Войдите в свой аккаунт

Пользователь
Пароль
Запомнить меня

Коронавирусди гьелелиг архаин хьуз гъитрадар

Автор Сефижат Кьасумова Пятница, 21 января 2022, 12:27 235
Коронавирусди гьелелиг архаин хьуз гъитрадар
||| ||| |||

 

 

Коронавирусдин тIягъвни гьелелиг ухьухьди мугъаятвал уьбхюз гъитра. Йигълан-йигъаз цIийи штаммар ачмиш шули, ккудудукIру гъулайсузвалар арайиз хури, инсанарин сагъламвализ къурхулувалра хура.

 

Жвув дидхьан уьрхбан бадали, гъи варитIан важиблу вуди коронавирусдиз аькси руб йивувал дийибгъна.

Урусатдин Минздравдин кIули айи Михаил Мурашкойин гафариинди, аьзарлу шулайидарин арайиъ коронавирусдиз аькси рубар йивнайидарин кьадар 0,03 процент ву. Стационарариъ айи, гъагъиди ккетIерццнайидар гизафси рубар дириву агьалйир ву. Гьамусдиз урусатдин ватандашарикан 63,7 процентди коронавирусдиз аькси рубар гъивну, амма, вице-премьер Татьяна Голиковайи улихьна мялум гъапIганси, варидин сабишв’инди вуйи иммунитет арайиз хпан бадали, му кьадар 80 процент дубхьну ккунду.

2020-пи йисан августдин вазлиъ РФ-дин Минздравди дюн’яйиъ сабпиб вуди «Спутник V» вакцина регистрация гъапIнийи. Дидин кьяляхъ Урусатдиъ «ЭпиВакКорона» ва «КовиВак» вакцинйирра гьязур гъапIнийи.
Гъубшу йисан майин вазлиъ Урусатдиъ коронавирусдиз аькси 4-пи вакцина «Спутник Лайт», хъа августдин аьхириъ «ЭпиВакКорона-Н» кIуру сабсана руб регистрация гъапIну. 2021-пи йисан ноябрин вазлиъ «Гам-КОВИД-Вак М» ччвурнаккди живанариз вуйи сабпи рубра кьабул гъапIнийи.

Аьхиримжи гьяфтайиъ, вари уьлкейиъси, ихь республикайиъра коронавирусдиан аьзарлу шулайидарин кьадар артухъ хьуз хъюбгънайивалихъди аьлакьалу вуди, улихьнаси Дагъустандин Глава Сергей Меликовдин регьберваликкди коронавирус тарабгъбаз аьксивал улупбан месэлайиан совещание гъабхьну.
«Вари гьюкуматариъ аьзарлу шулайидарин кьадар тазатIан артухъ шула. Гизаф уьлкйириъ гьялакди тарабгъру «Омикрон» штамм ачмиш дубхьна. Ухьу 2020-пи йисандин хьадукран вахт, муфтиятдинра, республикайин улихь-кIулихь хьайидаринра вари кьувватар сарф дапIну, фициб читинвалиинди думу гьялнаан ухьу удучIвнийиш, аьхю бедбахтвал дебккнийиш, кIваълан гьархрахьа. Магьа хъанара мугъаят хьуз хъюгънахьа ва думу аьгьвалат текрар хьпан къурху айиваликанра кIваълан гьапIрахьа. Хъа цIийи штаммдихъди аьлакьалу гьял ужуб дар. Эгер ухьу гъимиди ижмишнаан уьлчмйир кьабул дарапIиш, хъана коронавирус ачмиш гъабхьи эвеларихъна гъюб мумкин ву», – къайд гъапIну республикайин Главайи.

Роспотребнадзорин республикайин управлениейин кIулиъ айи Николай Павловди мялум гъапIганси, аьхиримжи йигъари Дагъустандиъ коронавирусдиан ктIерццурайидарин кьадар 50 процент за гъабхьну. Мици хьувал цIийи йисандин машкврар къайд апIбахъди аьлакьалу ву.
ВаритIан гизаф кетIерццнайидар Дербент, Леваши, Мягьярамкент, Новолак, Къарабудагъкент районариъ, Дагъустандин Огни, Каспийск, Мягьячгъала шагьрариъ тяйин дапIна. Дурарин яшарикан кIуруш, аьхиримжи вахтна гизафси бицIидар ва живанар иццру шула.

Аьгьвалат хъана читин шулайивал гьисабназ гъадабгъну, республикайин кIулин санитарный духтри, коронавирусдин инфекция тарабгъувалин улихьишв бисбан бадали, жямяаьтлугъ хъяркьнайи йишвариъ дезинфекция апIувалин ва маскйир алахьувалин, сар-сарин арайиъ йишв ади дийигъувалин, лихру йишвариъ гвачIниндин фильтрар тIаувалин теклиф дивнийи. Гьацира коронавирусдиз аькси рубар йивбан ляхинра жанлу апIуваликан, ОРВИ-йин лишнар кайидар дериндиан ахтармиш, СИЗ-арин ва гьялакди кюмек тувру духтрарин бригадйирин кьадар артухъ апIуб лазим вуйиваликан гъапнийи.
Вахтназ вуди РД-йин сагъламвал уьбхбан министрин вазифйир тамам апIурайи Татьяна Беляевайи туву мялуматариинди, гьаму игьтияжариз республикайиъ 2 агъзур дахъру йишвар гьязур дапIна, 500-дихьна резервдиъра а.

Гьамусдиз республикайиъ коронавирусдиз аькси рубар йивнайидарин кьадар 50 процент ву, варидин сабишв’инди вуйи иммунитет – 30,5 процент.
Заседаниейин дахилнаъди больницйир медицинайин кислороддихъди тямин апIбан месэлайиканра гъулхнийи. Саб суткайиъ гьамусяаьт 3-дилан 6 тоннайихьна кислород лазим шула, хъа гьар кьюд йигъак хурайи кислород 18 тонна ву.

Къайд апIуб лазим вуки, ДГМУ-йиъ, Урусатдин Минздравдин ва РД-йин Главайин табшуругъниинди, коронавирусдихъди аьлакьалу месэлйириан кюмек тувру колл-центр тазатIан ачмиш дапIна. Дидин операторар ДГМУ-йин заан курсариъ урхурайи студентар-волонтерар ву.
Мидланра савайи, университетдин пресс-гъуллугънаан туву мялуматариинди, республикайин медицинайин вуздиъ профессораринна мялимарин ва хусуси гьязурлуг’вал гъубху студентаринна ординаторарин, лазим гъабхьиш, «уьру зонайиъ» ляхин апIуз кадрйирин резерв гьязур дапIна. Гьацира 1500 волонтерарра му ляхник ктикьуз гьязур ву.

Гьаддихъди сабси, Урусатдин Минздравди коронавирусдиз аькси руб йивуз хай даршлу агьалйирин гъатарин сиягьра гьязур гъапIну.
Минздравдин кIули айи Михаил Мурашкойи къул гъизигу къарариз асас вуди, коронавирусдиз аькси руб йивуз хай даршлу агьалйирин гъатарик кахьра: му дармнихьна аллергия айидар, руб йивбан кьяляхъ сагъламвалин гьял лап гъагъи гъабхьидар – анафилактический шок, судорогйир гъахьидар, бедендин температура 40 градустIан артухъ за гъабхьидар. Мицдар касар коронавирусдиз аькси руб йивбахьан азад апIура.
Гьацира ОРВИ ва инфекцияйин жара уьзрариан кетIерццнайидар сагъ хьайизкьан, му руб йивбахьан вахтназ вуди азад апIура.
Гъагъдиъ айи ва бицIир никкдихъ хъайи дишагьлийирра гьаму сиягьнак кахъра.
Аьхиримжи улупбариинди, ихь республикайиъ коронавирусдин уьзриан инсанар ктIерццбан 67 885 (суткайиъ 145 кас ктIерццну) дюшюш тасдикь духьна. Дурарикан 61 859 кас сагъ гъахьну, 3286 кас гъийихну.

Оцените материал
(0 голосов)

ПОСЛЕДНИЙ НОМЕР

Свежий выпуск

Читайте также

Дагестан получил рекордные 600 млн рублей на проект «Местные инициатив…

мая 27, 2022 Экономика

...................................................................................................

Байрамбек Магомедов: «Снижение дополнительной нагрузки на субъекты МСП…

мая 27, 2022 Экономика

...................................................................................................

С приходом в Дагестан крупных туроператоров повысится конкуренция в от…

мая 27, 2022 Туризм

...................................................................................................

Правительство Дагестана держит на контроле строительство дорог в объе…

мая 26, 2022 Транспорт и связь

...................................................................................................

Народный фронт в Дагестане исполнил мечту юного боксера из Донбасса

мая 26, 2022 Общество

...................................................................................................

Вакцинация

Дагестану дополнительно выделено 100 тыс экспресс-тестов на коронавиру…

мая 12, 2022 Вакцинация

...................................................................................................

Более 80% дагестанцев привиты от коронавируса

мая 11, 2022 Вакцинация

...................................................................................................

Депутат Госдумы допустил причастность США к разработке коронавируса

мая 11, 2022 Вакцинация

...................................................................................................

Ситуация по коронавирусу в Дагесане

апр 30, 2022 Вакцинация

...................................................................................................

Информация

Минцифры России объявляет о старте летнего общеобразовательного проект…

мая 22, 2022 Информация

...................................................................................................

В Махачкале пройдет всероссийская акция "Библиосумерки-2022"

мая 20, 2022 Информация

...................................................................................................

Крымская операция

мая 13, 2022 Информация

...................................................................................................

Стартовал Всероссийский журналистский конкурс "Многоликая Россия…

мая 12, 2022 Информация

...................................................................................................

Стартовал обучающий проект "Цифровые профессии"

мая 11, 2022 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич