Войдите в свой аккаунт

Пользователь
Пароль
Запомнить меня

Создать пользователя

Поля, помеченные звездочкой (*) обязательны.
Ф.И.О*
Логин*
Пароль*
Повторить пароль*
E-mail*
Повторить E-mail*
Captcha *
Reload Captcha

Яваш махьанай, ислягьвалин луфар...

Автор Зубайдат Шябанова Воскресенье, 28 февраля 2021, 21:10 234
  • Печать
  • Эл. почта
Яваш махьанай, ислягьвалин луфар...
||| ||| |||

 

 

«Гизафдари, жигьилар армияйиъ гъуллугъ ккудубкIну кьяляхъ гъафиган вая, вузариъ военный кафедра дурхну, лейтенантдин погонар гъадагъган, Урусатдин ватандашди Ватандин улихь чан буржи тамам гъапIганси гьисаб апIура. Амма му фикир дюзуб дар.

 

Урусатдиъ гьарсар сагъу жилижви саб яшнахъна гъяйиз, эскервализ гъягъюз буржлу ву. Дурар вари Урусат Федерацияйин Яракьлу кьувватарин запасдиз гъадагъна. Эгер дявдин гьяракатар арайиз гъафиш, Ватан уьбхюз запасдиъ айи вари офицерариз, эскрариз ва матросариз, сержантариз ва старшинйириз, прапорщикариз ва мичманариз дих апIуру»,

– кIура ич сюгьбатнаъ подполковник Далгат Гьясратовди (шиклиъ).

Ихь ватанагьли, Далгат Агъабегович Гьясратов Ленинградский Военный округдин автомобиларин техникайин резервдин базайин начальник, 47107-пи военный частнан командир ву. Гьаму йигъари узу дугъахъди гюрюшмиш гъахьнийза. Гюрюшдиъ подполковникди чан ляхнин вазифйирикан, уьмрикан, алахьурайи читинваларикан ва гележегдин планарикан ктибтну.

Офицерарин бедендин гьяйбат, военный палат, дявдин женгариъ гъадагъу орденар ва медалар, гьар йигъандин ва машквран военный серенжемар, военный мукьмар ва гьарсар касдиз айи чан эскервалин хусуси низам-къайда – мурар аьхю пай живан баярин кIваъ айи хиялар ву. Гьадму саб вахтна Хив райондин Гъвандикк гъул’ан вуйи Агъабег Гьясратовдира кIваъ чан гьацдар хиялар уьрхюрайи. Амма уьмрин кьисмат жараси ккабалгну – дугъкан бажаранлу мялим гъахьну. Думу, Гъвандикк, Сюгют гъулариъ, Воронежский областдин Россошь шагьриъ аьдати мялимдилан ккебгъну, Липецкдиъ хайлин йисари мектебдин директорди гъилихну. Фунуб вахтнара Ватан уьбхюз гьязур вуйи ватанпервервалин гьиссари дугъаз сикинвал туври гъахьундар. Гьаци дугъу чан кьюрид баяр военный пишекарвал гъадабгъуз Самарканддин гьюкуматдин заан военныйна командный инженервалин училищейик урхуз каъру.
Аьхюрну бай – Кьудрат Гьясратовра подполковник ву. Думу Чечендин кьюбпи дявдиъ ва Сирияйин гьяракатариъ иштирак гъахьну. Кьудрат Агъабегович гьамусяаьт Моздокдиъ ерлешмиш дубхьнайи авиацияйин частнан базайин командирди лихура.

Далгат Гьясратов чан гъардаштIан сад йисан кьяляхъна урхуз кучIвнийи. Самарканддин военный диплом гъадабгъбан кьяляхъ, думу Ленинградский Военный округдиз гьаъру. Ленинградский областдин Выборгский райондиъ ерлешмиш дубхьнайи военный частназ гъюруган, жигьил курсантдиз дявдин техникайикан вари аьгъювалар айи. Дявдин пишекарвалин гъуллугънаъ дугъаз училищейин аьгъюваларин ужуб бинайи хайлин кюмек гъапIну. Дугъаз танк ва дявдин жара техника хъапIузси, думу чIур гъабхиш рас апIузра аьгъювалар айи.

Далгатдиз ва дугъан уьмрин юлдаш Дианайиз шубур велед а: кьюр бай ва сар риш. Аьхюрну бай Максимди Санкт-Петербург шагьриъ военный медицинайин академияйиъ урхура.

“Бязиган ихь баяри чпи дишди дарди гъахуру, тербия хъайидар дар, кIуру жюрейин гафар ерхьурзуз. Ич частнаъ гъуллугъ гъабхурайи уьмуми кьадарнакан 10-15% ихь дагъустанлу баяр ву. Дурар, мисалназ, сартIан сар ужудар ву. ИкибаштIан, читинвалар алалахьру ляхин шлуб дар. Гьарсаб ляхин къайдайиинди ккабалгну ккунду. Гьарсар касди хулаъ вушра, ляхниъ вушра, чан хъайи ляхин, къайда уьбхюри, намуслуди гъабхури гъабхьиш, сар касдира тахсир кипудар. Пуз ккундузузки, армияйи вая военный гъуллугъну жиларин хасият бинайиан дигиш апIуру. Ухьуз бязиган шлин-вуш телефондин номер вая табелин яракьдин номер гьархурхьуз, хъа армияйин дустар ва жвувахъди гъуллугъ гъабхури гъахьи баярин суратар гьаммишандиз кIваъ гъузру. Дустар гизаф ашра, варитIан ихтибарвал алидар военный гъуллугънаъ лихурайидар ву. Узуз вари йиз частнаъ лихурайидар, таниш вуйи ва таниш дару, амма Ватан бадали женгназ гъудужвуз гьязур вуйи баяр Ватан уьбхрударин Йигъахъди тебрик апIуз ккундузуз. Ухьу ихь Ватандиъ ислягьвал уьбхюз ихь абйирин улихь буржлу вухьа. Ихь уьлкейиз гъабхи ислягьвалихъан дурари фициб кьимат тувнуш, сарира кIваълан гьархнадар ва гьархдира дар. Гьарсар ватандашдиз сагъ'вал, хушбахтвал, кIван сикинвал ккун апIураза. Гъит, ислягьвалин луфар ихь завариъ гьаммишан тIирхри”,

– аьлава гъапIну подполковник Далгат Гьясратовди.

Узу, гъи ухьуз гьамцдар ватанпервер гьиссар айи баяр амиди ихь уьлкейиъ ислягьвал гъубзрувалиин инанмиш духьну, юкIв архаинди хулаз гъафиза…

Оцените материал
(0 голосов)

ПОСЛЕДНИЙ НОМЕР

Свежий выпуск

Читайте также

Михаил Мишустин: модернизация первичного звена улучшит оказание медпом…

апр 14, 2021 Общество

...................................................................................................

Мишустин ознакомился с планом развития Дербента

апр 14, 2021 Общество

...................................................................................................

Стартовал конкурс "Золотые правила нравственности" 2021года.

апр 14, 2021 Образование

...................................................................................................

Владимир Путин поручил наладить обратную связь с регионами

апр 14, 2021 Общество

...................................................................................................

Мишустин пообещал распорядиться выделить денежные средства на оснащени…

апр 14, 2021 Общество

...................................................................................................

Вакцинация

В столичном МФЦ заработал мобильный пункт вакцинации от COVID-19

апр 13, 2021 Вакцинация

...................................................................................................

Ширухан Гаджимурадов вакцинировался от COVID-19

апр 13, 2021 Вакцинация

...................................................................................................

Сотрудники Исторического парка вакцинируются от COVID-19

апр 13, 2021 Вакцинация

...................................................................................................

В Дагестан поступила первая партия вакцины «ЭпиВакКорона»

апр 11, 2021 Вакцинация

...................................................................................................

Информация

Управление Россельхознадзора по РД сообщает о вспышках гриппа птиц на …

апр 09, 2021 Информация

...................................................................................................

Минтруда Дагестана предупреждает о последствиях неформальной занятости

апр 09, 2021 Информация

...................................................................................................

27 марта – День войск национальной гвардии Российской Федерации

март 26, 2021 Информация

...................................................................................................

Центр поддержки экспорта поможет в расширении бизнеса

март 20, 2021 Информация

...................................................................................................

Центр поддержки предпринимательства предлагает свою помощь бизнесменам…

март 20, 2021 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич