Войдите в свой аккаунт

Пользователь
Пароль
Запомнить меня

Тяди совещание кIули гъубшну

Автор Умгьанат Сулейманова Пятница, 21 января 2022, 12:30 218
Тяди совещание кIули гъубшну
||| ||| |||

 

 

Вахтназ вуди Дербент шагьрин главайин вазифйир тамам апIурайи Артур Гьямзатовди, Дербент шагьриъ коронавирусдин уьзур тарабгъувалихъди аьлакьалу вуди читин аьгьвалат арайиз дуфнайивализ лигну, 14-пи январиъ совещание кIули гъубхну. Думу совещаниейиъ Роспотребнадзорин, ЦГБ-йин, ГОВД-йин, ТСЖ-йин ва хайлин жара идарйирин вакиларра иштирак гъахьну.

 

 

Дербент шагьрин агьал-йирин арайиъ коронавирусдиз аькси вакцинайин рубар йивбан гьял фициб вуш ва думу тIягъюн цIийикIултIан тарарабгъбан асас себебнакан Дербент шагьрин ЦГБ-йин кIулин духтир Девлетхан Мирзахановди гьамци мялум гъапIну:

«Гъи гьаму совещаниейиъ иштирак шулайидарихьна варидарихьна илтIикIураза, му уьзур гьелелиг кьяляхъ дубш-надар, ва гъи ухьу, коронавирусдиз аькси вакцинайин руб йивна кIури, буш духьну ккундар. Уьзриан варитIан аьхю хатIа чпин яш 60 йистIан артухъ дубхьнайидариз а, ва гъи кетIерццну госпиталиъ ккаънайидарин аьхюну пай яшлуйир ву. Шлик сахарный диабет, шлик саб жерге жара хатIалу уьзрар ка. Дагъустан Республикайин Главайин тялукь указдин бинайиинди саб жерге уьлчмйир кьабул апIури, йис шула, амма гьелелиг вирус зяиф дубхьнадар. Вакцинация – ихь уьлкейин агьалйирин сагъламвал уьбхюз сарф дапIнайиб ву. Гъи Дербент шагьриъ коронавирусдиз аькси вакцинайин рубар йивру хьуб пункт тIаъна, ва гьацира чпихьан медицинайин идарайиз гъюз даршлу лап яшлуйиризра, инвалидаризра юкьуб бригада тешкил дапIна. Амма гъи Дербент шагьриъ коронавирусдиз аькси вакцинайин рубар йивувал зяифди ву. Гизаф пай инсанар вакцинайин рубар йивру пунктариз гъюри адрувалин асас себеб гьадму вуки, гьамусди интернетдиъ айи жюрбежюр хабарарихъ хъпехъури, дурариз гучI’вал ка. Хъа гъи ухьу уч хьувалин асас себебра, фициб къайдайиинди ухьу му месэла гьял дапIну ккундуш, гьаддихъди аьлакьалу ву«Сар касдихьан чюлиъ женгчивал апIуз шлуб дар», дугъазра кюмек ккунду. Гъийин совещаниейиъ иштирак шулайи вакиларикан, Дербент шагьрин агьалйири коронавирусдиз аькси вакцинайин руб йивбан бадали, чарйир агуб ва дурар гъаврикк ккауз кюмек апIуб тIалаб вуйиз».

Дербент шагьрин Роспот-ребнадзорин идарайин кIулиъ айи Рашид Аджиевдира чан улхбаъ коронавирусдиз акьси вакцинайин руб йивбан гьякьнаан мянфяаьтлу насигьятар тувнийи.

«Гъи узу Дербент шагьрин активдихьна илтIикIураза. Ухьуз варидариз мялум вуйиганси, жара уьлкйириъси, ихь республикайиъра COVID-19 уьзур тарабгъувалихъди аьлакьалу гъагъи аьгьвалат хъанара арайиз дуфна. Амма му уьзрихъди аьлакьалу месэла гъира гьял апIуз шуладар. Гьаз гъапиш, сасби тялукь гьякимари чпиз туву табшуругъар зяифди тамам апIура. Ухьу, му уьзрихъди женг гъабхбан бадали, сатIиди къарарар адагъну ккунду. Узуз гъи ихь гюрюшдиъ гьамци пуз ккундузуз, коронавирусдиз акьси вакцинайин руб йивбан бадали, гьарсаб кючейиъ, мертебайин хуларик кагъзар кирхуб ккун апIураза. Ва гьацира, шагьриъ яшамиш шулайи гьарсар касдиз кагъаз дибикIну, дурар гъаврикк ккаъну ккунду. Йиз фикриин рази вуйидар аш-адарш, хъа сарун жара жюре-йиинди му аьвалат гьял апIуз шулуш, гъи му совещаниейиъ иштирак шулайидари пуб ккун апIурхьа. Ва хъанара му ляхин мициб аьгьвалатнахъна хура-йидар хайир-шейир апIурайи эйсйир ву. Ав ухьу вари мицисдар мяракйириин рази вухьа, хъа гъийин аьгьвалатра гьисаб дапIну ккунду. Магьа полиция-йиъ ляхин апIурайи участокарин вари ихтиярар айи вакиларихьна илтIикIурхьа. Гьарсар участковыйдин чав жаваб туврайи йишв айиб ву, амма душвар саб фикирра тутрувди гъитна. Гьаз гъапиш, гьарсаб кючейиъ гьар гьяфтайиъ сумчир а. Ухьу му ляхнизра артухъ фикир тувну ккунду. Варж – кьюдварж кас иштирак шулайи мяракйириъ сар-кьюр-шубур вушра коронавирусдиан аьзар-луйир ади хьуб мумкин ву. Агьалйир Роспотребнадзорин тIалабар тамам апIувалихьан ярхла духьна. Жямяаьтлугъ транспортдиъ сарикьан маска алабхьури имдар ва гюзчивалра гъабхури адар. Ва аьхириъ пуз ккундузузки, гьелелиг ухьу коронавирусдиин гъалибвал гъадабгънадархьа».

Ав, дугъриданра, гъи мициб аьвалат арайиз гъювал ихь полицияйин гъуллугъчйирин ляхнихъдира аьлакьалу ву. Саспи йигъари дестеди гюзчивал гъабхури, хъа сацIиб вахт гъябгъбахъан думу ляхниз фикир туврур имдар. Гьамус кьюрдун вахтна коронавирусдин уьзурра хъана артухъди жанлу дубхьна. КетIерццнайидарин кьадар артухъ гъабхьну, ихтиятвал дапIну ккунду.

Совещаниейин аьхириъ шагьрин главайин вазиф-йир тамам апIурайи Артур Гьямзатовди гьарсаб идарайин кIулиъ айидариз ижмиди кьати табшуругъар тувну. «Мициб аьгьвалатнаан удучIвуз чарйир дагну, му месэла варидари гьял дапIну, гьар гьяфтайиъ узуз мялум апIуб ккун апIураза», – тIлаб гъапIну дугъу.

Оцените материал
(0 голосов)

ПОСЛЕДНИЙ НОМЕР

Свежий выпуск

Читайте также

Дагестан получил рекордные 600 млн рублей на проект «Местные инициатив…

мая 27, 2022 Экономика

...................................................................................................

Байрамбек Магомедов: «Снижение дополнительной нагрузки на субъекты МСП…

мая 27, 2022 Экономика

...................................................................................................

С приходом в Дагестан крупных туроператоров повысится конкуренция в от…

мая 27, 2022 Туризм

...................................................................................................

Правительство Дагестана держит на контроле строительство дорог в объе…

мая 26, 2022 Транспорт и связь

...................................................................................................

Народный фронт в Дагестане исполнил мечту юного боксера из Донбасса

мая 26, 2022 Общество

...................................................................................................

Вакцинация

Дагестану дополнительно выделено 100 тыс экспресс-тестов на коронавиру…

мая 12, 2022 Вакцинация

...................................................................................................

Более 80% дагестанцев привиты от коронавируса

мая 11, 2022 Вакцинация

...................................................................................................

Депутат Госдумы допустил причастность США к разработке коронавируса

мая 11, 2022 Вакцинация

...................................................................................................

Ситуация по коронавирусу в Дагесане

апр 30, 2022 Вакцинация

...................................................................................................

Информация

Минцифры России объявляет о старте летнего общеобразовательного проект…

мая 22, 2022 Информация

...................................................................................................

В Махачкале пройдет всероссийская акция "Библиосумерки-2022"

мая 20, 2022 Информация

...................................................................................................

Крымская операция

мая 13, 2022 Информация

...................................................................................................

Стартовал Всероссийский журналистский конкурс "Многоликая Россия…

мая 12, 2022 Информация

...................................................................................................

Стартовал обучающий проект "Цифровые профессии"

мая 11, 2022 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич