Войдите в свой аккаунт

Пользователь
Пароль
Запомнить меня

ПучIу пул – гъагъи жаза

Автор Гюльнара Мягьямедова Пятница, 08 октября 2021, 10:07 104
  • Печать
  • Эл. почта

 

Аьхиримжи вахтари ихь республикайиъ къанун уьбхру органарин гъуллугъчйири наркотикар тарагъурайи жигьилар тахсиркарвал апIурайи йишв’ин кми-кмиди дисувалин дюшюшар гизаф шула. Магьа гьаму улихьна йигъарира Мягьячгъала шагьриъ, синтетикайин наркотикар масу тувбан тахсир кипну, 24 йисаъ айи жигьил дишагьли гъидисну.

 

Дугъахь лизи рангнан хюсиб жюре шейъ гъибиржнайи бицIи пакетар гъидихъну. Экспертизайин натижайи улупганси, дишагьлийи масу тувуз гьязур дапIнайиб мефедрон наркотикдин 22 доза вуди гъахьну. Дишагьлийиина уголовный дело гъитIибккну.

Гьаму дишагьли наркотикар масу тувбан тахсиркарвалин рякъюхъна дуфнайир сар дар. Республикайин аьтрафариин думу жюре тахсиркарвалар апIурайидар гизаф а. Гьелбетда, тахсиркарвалин гьаму ря-къюхъна гъюрайи гьарсар касдиз ухди-кьанди чпиз дустагъ ккилибгурайиб, чпин аьхир фициб шулуш аьгъя, амма дурарин улар аьхю пулари йитIура. Думу жюре тахсиркарвалар апIурайидариз, чпи асас вуди жигьиларин арайиъ аьжалихъна хру зегьер тарабгъурайивализ дилигну, туврайи жазара гъагъиб ву. Гьаци вушра, тахсиркарвалин рякъюхъ хъайидарин кьадар аьхюб ву.

Гьюкуматдин терефнаан му месэлайиз гизаф фикир тувра. 28-пи сентябриъ Мягьячгъалайиъ вахтназ вуди РД-йин Главайин вазифйир тамам апIурайи Сергей Меликовдин регьберваликкди наркотикариз аькси комиссияйин нубатнан заседание кIули гъубшну. Заседаниейиъ духтри дидрикIу наркотик кайи ва кIулин фикир яваш апIру дармнар ишлетмиш апIру касар сагъ апIру ва наркоманияйин, токсикоманияйин ва алкоголизмдин профилактика гъабхру гьюкуматдин дару тешкилатарин ляхин тешкил апIбан месэлйир гъитIирккнийи. Гьацира региондин аьтрафариин жигьиларин наркотикариз аькси гьяракатар артмиш апIбан месэлара гьял гъапIнийи.

Гъи республикайиъ набалугъарин ва жигьиларин арайиъ наркоманияйиз аькси профилактикайин ляхин гъабхру 19-дилан зиина тешкилатар гьисабнаъ а. Думу тешкилатарихъди, гьюкмин ляхин кIулиз адабгъру органарихъди сабси РД-йин жигьиларин министерствойи ляхин гъабхура.

Жигьиларин жямяаьтлугъ тешкилатарин ляхин жанлу апIбан бадали, жигьиларин арайиъ наркотикар тарагъувализ аьксивал улупру коммерцияйин дару тешкилатарин арайиъ гьар йисан грантарин конкурс гъабхура. Гьадму жюре грантариз 250 агъзур манат жара апIура. Жигьиларин политикайин цирклиъ наркотикар тарагъувализ аьксивал улупурайи проектар гьязур апIувализ 300 агъзур манат тувру 2 грант улупна. Республикайин уьмуми образованиейин тешкилатариъ, сузариъ, вузариъ наркотикариз аьксивал улупру волонтерарин гьяракатар тешкил апIбан серенжемар гъахура.

Мектебариъ волонтерарин-медикарин дестйир тешкил апIувалин ужуб тажруба а. Гьамусяаьт мектебдиъ урхурайидарин, студент-медикарин арайиан думу ляхнихъ 3 агъзуриинакьан кас хъа.

Гьаци вушра, Сергей Меликовди къайд гъапIганси, Республикайин наркология-йин диспансериъ гьисабнаъ айидар саки жигьил ватандашар ву.

Гьюрматлу жигьилар, пучIуди пул гъазанмиш апIуз гьялак махьанай. Рягьятди гъазанмиш гъапIу пулин кьяляхъди гъагъи жаза гъюру. Гьюкуматдин терефнаан грантар тувра. Грантарин конкурсариъ иштирак йихьай, туврайи пулин кьадарра цIиб дар. Гьадму жюрейиинди гъазанмиш гъапIуб гьялал гъазанж шулу.

Оцените материал
(0 голосов)

ПОСЛЕДНИЙ НОМЕР

Свежий выпуск

Читайте также

Парламент Дагестана поддержал кандидатуру Абдулпатаха Амирханова на по…

окт 28, 2021 Политика

...................................................................................................

Более 1 млн дагестанцев приняли участие в переписи населения

окт 28, 2021 Общество

...................................................................................................

Глава Табасаранского района Магомед Курбанов рассмотрел обращения граж…

окт 28, 2021 Общество

...................................................................................................

Об ограничительных мерах в связи с эпидситуацией в Дагестане

окт 28, 2021 Вакцинация

...................................................................................................

В Дагестане возобновляется работа волонтерского штаба #МыВместе

окт 28, 2021 Общество

...................................................................................................

Вакцинация

Об ограничительных мерах в связи с эпидситуацией в Дагестане

окт 28, 2021 Вакцинация

...................................................................................................

Предпринимателям Дагестана окажут содействие во внедрении системы QR-к…

окт 28, 2021 Вакцинация

...................................................................................................

Юрий Чайка призвал глав субъектов РФ предпринять все необходимые меры …

окт 27, 2021 Вакцинация

...................................................................................................

Итоги заседания Оперштаба РД по недопущению распространения Covid-19

окт 27, 2021 Вакцинация

...................................................................................................

Информация

Минобрнауки РД разъясняет постановление Правительства республики о пов…

окт 28, 2021 Информация

...................................................................................................

Сотрудники Минимущества Дагестана продолжают работу по внесению данных…

окт 13, 2021 Информация

...................................................................................................

Правительство РД оптимизировало регламент согласования документов терр…

сен 28, 2021 Информация

...................................................................................................

Информируем об утверждении новых санитарных правил и норм СанПиН на те…

сен 21, 2021 Информация

...................................................................................................

Настоящий прорыв в области дагестанской травматологии и ортопедии.

сен 17, 2021 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич