Войдите в свой аккаунт

Пользователь
Пароль
Запомнить меня

Халкьдин мялим – жямяаьтлугъдин утканвал ву

Автор Умгьанат Сулейманова Четверг, 13 января 2022, 15:58 53
  • Печать
  • Эл. почта
Халкьдин мялим – жямяаьтлугъдин утканвал ву
||| ||| |||

 

Дербент шагьриъ айи 18-пи нумрайин вари дюн'яйин культурайин гимназияйин 2021-пи йисан 1-пи сентябриъ 40-йис тамам гъабхьну. Му гимназия гьам Дербент шагьриъ, гьам вари республикайиъ ужудар уьмуми образование тувру идарйирин цIарнаъ а. Душваъ урхурайи бицIидар чпин тербияйин дережайииндира, урхбаъ гъадагънайи хъуркьуваларииндира тавафатлу шула. Му заан натижйирин сир аьгъю апIбан ният ади, узу гимназияйин директор Низами Юзбеговдихъди сюгьбат гъубхунза.

 

– Низами Залбегович, Дербент шагьриъ гизаф абйир-бабари чпин бицIидар 18-пи нумрайин гимназияйик кауз гьяракат апIуру ва вахт ккимиди нубатнахъра дийигъуру. Гьаз?

– Ихь абйирин мисалиъ дупна: «Уву яв ляхин бинайиан фици ккебгъиш, думу гьаци гъябгъиди». Ич гимназияйин заан хъуркьувалар, йиз фикриан, тажрубалу мялимари гъабхру тербиячивалин ляхникан гизаф асиллу ву. Учухь хайлин РСФСР-ин ва ДАССР-ин образованиейин лайикьлу мялимар, методистар, халкьдин образованиейин отличникар, заан тажруба айи мялимар гъилихну ва лихура. Дурари, дарс кивбан, урхбанна тербияйин ляхнин дережа за апIбан бадали, жюрбежюр метлеблу къайдйир ишлетмиш апIуру. Коллективдиъ лихурайи 126 мялимарикан бязидари уьмуми образованиейин вари мектебариъ ишлетмиш апIуз шлударстар цIийи къайдйир, дарс мянфяаьтлуди кивуз мумкинвал тувру программйир гьязур апIуру. Гъи мектебариъ цIийи проектарихъди ва прог-раммйирихъди ляхин апIурашра, ич мялимари советарин вахтари лихури гъахьи мялимарин тажрубара кIваълан гьархрадар. Дидланра савайи, учухь лихурайи гизаф пай жигьил мялимар гьаму гимназияйиъ гъилиху аьхю тажруба айи мялимарин ученикар ву. Йиз фикриан, мялимвалин ляхнин устадари жигьил пишекрар чпин тажрубайихъди таниш апIбан бадали, жюрбежюр мектебариъ лихурайи мялимарин гьаммишан аьлакьа ади ккунду. Гьаддиз тажрубалу мялимари чпи ляхниъ ишлетмиш апIру методикайин къайдйирикан, мектебариъ урхбанна тербияйин ляхин кIули гъабхбан саягъарикан ктибтбан бадали, кми-кмиди жюрбежюр серенжемар, гюрюшар кIули гъахури ккунду. Учу думу месэлайизра фикир туврача.
Ляхниъ гъазанмиш дапIнайи хъуркьувалариз лигну, РД-йин образованиейин ва РФ-дин мярифатнан минис-терствйирин терефнаан гимназияйин хайлин мялимариз гьюрматнан грамотйир ва лайикьлувалин ччвурар тувна.

Гьаци, 13 мялим – РФ-дин образованиейин гьюрматлу гъуллугъчйир, 2 мялим – Дагъустан Республикайин лайикьлу гъуллугъчйир, 5 мялим – уьмуми образованиейин отличникар ву. Имбу мялимарра гьар йисан Дербент шагьрин образованиейин управлениейиан гьюрматнан грамотйириинди лишанлу апIура, 38 – заан категорияйин ва 20 – сабпи категорияйин мялимар лихурачухь. Дурари чпин кьувватар гимназияйин ляхин заан дережайиз адабгъуз сарф апIура.

– Гъи мектебди гъабхурайи ляхин гизафси ЕГЭ-йин натижйириинди ебцуз хъюгъна. 18-пи нумрайин гимназияйиъ швнур балина шуру урхура ва дурари туврайи ЕГЭ-йин натижйир фицдар ву?

– Гъийин аьгьвалатнаъ урхурайидарин аьгъювалар гъадагъбаъ мялимдин жавабдарвал лап за шула, фицики выпускникдихьан ЕГЭ-йин имтигьян тувуз дархьиш, думу аттестатдихъ мягьрум шула. Ва ляхин лайикьлуди, вари кьувватар, аьгъювалар баяр-шубариз билиг тувувализ сарф апIурайи, чпин ляхниъ педагогикайин цIийи технологйир ва къайдйир ишлетмиш апIурайи мялимар цIиб адарич. Гьар йисан ЕГЭ туврайи баяр-шубари 50 баллилан 100-дихьна баллар гъадагъура. Мисалназ, гьамусяаьт ич гимназияйиъ ужудар удукьувалар айи баяр-шубарин аьгъюваларин ва дурарин удукьувалар артмиш апIбан, профильный образование тувбан ляхин лазим вуйи дережайиъди кIули гъабхура. Гьар вазлиъ урхурайидари мялимарихъди сатIиди «Сюжет» кIуру газат чап апIура – дидин машариъ ич гимназияйиъ гъахьи гьядисйирикан мялуматар тувра, «60 жизби тарихнан гьядисйирикан» рубрикайиккди маракьлу тарихи гьядисйирикан бикIура; «Исккан зинди лигувал» кIуру передача гъабхура. Гимназияйиъ 2419 балина шуру урхура, ва дурар саки вари адлу вузарик урхуз кучIвра. Гьар йисан 11-пи классариъ урхурайи 18-25 балина шуру мектеб гъизилин медалариинди ккудубкIура, 9-пи классариъ айи 29-30 урхурайидари, отличникар вуди, гимназия ккудубкIбан документ гъадабгъура.

Баяр-шубариз бицIидимиди фициб тербия тувиш, гьаци дурар аьхюра шулу. Му ляхниъ мялимди чан вари кьувватар, чаз айи мумкинвалар, аьгъювалар ишлетмиш дапIну ккунду. Хъа гъи ич гимназияйиъ асас пай мялимар гьацдар вуйич.

Низами Юзбеговди туву жавабари ва 18-пи гимназияйин гьар йи-гъандин ляхни тасдикь апIурайиганси, му идарайиъ пишекрар педагогвалин заан гьязурлугвал айидар ву, гьаддиз дурарихьан мушваъ урхурайи бицIидарин бажаранвалар ачмиш апIуз удукьура. Шаксуз, мялимари бицIидариз тербия тувбан, дурарин урхбахьна маракьлувал за, сагъламвал мюгькам апIбан дюз рякъяр дагна. ИкибаштIан, мектебдиъ мялимариз ва урхурайидариз яратмиш дапIнайи шартIарира ляхниъ заан натижйир гъадагъуз кюмек тувра. Низами Юзбегов 2015-пи йисан гимназияйин директор гъахьихъанмина дидин техникайинна материалин бинара хайлин мюгькам гъабхьну.

Дербент шагьрин дамагъ вуйи 18-пи нумрайин вари дюн'яйин культурайин гимназияйиъ лихурайи мялимариз чпин баркаллу ляхниъ хъана заан хъуркьувалар гъадагъуз Аллагьди сагъ'вал туври!

Оцените материал
(0 голосов)
Последнее изменение Пятница, 14 января 2022 16:02

ПОСЛЕДНИЙ НОМЕР

Свежий выпуск

Читайте также

Султан Абдуралимов: Обратная связь между жителями и органами исполните…

янв 24, 2022 Общество

...................................................................................................

А. Гинцбург: госпитализаций с "омикроном" среди привитых …

янв 24, 2022 Вакцинация

...................................................................................................

140 КФХ Дагестана получили субсидии на содержание молочного стада КРС

янв 24, 2022 Сельское хозяйство

...................................................................................................

Дагестанский врач рассказала о вакцинации от коронавируса при хроничес…

янв 24, 2022 Вакцинация

...................................................................................................

Количество вакцинированных от коронавируса жителей Дагестана приближае…

янв 24, 2022 Вакцинация

...................................................................................................

Вакцинация

А. Гинцбург: госпитализаций с "омикроном" среди привитых …

янв 24, 2022 Вакцинация

...................................................................................................

Дагестанский врач рассказала о вакцинации от коронавируса при хроничес…

янв 24, 2022 Вакцинация

...................................................................................................

Количество вакцинированных от коронавируса жителей Дагестана приближае…

янв 24, 2022 Вакцинация

...................................................................................................

В Табасаранской ЦРБ вакцинированных среди заболевших коронавирусом нет

янв 24, 2022 Вакцинация

...................................................................................................

Информация

Стартовал прием заявок на заочный конкурс фестиваля «Гринландия»

янв 20, 2022 Информация

...................................................................................................

О поддержке инициативы #МойбизнесПомогает

дек 27, 2021 Информация

...................................................................................................

Рекомендации от Главного управления МСЧ России по Республике Дагестан …

дек 24, 2021 Информация

...................................................................................................

Как обеспечить безопасность детей в интернете

нояб 10, 2021 Информация

...................................................................................................

Минобрнауки РД разъясняет постановление Правительства республики о пов…

окт 28, 2021 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич