Войдите в свой аккаунт

Пользователь
Пароль
Запомнить меня

Создать пользователя

Поля, помеченные звездочкой (*) обязательны.
Ф.И.О*
Логин*
Пароль*
Повторить пароль*
E-mail*
Повторить E-mail*
Captcha *
Reload Captcha

Тягъвниз аькси ляхин гъабхбаз лигну, медалихъди лишанлу гъапIну

Автор Ражаб Нуров Воскресенье, 28 февраля 2021, 21:31 222
  • Печать
  • Эл. почта
Тягъвниз аькси ляхин гъабхбаз лигну, медалихъди лишанлу гъапIну
||| ||| |||

 

 

Табасаран райондин ЦIийи Лижва гъул’ан вуйи Ислам Байрамбегов Мягьячгъала шагьриъ бабкан гъахьну. Думу бицIиди имиди дурарин хизан Таганрог шагьриз удубчIвну гъубшну.

 

Гьеле мектебдиъ урхури имиди Ислам Байрамбеговдин духтирвалин курсариз гъягъюз улар хъайи. Дугъаз хулаъ гьарган, му кесп варитIан ужуб ву кIури, шуйи. Учв аьхю гъахьиган, инсанариз кюмек апIруваликан дугъаз аьгъяйи, ва гьаддиз Ростовдиъ айи медицинайин университетдиъ урхуз ният гъапIнийи.

10-пи классдиъ урхурайи Исламдиз, 16 йис дубхьну, военкоматдиз дих гъапIиган, вари дигиш гъабхьну. Ислам медицинайин курсариз гъягъруваликан аьгъю гъабхьиган, военкомди дугъаз Санкт-Петербургдиъ айи С.М. Кировдин ччвурнахъ хъайи Военный ва медицинайин академияйиз урхуз гъягъюз теклиф гъапIнийи.

Адашдихъди гафар дапIну, Исламди дина документар тувру. И.Байрамбеговди лап гьииди ЕГЭ-йин имтигьнярра тувну, душвак урхуз кучIвру.
Гьаци, 2008-пи йисан Ислам ВМедА-йин 2-пи факультетдин военный духтрар гьязур апIру сабпи курснан курсант шулу. 2014-пи йисан дугъу асас урхуб ккудубкIну, «лечебное дело» кIуру пишейиан диплом гъадабгъуру. Дидин кьяляхъ сад йисансан дурхну, «хирургия» пишера гъадабгъну. Аьхюну лейтенант И.Байрамбеговди чан сабпи ляхин медицинайин взводдин командирди дийигъбалан ккебгъру.

Коронавирусдин тIягъюн айи вахтна, дугъан гъюнариин аьхю гъагъ алабхъну: нубатчивалар, командировкйир, эпидемияйиз аькси серенжемар гъахувал. Гьамгъан кIубанвалиинди частнаъ айидарик коронавирусдин инфекция кубчIвуз гъитундар.

Узу саб ляхниин мюгьтал вуза: фици хирургдикан тарагъру уьзрарин духтир гъахьнуш?!
Исламдин гафариинди, дурариз гьеле урхури имиди, учвуз сарикан тмунурикна тарагъру уьзрарихъдира ляхин апIуб алабхъиди кIури, дурар гьадму жюрейин уьзрар сагъ апIбахьнара гьязур апIури гъахьну.

Дарпиди гъибтуз шулдар, Исламдиз Урусатдин оборонайин министерствойиан чаз сабпи ражари «Крымдин Лукайин» медаль тувнайиваликан тялукь къарар удубчIвбан кьяляхъ, Ригъ алабхъру терефнан военный округдиан телефондин зенг гъапIгантIан, аьгъю гъабхьундайи. Му медаль дугъаз, коронавирусдин тIягъвниз аькси серенжемар гъахбаз лигну, тувуб ву.

Ислам Байрамбегов му медалихъди 2020-пи йисан 30-пи декабриъ Санкт-Петербургдиъ айи Ригъ алабхъру терефнан военный округдин кьушмарин командующий, Урусатдин Игит, генерал-полковник Александр Журавлёвди (шиклиъ) лишанлу гъапIну.

«Крымдин Лукайин» медаль 2020-пи йисан 19-пи июндиъ Урусатдин Президентдин къарарниинди адабгънайиб ву. Дидихъди духтрар, кьялан ва асккан медицинайин гъуллугъчйир, сагъламвал уьбхбаъ улупу хъуркьувалариз лигну, лишанлу апIура.

ЦIийиди удубчIвнайи коронавирусдихъди женг гъабхурайи духтрарин игитваликан кIури, ухьу гизафси «уьру зонайиъ» лихурайидарикан, уьзур кубчIвнайи инсанар аьжаликкан ккадагъури, дурар ликриин апIурайидарикан ктибтурахьа. Гьаддихъди сабси, йигъан коронавирусдихъди женг гъабхури, гъагъи зегьмет зигурайи касариканра кIурахьа. Гьадрарин зегьметниинди тIягъюн яваш гъабхьну, дидин сабпи лепйир дерккуз ва кьюбпи лепйир гъяйиз гьязур хьуз ихь медицинайиз мумкинвал гъабхьну.

Гьамусяаьт Ислам Ригъ алабхъру терефнан военный округдин армияйин саб частнан мотострелковый бригадайин медицинайин взводдин командирди лихура.

Ислам эвленмиш духьна. Дугъан хизандиъ кьюр бицIирра а. Балин хьуд йис, шуран – гьацI йис ву. Дугъан хпирра багарихьди духтир хьиди, дугъура ВМедА ккудубкIура. Дюзди гъапиш, убхурайиб военный факультет дар, дугъу ватандаш'валин пише гъадабгъиди.

Хизандин кIул академияйин ординатурайик кучIвуз гьязур шула. ЦIиб улихьна Ислам Байрамбеговдиз капитан кIуру ччвурра тувну ва думу заан гъуллугъназра адаъну – хусуси метлеб айи медицинайин дестейин хирургияйин отделениейин аьхюнур ординаторди дерккну.

Оцените материал
(0 голосов)

ПОСЛЕДНИЙ НОМЕР

Свежий выпуск

Читайте также

Михаил Мишустин: модернизация первичного звена улучшит оказание медпом…

апр 14, 2021 Общество

...................................................................................................

Мишустин ознакомился с планом развития Дербента

апр 14, 2021 Общество

...................................................................................................

Стартовал конкурс "Золотые правила нравственности" 2021года.

апр 14, 2021 Образование

...................................................................................................

Владимир Путин поручил наладить обратную связь с регионами

апр 14, 2021 Общество

...................................................................................................

Мишустин пообещал распорядиться выделить денежные средства на оснащени…

апр 14, 2021 Общество

...................................................................................................

Вакцинация

В столичном МФЦ заработал мобильный пункт вакцинации от COVID-19

апр 13, 2021 Вакцинация

...................................................................................................

Ширухан Гаджимурадов вакцинировался от COVID-19

апр 13, 2021 Вакцинация

...................................................................................................

Сотрудники Исторического парка вакцинируются от COVID-19

апр 13, 2021 Вакцинация

...................................................................................................

В Дагестан поступила первая партия вакцины «ЭпиВакКорона»

апр 11, 2021 Вакцинация

...................................................................................................

Информация

Управление Россельхознадзора по РД сообщает о вспышках гриппа птиц на …

апр 09, 2021 Информация

...................................................................................................

Минтруда Дагестана предупреждает о последствиях неформальной занятости

апр 09, 2021 Информация

...................................................................................................

27 марта – День войск национальной гвардии Российской Федерации

март 26, 2021 Информация

...................................................................................................

Центр поддержки экспорта поможет в расширении бизнеса

март 20, 2021 Информация

...................................................................................................

Центр поддержки предпринимательства предлагает свою помощь бизнесменам…

март 20, 2021 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич