Войдите в свой аккаунт

Пользователь
Пароль
Запомнить меня

Табасаран райондиъ мал-къара гъагъи уьзрарихьан уьрхбан гъайгъушнаъ а

Автор Ражаб Нуров Пятница, 08 октября 2021, 12:10 177
  • Печать
  • Эл. почта
Табасаран райондиъ мал-къара гъагъи уьзрарихьан уьрхбан гъайгъушнаъ а
||| ||| |||

 

 

Табасаран райондин ветеринарный управлениейи 2020-пи ва 2021-пи йисари гъубху ляхникан мялуматар гъадагъбан бадали узу гьаму улихьна йигъари му идарайин кIулин духтир Халибег Аскендеровдихъди (шиклиъ) гюрюшмиш гъахьнийза. Дугъахъди узу райондин мал-къарайин жюрбежюр гъагъи уьзрариз аькси вакцинайин рубар йивбакан сюгьбат гъубхнийза.

 

– Халибег Гъянифаевич, Табасаран райондиъ мал-къарайин хатIалу уьзрар тарарагъбан бадали фицдар серенжемар кIули гъахурачва?

– Маларин духтрари гъуллугъ апIурайи идарайи, Табасаран райондин халкьдин социалинна-экономикайин сагъ-саламатвал уьбхбан бадали, саб хайлин ляхин гъабхура. Мал-духтрарин улихь дийибгънайи варитIан важиблу вазифйир – инсанарихьна малдарвалинна набататвалин сагъу сурсатар рукьувал, инсанар ва мал-къара гъагъи уьзрарихьан уьрхювал, райондин жилариинна жара йишвариан малар-чарвйирихъди уьзрар дархбан бадали дикъатлу ляхин гъабхувал ву.

Табасаран райондин РВУ-йин мурад-метлеб – инсанариз вахт ккимиди хатIалу уьзрарикан хабар тувувал, удучIвурайи уьзрариз аьксиди вахтниинди рубар йивувал ву. Эгер гьадму гъагъи уьзрар арайиз гъафиш, сагъ-саламатвал хьпан ва вахтниинди гьадму уьзрар терг апIбан бадали ич идарайи лазим вуйи серенжемар кIули гъахуру. Дицдар серенжемар гъахбан планар йитIувалин ляхин (диагностика, вакцинация, тартиб апIувалин ляхнар) Дагъустан республикайин ветеринарияйин комитетдихъди мясляаьтниинди апIури шулча, планар Табасаран райондин главайин буйругъдиинди тасдикь апIуру.

Планар йитIбан бадали, ветеринарный участкйирин заведующйири гьар йисандин аьхириъ гьарсар касдин аьхъариз душну, айи малар-чарвйир, гъазар, пеэр гьисаб апIуру, хъа гъуларин советарин главйир му месэлайиз вижнасузди лигура.

2020-пи йисан, планламиш дапIну, ич идарайи саб жерге ляхнар кIулиз адагъну. Гьаци, туберкулёздиан пландиинди 8200 мал-къара ахтармиш апIувал вуди, 8288 кIул ахтармиш гъапIну. Бруцеллездиан кIару малар ахтармиш апIбан пландиъ 16 400 кIул улупнайи, хъа ахтармиш гъапIунча 19 728 мал, хъа чарвийирин бруцеллездиан план кьюб ражари артухъди тамам гъапIунча – 600 чарвайин ерина 1443 чарва. Якъарин эпидидимит уьзрианра 500 чарвайин ерина 675 чарва ахтармиш гъапIунча.

КIару маларин гьидкьикк шлу кьюкьар ахтармиш апIбан план – 21 132 кIул – дюппе-дюз тамам гъапIунча. КIару маларин нежес ахтармиш апIбан пландиъ улупнайи 1000 пробайин ерина 1741 проба, хъа чарвйирин 2000 пробайин ерина 2093 проба гъадагъунча. КIару маларин лейкоз уьзрин улихишв гьадабтIбан бадали пландиъ улупнайи 8200 маларин ерина 9579 ахтармиш гъапIунча. Мурар гьавайиан гъадагънайи улупбар дар, гьарсар агьалийин гьяятариз душну, зегьмет дизигну, дапIнайи ляхнарин натижа ву.

– Табасаран районди фицдар уьз-рариз аькси вакцинйирин рубар йивна?

– 2020-пи йисан райондиъ айи вари мал-къарайин гъагъи тарагъру уьзрариз аькси вакцинация дапIна. Асас вуди гьаму уьзрариан: сибирин язвайиан – 38 262 кIару малин ва 21 490 чарвайин; ящуриан – 45 511 к1ару малин ва 22 210 чарвайин; бруцеллездиан – 7419 кIару малин ва 17 024 чарвайин, марччарин битIар уьзриан – 15 001 чарвайин, Ньюкаслдин уьзриан – 91 217 маларин ва чарвйирин ва кIару маларин эмкар кIуру уьзриан 24 104 малин
Гьаму вари ктуху, яманди тарагъру уьзрарин планар артухъдира кади тамам дапIна. Гьацира пастереллез ва нодулярный дерматит кIуру гъагъи уьзрар райондиъ айи мал-къарайик ктрубчIвбан бадали, думу уьзраризра аьксиди вакцинация дубхнача.

– Хъа гъябгъюрайи йисан фициб ляхин дубхначва?

– 2021-пи йисан учу кIару маларин туберкулёздин уьзриан, план 8200 мал вуди, 8664 малин ахтармишар духнача, хъа бруцеллёз уьзриан план 12 113 вуди, 12 300 кIару мал ахтармиш дапIнача.

Гъийин йигъазкьан, 35 000 план вуди, сибирин язвайиз аьксиди вакцинайин рубар 28 233 кIару малариз, эмкар уьзриан 21 646 кIару малариз, сибирин язвайиз аьксиди – 15 632 чарвайиз рубар дивна. Ящур уьзриз аьксиди 39 318 мализ ва 21 676 чарвайиз рубар йивна. Гьацира Нькасладин уьзриз аьксиди 39 640 пеэрин, гъазар-бадбадарин вакцинация дапIна.

Гьамцдар пландиинди вуйи ва пландиинди дару серенжемар гъахури, зиихъ улупнайи читин уьзрар тарагъуз гъидритри, Табасаран райондиъ 10 йис ву.

Оцените материал
(1 Голосовать)
Последнее изменение Пятница, 08 октября 2021 12:13

ПОСЛЕДНИЙ НОМЕР

Свежий выпуск

Читайте также

Более 1 млн дагестанцев приняли участие в переписи населения

окт 28, 2021 Общество

...................................................................................................

Глава Табасаранского района Магомед Курбанов рассмотрел обращения граж…

окт 28, 2021 Общество

...................................................................................................

Об ограничительных мерах в связи с эпидситуацией в Дагестане

окт 28, 2021 Вакцинация

...................................................................................................

В Дагестане возобновляется работа волонтерского штаба #МыВместе

окт 28, 2021 Общество

...................................................................................................

Дагестанские школьники проходят профориентацию на выставке «Лаборатори…

окт 28, 2021 Образование

...................................................................................................

Вакцинация

Об ограничительных мерах в связи с эпидситуацией в Дагестане

окт 28, 2021 Вакцинация

...................................................................................................

Предпринимателям Дагестана окажут содействие во внедрении системы QR-к…

окт 28, 2021 Вакцинация

...................................................................................................

Юрий Чайка призвал глав субъектов РФ предпринять все необходимые меры …

окт 27, 2021 Вакцинация

...................................................................................................

Итоги заседания Оперштаба РД по недопущению распространения Covid-19

окт 27, 2021 Вакцинация

...................................................................................................

Информация

Минобрнауки РД разъясняет постановление Правительства республики о пов…

окт 28, 2021 Информация

...................................................................................................

Сотрудники Минимущества Дагестана продолжают работу по внесению данных…

окт 13, 2021 Информация

...................................................................................................

Правительство РД оптимизировало регламент согласования документов терр…

сен 28, 2021 Информация

...................................................................................................

Информируем об утверждении новых санитарных правил и норм СанПиН на те…

сен 21, 2021 Информация

...................................................................................................

Настоящий прорыв в области дагестанской травматологии и ортопедии.

сен 17, 2021 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич