Войдите в свой аккаунт

Пользователь
Пароль
Запомнить меня

Создать пользователя

Поля, помеченные звездочкой (*) обязательны.
Ф.И.О*
Логин*
Пароль*
Повторить пароль*
E-mail*
Повторить E-mail*
Captcha *
Reload Captcha

Табасаран чIал – бабан чIал

Автор М. Гьяжиибрагьимов, Табасаран район, Ккувлигъ гъул Суббота, 27 февраля 2021, 12:46 113
  • Печать
  • Эл. почта

 

Багъри табасаран чIал, шлиз вува рихар адру мучIу яркур, шлиз вува ккуни мукьам йивуз шлу мухриин али чюнгюр!

 

Гьюрматлу мялимар, аьлимар, журналистар ва жямяаьтлугъ касар! Саб терефнаан, ихь улихь дийигънайи учIру, аьхю эгьемиятнан месэлйир гьял апIбан бадали, ухьу улупурайи жягьтлувал тярифназ лайикь вуйи гьяракат ву, пуз шулу. Тмуну терефнаан, ухьу гьял апIурайи месэлйир гъирагъдихьна дапIну, сар-сарин арайиъ айи наразивалар, аьлакьйир йигъандин месэлйириз илтIикIруган, гьаму касарихьна ва дибикIнайибдихьна мичIлишин, даккнишин арайиз гъюру. Узуз гьаму ихь газатдин машариъ чап апIурайи, табасаран чIалнакан вуйи макьалйирикан пуз ккундузуз. 2019-пи йисан 15-пи, 22-пи февралиъ чапдиан удучIву «Табасарандин нурар» газатдин 7-8-пи нумрйирик «Табасаран чIал ва дидик шулайи ачIал» кIуру макьалайиъ йиз хусуси фикрар ачухъ гъапIнийза. Гьадму макьалайик дюзуб каш, кьабул апIинай, дюзуб даруб – гъирагъдихь гъибтай. Гьелбетда, му кеспагьлийири дапIну ккуни ляхин ву.

Гьюрматлу юлдшар, таниш вуйидар ва таниш дарудар! Эгер ухьуз ихь чIалнакан гьацикьан дерди каш, гьаз ухьу, «гергми столихъ» дусну, мясляаьтниинди ихь камивалар, гъалатIар, наразивалар арайиан адагъуз чалишмиш шуладар? Гъачай, ихь апIурайи кеспназ, ухьуз тувнайи ччвурариз, илимдин майдандиин ухьу дибиснайи йишваз, айи тажрубайиз ва ихь яшназ аид шлуганси улхбар апIухьа. Ухьу, фикир туврадар пну, рякъюри-рякъюри аьйибнаъ ахърахьа: мунури гьамци гъапнийи, тмунури жараси гъапнийи, узу узуз ккуниси бикIурза – мурар дюзвалихьна вуйи гьяракатар дар. Варидариз кайи месэла гьял апIруган, жвуван хусуси маракьар зади дерккбахъ духьну ккундар, дугъривалихьна гьяракат дапIну ккунду. Узуз рябкъюрайиганси, ихь чIал читин ва чIюрхи апIурайидарра ухьу вухьа.

Варидариз сабсдар аьгъювалар шлуб дар. Математикариз математика ужуди аьгъяшул, филологар чIалнан зиин ляхин апIурайидар ву, тарихчйириз тарихдикан аьгъювалар гизаф ашул. Чпин теклифар дивуз варидариз ихтияр тувну ккунду, аммаки жвуван хусуси фикрар уьмрин гьяятдиз кечирмиш апIбахьна мажбур апIуз хай даршул. Гьадму цирклиъ лихурайидариз ухьу кюмекчйир духьну ккунду. Гафнан устадвал ктру касар чIалнак ктукьури гъахьиш, думу сифккан апIуб хьибдар – кьямкълин дапIну, дипуб хьибди. ЧIалнан зиин ляхин апIурайидарра чпин бажармиш'вал улупуз гьиллади ришвну ккундар.

Ухьу чIаларикан улхруган, гьархну ккундар: чIал а литературайин, гьарган гюзчиваликк дубхьну ккуниб, бикIбан-урхбан къайдйир уьрхюрайиб, устадари тартиб дапIнайиб. ЧIал а хизандиъ, кючейиъ, сюгьбатариъ ишлетмиш апIруб, чIалнан нугъатарра гизаф а. Ихь улхуб литературайин чIалнакан вуйихь.

Зиихъ узу гъапнийза: чIал читин апIурайидар ухьу вухьа. Мисал вуди, 25-пи декабриъ 52-пи нумрайиккди чапдиан удубчIву «Табасарандин нурар» газатдик чап дапIнайи Шихмягьямад Гьямидовдин «Табасаран чIал сифккан гъапIиш, харжи даршул» кIуру макьалайикан пуз ккундузуз. Теклиф ужуб ву, аммаки, ухьура кюмекчйир духьну, думу пишекрари, гафнан устадари, сяняаьткар касари кIулиз адабгъну ккуни ляхин ву. «Тикди» ва «чапди» кIуру гафарин ерина «узди» ва «дишди» бикIувализ къаршувал адариз, амма имбу теклифарин гьякьнаан кьюб гаф пуз ккундузуз.

