Версия для печати

Хив волейболиан А.Мирзабалаевдин пешкешариз турнир гъабхьну

Автор Феруза Рамалданова Понедельник, 28 февраля 2022, 10:03 177
Хив волейболиан А.Мирзабалаевдин пешкешариз турнир гъабхьну
||| ||| |||

 

Ватан уьбхрурин Йигъаз бахш вуди, 22-23-пи февралиъ Хив райондиъ волейболиан талитар кIули гъухну.

 

Жямяаьтлугъдин арайиъ волейбол артмиш, жигьиларин арайиъ думу уйнамиш апIбан устадвал за апIбан метлеб ади, Хив райондиъ тялукь талитар гъахувал аьдатназ илтIибкIну хайлин йисар ву.
Талитар 8 командайин вакиларин иштирак’валиинди кIули гъушну.

Спортсменар ва райондин вари жигьилар му машкврихъди тебрик апIури, вахтназ вуди РД-йин вице-премьерин вазифйир тамам апIурайи Нюсрет Уьмаровди, Хив райондин глава Ярмет Ярметовди, РД-йин Халкьдин Собраниейин депутат Алавудин Мирзабалаевди, Табасаран райондин кIулиъ айи Мягьямед Къурбановди ва серенжемдиз дуфнайи саб жерге хялари гъийин гьякьикьатдиъ Ватан уьбхрурин Йигъ къайд апIбан метлеблуваликан гъапнийи ва спортсменариз маракьлу уйнамишар ккун гъапIнийи.

Талитариъ гъалибвалин 1-пи йишваз «ГъуштIил-Рапак» волейболин команда, хъа 2-пи йишваз – МЧС-дин ва 3-пи йишваз – Хиварин командйирин вакилар лайикьлу гъахьну. Гъалибчйир тялукь дережайин дипломариинди ва пулин пешкешариинди лишанлу гъапIну.

Оцените материал
(0 голосов)

Похожие материалы (по тегу)