Понедельник, 08 августа 2022, 07:04

Войдите в свой аккаунт

Пользователь
Пароль
Запомнить меня

Гъизигу зегьмет зяяди гъюдубчIвундар

Автор Наргиз Гюлечова Среда, 15 декабря 2021, 11:12 228
Гъизигу зегьмет зяяди гъюдубчIвундар
||| ||| |||

 

 

Гъубшу гьяфтайиъ Кьибла Дагъустандиз командировкайиз гъягъюз мажбур гъахьунчу. Жиниб дар, Кьибла Дагъустандиъ, хъа асас вуди Дербент райондиъ, табасаран миллетдин вакилар сигъ’валиинди яшамиш шулайи гъулар гизаф а. Гьадрарикан саб Рубас гъул ву. Му гъулаъ гьамусяаьт 11 миллетдин агьалйир яшамиш шула. Дурарин аьхюнубсиб пай табасаранар ву. 1970-пи йисан майдин вазлиъ жилар тIурччвбан кьяляхъ, вари ЧIвалакк гъул Рубасдиз кючмиш хьувализ лигну, гъи мушваъ яшамиш шулайидарин асас пай чIвалккар ву.

 

 

Гьамусяаьт уьлкейиъ коронавирусдин уьзрихъди аьлакьалу аьгьвалат гъагъиди айивализ лигну, Рубас гъулаз душну, душваъ айи участокдин больницайиз- ди дурушди, больницайин кIулин духтир Аьгьмедпаша Мягьямедпашаевдихъди гюрюшмиш дархьиди кьяляхъ гъафнийиш, аьхю гъалатI шуйи. Гьаддиз, дугъахьна душну, больницайин гьялнакан, участокдиъ айи коронавирусдин аьгьвалатнакан гаф-чIал гъапIнийча.

Къайд апIуб лазим вуки, учв Аьгьмедпаша Мягьямедпашаевич 1954-пи йисан Хив райондин ЧIвалакк гъулаъ бабкан гъахьну. 1973-пи йисан Дербент райондин Агълаби гъулаъ кьялан мектеб ккудубкIну, Аьгьмедпаша Мягьямедпашаевич Мягьяч-гъалайин мединститутдик урхуз кучIвру. Мединститут ккудубкIбалан кьяляхъ, бицIидариз лигру духтир хьуз Дербентдиъ интернатурара ккудубкIу таза пишекар Хив райондин больницайиз кIулин педиатрди гьаъру. ЦIиб вахтна гьадушваъ ляхин дапIну, Аьгьмядпаша Мягьямедпашаевич Рубасдиз кьяляхъ хъадакну гъюру. 1982-пи йисан думу Дербент райондин кIулин педиатрди дерккру. Учв вари райондин кIулин педиатрди лихурашра, 1984-пи йисан дугъу Рубас гъулаъ больница ачмиш апIбан чар-йир зигуз хъюгъру.

«Дюзди кIуруш, думуган му гъулаъ ФАП айи. Хъа узу фикир гъапIунза, духтир наан ашра – духтир ву, ва дугъан асас метлеб – инсанар сагъ апIувал ву. Гьаддиз узу гьаму аьтрафариинра участокдин больница ачмиш апIуз чалишмиш гъахьунза. 1984-пи йисан мушваъ духтрарин амбулатория ачмиш гъапIну. 1992-пи йисан йигъандин стационар абццунча, хъа 1994-пи йисхъанмина дидиз участокдин больницайин ччвур тувну», – гъапну духтри.
Мялум вуйиганси, Дербент райондиъ участокдин 6 больница а. Кьибла терефназди айидар Билижийин ва Рубасдин больницйир ву.
Духтрин гафариинди, гъийин йигъаз Рубасдин больницайиъ 20 бицIидариз ва 10 аьхюдариз дахъру йишвар а.

«Гьамусяаьт ич больницайин 1-пи мертебайиъ 150 инсан кьабул апIуз шлу поликлиникара айич. Больница ачмиш апIру вахтна айидар сар узу – духтир ва 4 медсестрйир вуйча. Гьамус мушваъ 11 духт- ри ляхин апIура, ва Дербент райондин гьаму терефназди айи 11 гъулан 20 агъзуртIан артухъ агьалйиринра, Дербент зонайиз дахил шулайи 12 галариъ яшамиш шулайи касаринра сагъламвал уьбхбан игьтияжар гьуркIрача. Яна ФОМС-ди тувнайи программа гьял апIурача», – гъапну Рубасдин больницайин кIулин духтри.
Сюгьбатнаъ Аьгьмед-паша Мягьямедпашаевичди мялум гъапIганси, больницайиъ бицIидарин ва вари аьзарлуйир сабишв’инди сагъ апIбан отделенйир а, яна гъулариъ яшамиш шулайи касарин сагъламвал мюгькам апIру отделенйир.

Больницайин кIулин духт- ри чпин больницайиз айи медицинайин тяди кюмек апIру гъуллугънаканра мялуматар тувнийи.
Дугъан гафариинди, больницайин дахилнаъди гъулаъ медицинайин тяди кюмек апIру гъуллугънан филиал ачмиш апIури, хайлин вахт гъубшну.
«Му ляхниъ учуз Девлетхан Турабовичдира гизаф кюмек гъапIунчуз. Дугъаз аьхю чухсагъул.
Фельдшерарин бригадара хъади суткйириинди либхурайи саб машинра ачуз.

Дюзди кIуруш, учухь коронавирусдин уьзур лап гъагъиди тарабгънайи вахтна, аьзарлуйир вахтниинди больницайиз гъахуз цIиб читинди алабхъуйи, хъа гьамус дици читинвалар адар. Ич участокдиз дахил шулайи инсанарра медицинайин тяди кюмекнан гъуллугъ ачмиш апIбиин гизаф разиди ву», – кIурайи Аьгьмедпаша Мягьямедпашаевди.

Участокдин больницайин кIулин духтри гьамусяаьт чпихь коронавирусдин уьз-рихъди аьлакьалу аьгьвалат фициб вушра мялуматар тувнийи.
Дугъу къайд гъапIганси, аьхиримжи вахтна му терефнаъ, республикайин жара йи-шварихъди тевиш, уьзур цIиб яваш дубхьна.
«Уьзур яваш дубхьна кIури, учу ккебехъну дуснадарча. Гьаммишан ПЦР гъадабгъури, аьзарлуйир ахтармиш апIури, инсанарин арайиъ гъаврикк ккаъбан ляхин гъабхурача. Мартдин вазлихъанмина ич больницайиъ коронавирусдиз аькси вакцинайин рубар йивру пунктра абццна. Прививка апIувал тIалаб апIури, фуж учухьна илтIикIишра, учу дугъаз ваъ кIурадарча.

Хъа, гьяйифки, агьалйирин вакцинайихьна вуйи янашмиш’вал гъагъиб ву. Гьаз-вуш инсараниз вакцинайин руб йивуз гучIура. Гъаврикк ккауз гизаф гъагъиди алабхъуру.
Мисал вуди гъадабгъиш, магьа ич гъулаъра коронавирусдин уьзриан 7-8 кас гъийихну. Аьгьвалат гъагъиб вуйиб рябкъюрашра, агьалйир прививка апIуз къаршуди дугъужвна. Мялимаринна сагъламвал уьбхюрайи гъуллугъчйирин 100% прививкйир дапIна. Хайлин пенсионерарира коронавирусдиз аькси рубар йивна. Лазим гъахьиш, вакцинайин рубарра гьуркIну а.

Гъийин йигъан гьарсар кас, жвув ва жвуван багахьлуйир уьрхбан бадали, учв чалишмиш духьну ккунду. Му коронавирусдин гъагъи уьзрихьан ухьу анжагъ вакцинайитIан уьрхидар. Гьад-диз, гьич сарихъра хъпебехъди, прививка апIуз чалишмиш йихьай.

Саб гьаму коронавирусдиз аькси прививкайиз ваъ, цци мектебариъ чпин баяр-шубариз аьдати гриппдин уьзриз аькси прививкйир апIбазра абйир-бабар къаршуди удучIвна. Мисалназ, сач Рубасдин мектебдиъ Гриппол дарапIу бицIидар 6-7 вуйиш, цци саки варидари прививка апIударча гъапну. Дурариз гучI кабхъна. Хъа имбуну, лазим вуйи, пландиинли дапIну ккуни прививкйир ич участокдиз дахил шулайи саки 100% агьаяйирин, гъапIуна. Анжагъ аьксиди удучIвурайи 2-3 абйир-бабар гъузра. Дурарихъдира ляхин гъабхурача», – аьла- ва гъапIну Аьгьмедпаша Мягьямедпашаевди.

Ав, духтри гъапиганси, инсанариз уьзур кубчIвбакантIан дидиз аькси вакцинайихьан гучIура. Саб жара жюрейин фикирра дарапIди, варидари прививка дапIну ккунду. Асас вуди инсандин сагъламвализ тясир кIулиз гъюру чIуру фикрари апIуру. Гьаддиз гьарсар кас чIурубдикан фикир дарапIуз, духтрари кIурайиб апIуз чалишмиш духьну ккунду.

Оцените материал
(0 голосов)

ПОСЛЕДНИЙ НОМЕР

Свежий выпуск

Вакцинация

В Дагестане любой желающий может пройти экспресс-тестирование на COVI…

авг 05, 2022 Вакцинация

...................................................................................................

В Дагестане ожидается рост заражения Covid-19

июль 27, 2022 Вакцинация

...................................................................................................

Дагестан получил препарат для профилактики Covid-19 у лиц с противопок…

июль 15, 2022 Вакцинация

...................................................................................................

Дагестану дополнительно выделено 100 тыс экспресс-тестов на коронавиру…

мая 12, 2022 Вакцинация

...................................................................................................

Читайте также

На юге Дагестана реализуют проект по закладке суперинтенсивного яблоне…

авг 08, 2022 Экономика

...................................................................................................

Дагестан достойно представлен на туристическом форуме «Путешествуй»

авг 06, 2022 Туризм

...................................................................................................

«Пусть теперь Кавказские горы пляшут»… История первого олимпийского че…

авг 06, 2022 Спорт

...................................................................................................

В ДГИ состоялся круглый стол на тему цифровизации современной жизни

авг 06, 2022 Образование

...................................................................................................

Сергею Меликову презентовали проект регионального центра «Альтаир»

авг 06, 2022 Образование

...................................................................................................

Информация

Терроризм: мнение современной молодежи

июль 18, 2022 Информация

...................................................................................................

Стартовал конкурсный отбор проектов по разработке российских решений в…

июль 01, 2022 Информация

...................................................................................................

Жителей Республики Дагестан приглашают принять участие в онлайн-олимпи…

июнь 21, 2022 Информация

...................................................................................................

Минцифры России объявляет о старте летнего общеобразовательного проект…

мая 22, 2022 Информация

...................................................................................................

В Махачкале пройдет всероссийская акция "Библиосумерки-2022"

мая 20, 2022 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич