ПОСЛЕДНИЙ НОМЕР
Свежий выпуск
Марат Асланов Халкьдин Собраниейин 55-пи сессияйиъ сарпирди удучIвну гъулхну.
Дугъу чан сечкичйирикан хил алдабгъувал ккун гъапIну ва чав ккергъу ва ккудукIну адру ляхнар кIулиз адагъуз гаф тувну.
Сессияйиъ мировой судйир тяйин апIбан месэла гьял гъапIнийи, хъасин «2020-пи йисан Дагъустан Республикайиъ инсандин ихтиярар уьрхбаан вари ихтиярар айи вакилин ляхнин гьякьнаан» докладдихъ хъпехъну. Депутатари гьацира Дагъустан Республикайин къанундин бязи актариъ дигиш’валар тIаъбан къанундин проектдин месэлара гъитIибккнийи.
Сессияйиъ, хъугъ’вал илимдрувализ лигну, Дагъустан Республикайин гьюкмин гъуллугъариъ айидар гъуллугънаан адаъбан къайдайин гьякьнаан, налог илипбан пучIу гъурулуш ишлетмиш апIругандин гьякъийикан, агьалйирин марццишнанна эпидемиологияйин аьгьвалат къайдайиз хуваликан, Дагъустан Республикайиъ гъулан мяишат артмиш апIбакан, Дагъустан Республикайин аьтрафариин инвестицйирин ляхниз гьюкуматдин терефнаан кюмек тувбан гьякьнаан, Дагъустан Республикайиъ инсанарин ихтиярар чIур апIбан профилактикайин месэлйир, харижи уьлкйириъ яшамиш шулайи ихь ватанагьлийириз кюмек тувбан гьякьнаан ва гьацира жара къанундин проектар гьял гъапIну.