Войдите в свой аккаунт

Пользователь
Пароль
Запомнить меня

Расул Гьямзатовдин 100 йисаз бахш вуди

Автор Гюльнара Мягьямедова Пятница, 21 января 2022, 12:00 227
Расул Гьямзатовдин 100 йисаз бахш вуди
||| ||| |||

 

 

Вари дюн’яйиз машгьур вуйи шаир Расул Гьямзатов бабкан духьну 2023-пи йисан 100 йис тамам шула. Думу гьядисайихъди аьлакьалу вуди, РФ-дин Президент Владимир Путинди тешкиллувалин комитет тяйин гъапIну. Дагъустан Республикайин Глава Сергей Меликовди Президент Владимир Путиндиз шаирин юбилейин шадлугъариз теклиф дапIна. С.Меликовдин гафариинди, республикайиз Владимир Путин гъювали машквран серенжемарин дережа за апIиди, «Расул Гьямзатов аьхю Урусатдин вари халкьди кьабул дапIнайи шаир вуйивал сабансан ражари вари дюн’яйиз улупиди». Гьаци вуйиган, юбилейин серенжемарихьна вахтниинди гьязур духьну ккунду.

 

 

Улихьна йигъари РД-йин Правительствойин Председатель Аьбдулпятягь Амирхановди, машгьур шаир Расул Гьямзатов бабкан духьну 100 йис тамам хьувалихъди аьлакьалу шадлугънан серенжемарин план уьмриз кечирмиш апIбаз бахш вуди, совещание кIули гъубхну. Дидин гьякьнаан РД-йин Правительствойин пресс-гъуллугъну мялумат тувра.

Гьязур дапIнайи пландин сиягьнаъ 72 серенжем а. Думу серенжемариз 8,8 миллиард манат, гьадму кьадарнакан 5,2 миллиард манат федеральный бюджетдиан, 2,9 миллиард манат – республикайин бюджетдиан харж апIбанди ву, 7 миллион манат ерли бюджетдиан, 650 миллион манат бюджетдин дару фондариан харж апIиди.

Пландиз асас вуди, Мягьячгъала шагьриъ Расул Гьямзатовдин ччвурнахъ хъайи кючейиъ расвалин ляхнар кIули гъахиди.
Пландиъ айи бязи дараматарин проектариз пулин дакьатар хъадаъна. Мисал вуди гъадабгъиш, Хунзах райондин Арани гъулаъ мектеб тикмиш апIуз 190 миллион манат, гьацира рякъяр къайдайиз хувалин 2 объектдин проектариз пул жара дапIна. Мидланра савайи, 2021-пи йисан 17 объектдиз, гьадму гьисабнаан 6 мектебдиз, бицIидарин саб багъдиз, 10 объект штухъди тямин апIбан проектарин документар гьязур апIуз 255 миллион манат жара дапIна.
32 объектдиз федеральный бюджетдиан (федеральный госпрограммйириан, РФ-дин резервдин фонднаан) пулин дакьатар жара апIбанди ву.Культурайин серенжемарикан улхуруш, Расул Гьямзатовдин «Ди-шагьлийирин остров» поэмайиан спектакль гьязур апIувал планламиш дапIна. Думу спектакль Урусатдин регионариъ улупиди, шаирин юбилейиз бахш вуйи музыкайинна театрин сягьнийир Санкт-Петербургдиъ, Гьюкуматдин Кремлин дараматдиъ тешкил апIувал планламиш дапIна.

Гьацира Хунзах райондин Арани гъулаъ «Гъала» объект, «Лизи кьарнийир» ядигар, Хунзах гъулаъ тарихнанна ватандин музей, Мягьячгъалайиъ айи М.Горькийдин ччвурнахъ хъайи Урус драмайин театр, Гь. ЦIадасайин ччвурнахъ хъайи Аварарин музыкайинна драмайин театр, шаирин ватан-Хунзах райондиъ айи рякъяр рас апIувал планламиш дапIна.
Аь. Амирхановди, серенжемарин план тартиб дапIну ккудубкIну, федеральный центриз хътапIуз гьязур апIувал табшурмиш гъапIну.

Оцените материал
(0 голосов)

ПОСЛЕДНИЙ НОМЕР

Свежий выпуск

Читайте также

Дагестан получил рекордные 600 млн рублей на проект «Местные инициатив…

мая 27, 2022 Экономика

...................................................................................................

Байрамбек Магомедов: «Снижение дополнительной нагрузки на субъекты МСП…

мая 27, 2022 Экономика

...................................................................................................

С приходом в Дагестан крупных туроператоров повысится конкуренция в от…

мая 27, 2022 Туризм

...................................................................................................

Правительство Дагестана держит на контроле строительство дорог в объе…

мая 26, 2022 Транспорт и связь

...................................................................................................

Народный фронт в Дагестане исполнил мечту юного боксера из Донбасса

мая 26, 2022 Общество

...................................................................................................

Вакцинация

Дагестану дополнительно выделено 100 тыс экспресс-тестов на коронавиру…

мая 12, 2022 Вакцинация

...................................................................................................

Более 80% дагестанцев привиты от коронавируса

мая 11, 2022 Вакцинация

...................................................................................................

Депутат Госдумы допустил причастность США к разработке коронавируса

мая 11, 2022 Вакцинация

...................................................................................................

Ситуация по коронавирусу в Дагесане

апр 30, 2022 Вакцинация

...................................................................................................

Информация

Минцифры России объявляет о старте летнего общеобразовательного проект…

мая 22, 2022 Информация

...................................................................................................

В Махачкале пройдет всероссийская акция "Библиосумерки-2022"

мая 20, 2022 Информация

...................................................................................................

Крымская операция

мая 13, 2022 Информация

...................................................................................................

Стартовал Всероссийский журналистский конкурс "Многоликая Россия…

мая 12, 2022 Информация

...................................................................................................

Стартовал обучающий проект "Цифровые профессии"

мая 11, 2022 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич