Войдите в свой аккаунт

Пользователь
Пароль
Запомнить меня

Создать пользователя

Поля, помеченные звездочкой (*) обязательны.
Ф.И.О*
Логин*
Пароль*
Повторить пароль*
E-mail*
Повторить E-mail*
Captcha *
Reload Captcha

Уь.Гь. Гьяжиев: «Гъи ухьу милли чIалар артмиш апIбакан ваъ, уьрхбакан улхурахьа»

Автор Мегьти Аьдилов Суббота, 27 февраля 2021, 12:34 445
  • Печать
  • Эл. почта
Уь.Гь. Гьяжиев: «Гъи ухьу милли чIалар артмиш апIбакан ваъ, уьрхбакан улхурахьа»
||| ||| |||

 

Гъубшу гьяфтайин аьхириъ ДГУ-йин ректоратдин актовый залиъ, вари халкьарин бабан чIаларин йигъаз бахш вуди, «гергми стол» кIули гъубшну. Серенжемдиъ РД-йин чап апIбанна мялуматарин министр Уьмаруьсман Гьяжиевди, республикайин милли чIалариинди чапдиан удучIвурайи газатарин кIулин редакторари, ДГУ-йин аьлимари, мялимари, студентари ва хайлин жара касари иштирак`вал гъапIну. Душваъ, Дагъустандин милли чIаларихъди аьлакьалу вуди, гъи республикайиъ арайиз дуфнайи аьгьвалатназ, милли чIалар уьрхбан ва артмиш апIбан бадали, гьял дапIну ккуни асас месэлйириз гъилигнийи.

 

Асас доклад хьади, серенжемдиъ республикайин чап апIбанна мялуматарин министр Уьмаруьсман Гьяжиев удучIвну гъулхнийи.

 

«Ухьу Дагъустандикан гафар апIруган, думу жара субъектарихьан фтиинди тафавутлу шулаш улхруган, сабпи нубатнаъди республикайиъ гизаф чIалар, гизаф культурйир айиваликан кIури шулхьа. Дагъустандиъ яшамиш шулайи аьхю кьадар халкьарикан дюзмиш дапIнайи кунцIру ихь республика уьлкейин вари регионарин арайиан жара апIура. Му ихь дамагъ апIбан, аьйна сабсдар хьувалин, жарадарин улихь фурс апIбан лишан вуйихь. Амма гъи аьгьвалат гьациб вуки, гьаму ихь дамагъну, кIурхьаки, дурумсузвал улупура. Гъи гьациб аьгьвалат арайиз дуфнаки, ухьу жюрбежюр дережйириъ гизаф ражари милли чIалар уьрхбакан пуз мажбур шулахьу. Ухьу бабан чIалар артмиш апIбакан улхури имдархьа, дурар уьрхбакан кIурахьа. Му гизаф пашман апIру гьякьикьат ву, гьаз гъапиш гьарсаб мутмуйизси, чIалназра ишлетмиш апIури гъубзувалин ва артмиш`валин игьтияж а.

Гъи бабан чIал ахтармиш апIу-райидарин кьадар, узуз мялум вуйиганси, лап ис гъабхьну, махлукьатлу хабрарин дакьатариъ ляхин апIуз ният айи студентарин кьадарра йислан-йисаз цIиб шула. Му ухьуз дикъатлуди фикир апIуз, ахтармиш апIуз ва кьатI`и уьлчмйир кьабул апIуз месэла ву»,

– гъапнийи Уьмаруьсман Гьяжиевди.

Дугъу чан улхбаъ къайд гъапIганси, гъийин девриъ, уьмурси, мялуматар аннамиш апIувалра дигиш шула. Эгер улихьди инсанари гизаф китабар урхури ва мялуматар чпин кIулиъ уьрхюри гъахьнуш, гъи гьациб аьгьвалат арайиз дуфнаки, ихь ватандашари лап цIибдитIан урхури имдар. ВаритIан къурхулувал кипрайиб гьадму вуки, мялуматар кIулиъ ваъ, хъа телефондиъ, компьютериъ ва гь.ж. уьрхюра. Эгер сад йигъан, дарибшри, телефон ктIубшвиш, ухьуз ихь уьмриъ лазим шлу аьхю кьадар мялуматар дургуб мумкин ву. Му гьамусяаьт арайиз дуфнайи гьякьикьат ву, ва дидхьан наандикIа гьудучIвуз хьибдар. Гъийин жигьилари уьмур лап жикъи материалариан мина аннамиш ва кьабул апIура. Амма, мидихъди сабси, СМИ-йин ляхин анжагъ социалин сетарин тина апIурайибдиинди ккудубкIурадар, анализ апIбан, инсандихьди фикир апIуз гъитбан хайлин жара къайдйирра а.

«Гьамдихъди аьлакьалу вуди, узу узухьди, учвуз улупуз кIури, милли чIалариинди чапдиан удучIвурайи газатар хьади дуфназа, – давам гъапIнийи Уьмаруьсман Гьяжиевди ва чахь хьайи газатар серенжемдин иштиракчйириз улупнийи. – Гъи Дагъустандиъ 14 милли газат чапдиан адагъувал, гьадму гьисабнаан урус чIалнииндира, – му дагъустан халкьдин хъуркьувал ву.

Жара метлеблу лишан – гьаму газатарин ери ву. Дурарин ляхниъ жямяаьтлугъди, илимдин вакилари, ителлигенцияйи фициб иштирак`вал апIура?

Накь республикайин Жямяаьтлугъ палатайин яркьу заседание гъабхьну, душваъ СМИ-йин ляхнихъди аьлакьалу месэлайизра гъилигну. Душваъ удучIвну улхури, узу гъапунза: «Гьюрматлу дустар, эгер ухьуз милли газатар маракьлудар, гизаф метлеблудар, чпин чап апIбариъ учIру месэлйир за апIрудар духьну ккундуш, Жямяаьтлугъ палатайин вари 45 членди, макьалйир дикIури, гьюжатариъ иштирак шули, му махлукьатлу хабрарин дакьатарин экспертарди удучIвури, дурарин машариъ иштирак`вал дапIну ккунду. Гьаци, Жямяаьтлугъ палатайин членарин, муниципалин образованйирин вакиларин, вузарин профессораринна мялимарин, илимдин интеллигенцияйин ва гьацира лигурайи месэлайин гьякьнаан хусуси фикир айи вари касарин кюмекниинди ухьхьан му газатар хъанара маракьлудар, мяналудар апIуз шуйи. Гъи думу газатари ухьу чпиз яратмиш дапIнайи шартIариъ ляхин апIура. Амма ихь уьмрин гележегди милли газатар мумкинвал айи вари жюрйириинди мялуматар тувру, гьадму гьисабнаан чап апIбииндира, мультимедийный центрар духьну ккуниваликан кIура. Гьаму вари илимдин ужуб къайдайиинди уьмриз кечирмиш апIбан бадали, ужуди гьязур дапIнайи, савадлу, жвуван культура, тарих аьгъю, гъийин деврин цIийи технологйирихъди ляхин апIуз шлу пишекрар лазим ву. Магьа университетдихъди ляхин апIбан ич асас вазифа – пишекрар гьязур апIувал».

Аьлимарихъди, университетдин ва жара вузарин мялимарихъди, илимдин центрихъди сатIиди гъи ухьу гьял апIурайи месэлайин гьякьнаан сабпи, кьюбпи, йицIубпи конференцйириъ гьюкмин органарихьна хътаъру кьатI`и теклифар гьязур дапIну ккунду. Гьаз гъапиш, гьамусяаьт жямяаьтлугъдин арайиъ гъягъюрайи гизаф гьяракатари, СМИ-йиан тина идеологияйин тясир апIувалси, кьатI`и уьлчмйир, тешкиллувалин кьатI`и къарарар кьабул апIувалра тIалаб апIура, аьхюну пайси дурари пулин харжарра ккун апIуру. Гьаму ляхин метлеблуб ва натижалуб хьпан бадали, улихь дивнайи метлебарихъ хъуркьуз мумкинвал тувру теклифар гьязур апIуб лазим ву.

Хъа му ляхин гъабхбаъ ичв фикирра важиблу ву. Узуз гьапIну ккундуш, фицдар цирклар артмиш дапIну ккундуш, наан жямяаьтлугъ дакьатар, хъа наан гьюкуматдин дакьатар ишлетмиш апIуз шулуш, гьаму залиъ деънайидарин фикрарихъ хъпехъубра важиблу вузуз. Узу ихь сатIи ляхник умуд кивраза», – аьлава гъапIну Уь.Гьяжиевди.

 

Оцените материал
(1 Голосовать)

ПОСЛЕДНИЙ НОМЕР

Свежий выпуск

Читайте также

Михаил Мишустин: модернизация первичного звена улучшит оказание медпом…

апр 14, 2021 Общество

...................................................................................................

Мишустин ознакомился с планом развития Дербента

апр 14, 2021 Общество

...................................................................................................

Стартовал конкурс "Золотые правила нравственности" 2021года.

апр 14, 2021 Образование

...................................................................................................

Владимир Путин поручил наладить обратную связь с регионами

апр 14, 2021 Общество

...................................................................................................

Мишустин пообещал распорядиться выделить денежные средства на оснащени…

апр 14, 2021 Общество

...................................................................................................

Вакцинация

В столичном МФЦ заработал мобильный пункт вакцинации от COVID-19

апр 13, 2021 Вакцинация

...................................................................................................

Ширухан Гаджимурадов вакцинировался от COVID-19

апр 13, 2021 Вакцинация

...................................................................................................

Сотрудники Исторического парка вакцинируются от COVID-19

апр 13, 2021 Вакцинация

...................................................................................................

В Дагестан поступила первая партия вакцины «ЭпиВакКорона»

апр 11, 2021 Вакцинация

...................................................................................................

Информация

Управление Россельхознадзора по РД сообщает о вспышках гриппа птиц на …

апр 09, 2021 Информация

...................................................................................................

Минтруда Дагестана предупреждает о последствиях неформальной занятости

апр 09, 2021 Информация

...................................................................................................

27 марта – День войск национальной гвардии Российской Федерации

март 26, 2021 Информация

...................................................................................................

Центр поддержки экспорта поможет в расширении бизнеса

март 20, 2021 Информация

...................................................................................................

Центр поддержки предпринимательства предлагает свою помощь бизнесменам…

март 20, 2021 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич