Войдите в свой аккаунт

Пользователь
Пароль
Запомнить меня

Создать пользователя

Поля, помеченные звездочкой (*) обязательны.
Ф.И.О*
Логин*
Пароль*
Повторить пароль*
E-mail*
Повторить E-mail*
Captcha *
Reload Captcha

Жвуван тарих бадали женг дубхну ккунду

Автор Гюлягьмад Маллялиев Понедельник, 22 февраля 2021, 16:49 218
  • Печать
  • Эл. почта
Жвуван тарих бадали женг дубхну ккунду
||| ||| |||

 

Тарихчийихъди сюгьбатар

 

Гьюрматлу газат урхурайидар, учу газатдин 5-пи нумрайиъ хабар тувганси, газатдин машариъ цIийи рубрика ачмиш апIурача – «Тарихчийихъди сюгьбатар». Дидин асас метлеб – газат урхурайидариз табасаран халкьдин тарихнакан яркьуди мялуматар тувувал ву. Сабпи нубатнаъ ихь тарихдин бегьемди ахтармиш дапIну адру ясана, ахтармиш дапIнашра, халкьдиз ужуди таниш дару гьядисйир арайиз адагъидича. Хъа му метлеб кIулиз адабгъуз учуз ихь машгьур тарихчи Мягьямед Гьясановди кюмек апIиди. Учвуз ихь халкьдин фунуб деврикан, фунуб гьядисайикан аьгъю апIуз ккундуш, газатдин редакцияйиз бикIай.

 

 

– Мягьямед Ражабович, уву, шаксузди, табасаран тарихи илмин биначи вува, ва му цирклиъ уву гъазанмиш дапIнайи хъуркьувалар заан кьиматназ лайикь ву. ЮкIв хъайи ляхин, хайлин яш дубхьнашра, гъибтну адарва ва табасаран тарихнан сирар ачмиш апIувал давам апIурава. Гьамусяаьт фуну месэлйирин зиин лихурава?

– Чухсагъул йиз ляхниз туву кьиматназ. Ихь халкьдин тарих – гизаф кюгьне тарих ву, гизаф девлетлу тарих ву. Думу сар касдихьан ахтармиш дапIну ккудубкIуз шлуб дар. Думу бегьемди аьмалназ дубхну, арайиз адабгъбан бадали, тарихчйирин швнуд-сад наслар дилихну ккунду. Хъа хайлин ляхин дапIнахьа. Ихь халкьдин ва Кавказдин тарихназ бахш дапIнайи йиз китабариз ихь уьлкейин ва кавказдин тарихчйири ва аьлимари заан кьимат тувна. Вушра, табасаран тарихнакан мялуматар яркьу апIбиин жанлу зегьмет зигураза. Багарихьди йиз «Табасаран Дагъустандин тарихнаъ» кIуру китаб чапдиан удубчIвиди. Гьамусяаьт «Табасарандиъ ислам дин тарабгъуваликан» китабдин зиин лихураза. Дидланра савайи, «Табасарандин адлу касар» китаб бикIуз ният айиз – мялум дару шаирарилан ва аьлимарилан гъадабгъну, ихь халкь адлу ва машгьур гъапIу вари вакиларикан бикIуз ккундузуз.

– Гъи дурумлуди Табасарандин тарихнан месэлйирин зиин лихурайи жигьил аьлимар лап цIибтIан адар. Айидарира, кандидатвалин диссертация гъюбххъан тина, сарун илмин рякъ дипра. Хъа ихь халкьдин жвуван тарих ахтармиш апIбахьна вуйи игьтияж аьхюб ву, гьаддиз тялукь образование адру касарра жвуван гъулан, тухмин, кIулди Табасарандин тарих ахтармиш апIбиин аьшкьламиш шула. Гьамдихъди аьлакьалуди суал: яв фик-риан, табасаран тарихи илмин закурин йигъ фициб хьибди?

– Му лап важиблу суал вуяв. Тарихнан зиин тарихчйир дилихну ккунду. Тялукь аьгъювалар, гьязурлугвал адарди, тарихи илмин ахтармишарин къайда ва саягъ аьгъдарди, тарих ахтармиш апIуз шлуб дар. Гизафдари, уву гъапиганси, чпин тухмин ясана гъулан тарих ахтармиш апIурча кIури, китабар дикIуру. Хъа дурарин ахтармишари тарихи илмин тIалабариз жаваб туврадар. Тарихнан месэлйир, фунуб илимдинси, читин месэлйир ву. Гьаддиз ихь ватанагьлийирикан, чпин гъулан тарих ахтармиш апIуз ният аш, якьинди тасдикь дапIнайи мялуматариин асасламиш хьувал, гъийиз чпин сихликан, гъулкан дибикIнайиб гьисабназ гъадабгъувал ккун апIураза. Учву тялукь тухмикан бикIурашра, дидин тарих гъулан тарихнахьан, гъулаъ айи тарихи ядиграрихьан, машгьур касарин уьмрихьан, гъулаъ гъахьи гьядисйирихьан жара дапIну ккундар.

Илимдин цирклиъ лихурайи ихь ватанагьлийирикан улхуруш, гьял, якьинди, рази шлубсиб дар. Узухь ужуб билиг айи, илмин зиин лихуз мумкинвалар айи хайлин табасаран студентари урхури гъахьну. Бязидариз кандидатвалин ляхин бикIуз теклифарра гъапIнийза. Мисалназ, Куркакк бай Идаят Гьисиновдиз, ТIюргъян вуйи Мирзабала Мирзабалаевдиз, амма, хулан аьгьвалат читинди вуйич кIури, дурар чпин гъулариз гъушнийи ва илмин ляхин дипнийи. Хъа йиз регьберваликкди Дагъустандин ва Азербайжандин халкьарин аьлакьйирикан кандидатвалин ляхин Темиржан Гьяжиагъаевди гъибикIну, амма тема давам гъапIундар. Эдуард Улчибеговди Дирчва мягьялин гъуларин тарихнакан диссертация гъибикIну, амма дугъура илмин зиин ляхин гъабхувал гьамус яваш дапIна. Йиз шуру, Эльмира Мягьямедовайи, Табасаран мясумдин вилаятдикан кандидатвалин диссертация гъибикIну ва китабра адабгъну, амма хулан ва хизандин гъайгъушнариз лигну, тарихнан зиин ерийин ляхин гъабхуз дугъхьанра шуладар.

Тарих ахтармиш апIбан бадали, му ляхнихъ юкIв хъади хъюгъну ккунду, ватанпервервал кади ккунду.
Газат урхурайидарихьна илтIикIну, фици чпин гъулаъ мусурман дин тарабгъури гъахьнуш, фици аьраб чIалниинди бикIувал гъафнуш, ахтармиш апIувал теклиф вуйиз. Мисалназ, Гурихъ гъул’ан вуйи машгьур аьлим Аьбдулмалик Юсуфовдин кьам Аьрабистандиан гъафиб ву. Дурар сифте, VIII аьсриъ, Мюшкюр кIуру вилаятдиз, хъа гьадлин XIV аьсриъ – Табасарандиз гъафну. Гьамцдар тухмар Табасарандиъ хъана а. Дурарин тарих гьитIибкIну гъитну ваъ, хъа аьгъю дапIну ккунду. Ухьу гьарсари жвуван тухмар наънан гъафидар вуш, дурарин дахилнаъ фицдар кIубан, машгьур, игит касар ади гъахьнуш аьгъю апIувал чарасуз лазим ву.

Текрар шулаза, саб хайлин ляхин узура дапIназа, вушра Табасарандин тарих ахтармиш дапIну ккудубкIуз шлуб дар. Узу мюгьтал апIурайиб гьадму вуки, тарихнакан бикIру ихь садар ватанагьлийири чпин бикIбариъ йиз китабар улупурадар, дурар гьясбикк ккадруганси, дурар затра адруганси... Мици дубхьну ккундар. Саб темайихъ хъюгъруган, дид’ан гъийин йигъаз фу мялум вуш, фициб ляхин дубхнаш, ахтармиш апIувал ва улупувал лазим ву, хъасин думу месэлайиан чан фик-рар ачухъ дапIну ккунду. Му – илмин цирклиъ кьабул дапIнайи къайда ву. Дарш жарари гъапIу ляхин, дугъан ччвурра улулупри, жвуванубси тувувал икIрацIвализ барабар ву…

Ухьу имбу халкьарин арайиъ аьжузди дархьбан бадали, жвув касибди гьисс дарапIбан бадали, ухьу имбудари гьясбикк ккаъбан бадали, ихь халкьди, Табасаранди Дагъустандин тарихнаъ фициб йишв дибиснаш, фициб роль уйнамиш дапIнаш, Дагъустандик ихь, табасаранарин, фициб пай каш, ухьу илмин хутIлиъ, хилар хъиржвну марцци зегьмет дизигну ккунду. Хъа ухьуз ихь девлетлу тарихну кIул зади, утканди лицуз мумкинвал тувра. Табасаран вилаят улихьган Дербентдин жиларилан мина гьатIабццнади гъабхьну. КкудудукIру дявйири инжик дапIнайи халкь дагълариз кючмиш хьуз мажбур гъабхьну... Табасаран халкьдин тарих дегьзаман-йирилан мина гъюрайиб ву. Ихь жилариин гъвандин деврин ядиграр гъидихъну.

Табасаран чIал кIуруш, думура гьациб къадим чIал ву. Йиз фикриан, лезги чIаларин дестейин имбу чIаларра ихь чIалнакан арайиз гъафну, фицики табасаран чIалнаъ улихьган 52 гьярф айи – Темирхан Шалбузовди дюзмиш гъапIу сабпи букварариъ дурар улупна. Мисалназ, Кавказдин Албанияйин алфавитдиъра 52 гьярф ади гъахьну… Кьандиси, чIалнан реформйир апIурча кIури, ихь алфавитдин гьярфарин кьадар цIиб гъапIну. Реформара лазим вушул, амма жвуван чIалнан девлет мици талаф апIруб дар, аьхир. Ихь чIал кемшрин девриъ (3500 – 1100 йис ихь девриз улихьна) арайиз гъафиб ву. Гьадму девриъ вари дагъустан халкьарин саб вуйи уьмуми чIал жюрбежюр чIалариз пай гъабхьну. Гьадмуган арайиз гъафну табасаран чIалра ва гьаддихъди сабси табасаран халкьра.

Узу илмин ляхнихъ хъюгъяйиз, гьаму месэлйириз лигрудар, дурар ахтармиш апIрудар адайи. Урусатдин XIX аьсрин аьлим И.Березинди табасаранариз тарих адар кIури гъахьну. М. Ихиловди, табасаранар VII аьсриъ лезгйирикан арайиз гъафну кIури, дибикIна. Йиз машгьур дустари-аьлимари – Хидир Рамазановди, Амри Шихсяидовди 1964-пи йисан, узу думуган 3-пи курснаъ студентди урхурайза, «Лезгйирин тарихнан очеркар» кIуру китаб гъибикIнийи, дидик табасаранар лезгйирин дахилнаъ аънайи. Узу студент вушра, дурариз: «Гьаз учву табасаранар лезгйирик ктикьурачва? Китабдиз «Кьибла Дагъустандин тарихнан очеркар» кIуру ччвур тувай», – дупну, дидин ччвур гьюдюхюз гъитунза. Саб вахтна Гь.Аьбдурягьимовдира, Къ. Акимовдира табасаранарикан лезгйир апIуз хъюгънайи. Узу, дурарихъди бягьснаъ учIвну, дурарин дюз дару фикрар танкьид гъапIунза… Ухьу жвуван тарих бадали женг дубхну ккунду, жвуван халкьдихъан юкIв убугури ккунду, халис ватанперверар духьну ккунду.

Хъана гьаму темайиан урхай:

БицIи гъул'ан вуйи дагъустандин Ломоносов

Оцените материал
(2 голосов)
Последнее изменение Суббота, 27 февраля 2021 16:15

ПОСЛЕДНИЙ НОМЕР

Свежий выпуск

Читайте также

Камил Давдиев прокомментировал предстоящие Дни Республики Дагестан в С…

фев 27, 2021 Общество

...................................................................................................

Шахмардан Мудуев: «От нас самих многое зависит»

фев 27, 2021 Общество

...................................................................................................

В Дагестане врачи санавиации спасли жизнь ребёнку

фев 27, 2021 Общество

...................................................................................................

Табасаранскому драмтеатру – 20 лет

фев 27, 2021 Культура

...................................................................................................

Мероприятия по сохранению лесов проведут в 2021 году в Дагестане в рам…

фев 27, 2021 Политика

...................................................................................................

Вакцинация

В Новолакском районе продолжается вакцинация от коронавирусной инфекци…

фев 26, 2021 Вакцинация

...................................................................................................

Работники администрации Дербентского района готовятся к вакцинации от …

фев 25, 2021 Вакцинация

...................................................................................................

Сотрудники полиции Акушинского района вакцинируются от коронавируса

фев 25, 2021 Вакцинация

...................................................................................................

Сергей Меликов: Мы должны снизить уровень опасности заболевания ковидо…

фев 25, 2021 Вакцинация

...................................................................................................

Информация

Рекомендации Главного управления МЧС России по Республике Дагестан для…

фев 18, 2021 Информация

...................................................................................................

Где в Дагестане можно сделать прививку от COVID-19?

фев 17, 2021 Информация

...................................................................................................

Положение о конкурсе на лучшее эссе «Как сохранить родной язык в совре…

фев 17, 2021 Информация

...................................................................................................

Платите налоги вовремя

фев 15, 2021 Информация

...................................................................................................

Правила голосования на конкурсе «Европейское дерево года»

фев 01, 2021 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич