматдин вари гъуллугъар гьуркIру йишваъ айи хусуси кабинетдин кюмекниинди тамам апIувал ккун гъапIну.

«ПФР-и ичв гъуллугъар гьуркIбан бадали, фонднан сайтдиъ ясана «Госуслуги» порталиъ хусуси кабинетдиан тина учIвувал лазим ву. Кабинетдин кюмекниинди ПФР-ин ляхниин жюрбежюр жюрейиинди гюзчивал гъабхуз шулу, гьаддиз кабинет, пенсионерарихьанси, тазади пенсия-йиз удучIвуз гьязур шулайидарихьанра ва яшайишдин жара дакьатар гъадагъурайидарихьанра ишлетмиш апIуз шулу. Пенсионерарихьан ва пенсияйиз удучIвуз гьязур шулайидарихьан, гьадму кабинетдиан тина жара тешкилатариз манзилнаъди тувбан бадали, справкйирра гъадагъуз шулу.

Уьлкейиъ ляхин апIурайи ватандашариз пенсйирин коэффициентарикан, ляхнин тажрубайикан, уч дубхьнайи пуликан, ляхин апIурайи йишв’ан пенсияйиз жара дапIнайи пуликан мялуматар гъадагъуз мумкинвал а. Дадавалин сертификат хьайи хизанарихьан пулин дакьатар харж апIбан ва имбу пулин гьякьнаан мялуматар гъадагъуз шулу.

Электрондин кабинетди пенсия рубкьувалин жюре дигиш апIуз, гьубкIрайи гъуллугъ пулиз илтIибкIуз мумкинвал тувру. Гьадму кабинетдиан тина пенсионериз, инвалид бицIириз, бай вахтнахъан мина сабпи дережайин инвалидвал айириз гъуллугъ апIбахъан тувру пул дюз къайдайиз хуз шулу»,

– гъаврикк ккаъну Разахан Разахановди чахьна илтIикIу ватандашар.