Гафнакан таза гаф арайиз гъюруган, фуну чIалнаъ вушра, шлубкьан дидин асас мяна кайи пай (ччив) дюбхну ккунду (лап чIикъридитIан алахьру дюшюшар ктарди). «ЦIу +саб», «цIу +кьюб» кIуруган, набшди гафнан ччив? «ЙицIи(у)саб», «йицIи(у) – кьюб» кIуруган, ухьу гафнан ччив уьбхюрахьа. Табасаран райондиъ гьамци бикIурира, урхурира шулу. Рягьматлу Бейдуллагь Ханмягьямадовди учвуз – математикариз, Шихмягьямад халу, гьациб суал тувган, учву ичв фикрар дупну, филологарихьиндира илтIикIуб ихь аьлимдиз теклиф гъапIнийиш, хъана ужу шуйи. Багъишламиш апIуб ккун апIурза (йиз тажрубайиан аьгъю гъабхьиб вуйиз) – математикариз мисалар, месэлйир гьял апIруган, лазим вуйиб анжагъ натижа шулу, грамматикайихьан дурар, гьяйифки, ярхлади гъузру. Гъубшу аьсрин 50-60-пи йисари учу Дербентдин педучилищейиъ урхурайиган, Хив райондиан вуйи баяри «урчIвцIур» пуз, «варждикан йицIуб камди», «миржцIур» пуз, «юкьуб къаб» кIуруган, Табасаран райондиан вуйидар, учу, тяжуб шуйчу.

Макьалайин автори бикIура: «Бабан чIал» табасаранари, «дидедин чIал» лезгйири дупну ккундар». Хъа фици дупну ккунду? Эгер ухьу саб апIуруш батIул, улупуб лазим ву апIруб кьабул. Баб – хал-хизандин даягъ ву, шибритI ву, юкIв ву. БицIирин сабпи ражну фун абцIрур, дугъан ушвниъ чIал иврур, дугъаз лицуз, дюн’я рябкъюз улупрур баб ву. Ухьу убхъру бабан никкдихъди, бабу шинтахъ кIуру мяълийирин мукьмарихъди, урхру нашидарихъди чIалра ихь дамарариъ убчIвру, жандиъ либцуру, хъа гьавайизди зиринг сесниинди ачмиш шулу. Ав, ухьу улхурайи табасаран чIал – бабан чIал ву. Мушваъ матриархатар, патриархатар кIваин апIуб дюз гъюрадар.

Ухьу чIалнан дерд кайидар дархьа. Гьарури чаз ккуниб апIруб дар. Кьюб ражари ихь газатдин машариъ лазим дару йишвахь апостроф дивну гъябкъюнзуз. «Гюрчег'вал» кIуру гафнаъ апостроф фу бадали диврайиб ву? «Уж'вал, буш'вал, нач'вал» гафариъ апостроф чарасуз лазим ву, дарш мяна чIур шулу. Гьамцдар рякъруган, мумкин ву, Шихмягьямад халуйи ухьуз хал (комната) кIуру гаф «хвал» кIури бикIуз теклиф апIурайиб, имбу гафарихьан (гутайин хал, битIран хал) жара апIбан бадали. Хъа гутайин хална битIран хал чиб-чпихьан фици жара апIухьа? Урус чIалнаъ омонимар, синонимар, антонимар гафар а. Гьацдар гафар ихь чIалнаъра айивал гьаз ихь авторихьан кьабул апIуз шуладар? Ялгъузди гъапиган, мяна аьгъю апIуз даршлу гафар фуну чIалнаъра хьуз мумкин ву – дицдар гафарин мяна предложениейиъ ачухъ шулу. «Хвал» (комната) кIури бикIувал дюз дар. Мялимдиз гъалатI апIуз ихтияр адар – дугъу гъапиб бицIидари ижмиди кIвак бисуру. Гъачай, фикир апIухьа, чIалнаъ сабсан гьярф тIапIувал метлеблу вуйин, даршсан предложениейиъ гьациб гафнан мяна ачухъ апIувал? Гьациб суал гъюра «гаргар», «гарцIил», «гаж» гафарикан улхруганра. Дици вуш, ухьу кьяляхъ хъадакну ккунду «Жигьан», «Жемила», «Мажид» ва гь. ж. гафарихьнара. Гьарури чаз ккуниси бикIуруш, литературайин чIалнакан фу шул? Ухьу литературайин чIалнанна нугъатарин, хулан, кючейин чIаларин сяргьятар дикъатлуди дюрхну ккунду. ЧIал сифккан апIруган, «штухъди кьябаъ айи веледра гатIахьнийи» кIуруганси дарибшри.

Ихь чIалнан зиин ляхин апIурайидар, чпин илимдин диссертацйир уьрхбан бадали, урус чIалнахьинди гизаф илтIикIуру – дидкан ухьуз цIибтIан мяна шулдар. Ухьуз айи табасаран чIалнанна урус чIалнан словарин (Б.Гь.-Къ. Ханмягьмадов, К. Т. Шалбузов) аьхириъ тувнайи рягьматлу Къ. Къурбановдин «Грамматический очерк табасаранского языка» гьаз урус чIалниинди тувна, зат мялимаркьан гъавриъ даршлу гафарра гизаф ишлетмиш апIури? Ихь чIалнакан ихь чIалниинди улхухьа сану. Ухьуз фици рягьят вуш, гьаци жара чIаларин гафар ишлетмиш апIурхьа. Гьязур дапIнайи китабарик, журналарик, газатарик чап дапIнайи макьалйирик ихь аьлимари ишлетмиш апIурайи гафариз саб фикир тувдихьа: разбор, пособйир, слогар, руководствойиккди, ресурсар, центр, конкретламиш апIуб, сторож, описать апIуб, образование, разделар, приблизительно, примерно вуди, приёмариинди, проблема, произведение ва гь. ж., ихь чIалнаъ аид гафар ашра. Ухьу, шлихьинди илтIикIну, шлиз чIалнан марццивалихьна дих апIура? Гьарсари имбударин улихь диврайи теклифар марцциди кIулиз адагъувал жвувлан ккебгъну ккунду, юлдшар!

Гьякьикьат ву: чIалнан зиин ляхин гъапIу ва апIурайи аьлимар гизафси Хив райондиан ву, гьаци вуйиган аьлимари табасаран литературайин чIал НитIрихъ нугъатнан фонетикайиин ва грамматикайиин асасламиш духьну тартиб апIруган, Табасаран райондин нугъатар гъирагъдихь гъитуб аьгъю шулу. Натижайиъ гьам словарик, гьамсана китабарик гьаму райондиан вуйидариз аьгъдру гафар гизаф алахьуру. Аьлава вуди пуз ккундузуз: ухьуз айи словарарихьан ихь игьтияжариз тамам вуди жаваб тувуз шуладар. Гафарин кьадарра цIиб ву, мяна ачухъ апIувалра лап ужу дапIну ккуниганси рябкъюру. Дишди бикIбан къайдйир уьрхбан ва аьгъювалар яркьу апIбан бадали, словарарикан аьхю кюмек айивалин шаклу хьидархьа.

Гьюрматлу газат урхрудар! Ав, чIал ихь девлет ву, хазна ву, «халкьдин мухриин али чюнгюр ву». Дидихьна гьюрмат кади янашмиш хьидихьа. ЧIал уйинжагъ дар. Ухьу вари кюмекчйир духьну, ихь кеспагьлийириз лазим вуйиганси думу тартиб апIуз, дидин гьякьнаан аьхиримжи гаф пуз мумкинвал тувдихьа. Йиз теклиф – чIал гизаф кьямкълин дарапIуб. «Гимихьна адабгъу лиъракан шаламар гъахьундайи» кIуруганси дарибшри.

Оцените материал
(1 Голосовать)

ПОСЛЕДНИЙ НОМЕР

Свежий выпуск

Читайте также

Михаил Мишустин: модернизация первичного звена улучшит оказание медпом…

апр 14, 2021 Общество

...................................................................................................

Мишустин ознакомился с планом развития Дербента

апр 14, 2021 Общество

...................................................................................................

Стартовал конкурс "Золотые правила нравственности" 2021года.

апр 14, 2021 Образование

...................................................................................................

Владимир Путин поручил наладить обратную связь с регионами

апр 14, 2021 Общество

...................................................................................................

Мишустин пообещал распорядиться выделить денежные средства на оснащени…

апр 14, 2021 Общество

...................................................................................................

Вакцинация

В столичном МФЦ заработал мобильный пункт вакцинации от COVID-19

апр 13, 2021 Вакцинация

...................................................................................................

Ширухан Гаджимурадов вакцинировался от COVID-19

апр 13, 2021 Вакцинация

...................................................................................................

Сотрудники Исторического парка вакцинируются от COVID-19

апр 13, 2021 Вакцинация

...................................................................................................

В Дагестан поступила первая партия вакцины «ЭпиВакКорона»

апр 11, 2021 Вакцинация

...................................................................................................

Информация

Управление Россельхознадзора по РД сообщает о вспышках гриппа птиц на …

апр 09, 2021 Информация

...................................................................................................

Минтруда Дагестана предупреждает о последствиях неформальной занятости

апр 09, 2021 Информация

...................................................................................................

27 марта – День войск национальной гвардии Российской Федерации

март 26, 2021 Информация

...................................................................................................

Центр поддержки экспорта поможет в расширении бизнеса

март 20, 2021 Информация

...................................................................................................

Центр поддержки предпринимательства предлагает свою помощь бизнесменам…

март 20, 2021 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич