Понедельник, 08 августа 2022, 08:18

Войдите в свой аккаунт

Пользователь
Пароль
Запомнить меня

ЕГЭ фици арайиз гъафну?

Автор Шихмягьямад Гьямидов, аьлим-математик Пятница, 04 марта 2022, 09:27 150
ЕГЭ фици арайиз гъафну?
||| ||| |||

 

 

Ухьуз аьгъяди ккунду, 1950-пи йисари заан образование айи агьалйир ухьухь лап цIибтIан адайи. Ихь кьюбиб районариъра айи кьялан мектебар анжагъ юкьуб вуйи. 10-пи класс ккудубкIруган ва институтарик кучIвруган, кIулин экзамен «сочинение» вуди шуйи. Хъа бегьемди урус чIал аьгъдру баяр-шубариз сочинение бикIуз лап читинди алабхъуйи. Гьамци шпаргалка арайиз гъафнийи.

 

Гъапишра шулу – гьам мектебдиъ, гьамсана институтдиъ урхурайидарин 70-80 процентди сочинение шпаргалкайикан кпикIуйи. Му ляхникан гучIвал кади, 10-пи класс ккудубкIу баяр-шубар институтарик кучIвуз артухъ чалишмиш шулдайи. 1954-пи йисан Хиварин кьялан мектеб ккудубкIу 24 касдикан 7 бай институтариъ экзаменар тувбаъ иштирак гъахьнийи, амма вари экзаменар шубурихьантIан тувуз гъабхьундайи. Му йисари, 1970-1980-пи йисариси дарди, институтдик кучIвруган, даш-баш тувувал адайи. Ачухъди гъапишра шулу: даш-баш арайиз гъабхидар институтарин ректорар ва деканар ву. Гьелбетда, экзаменарин комиссйирик кайи аьлимарира, арайиъ гьюрмат ади, сар-сарин тIалабар тамам апIури гъахьну.

2005-пи йисан узухьна, экономикайин факультетдик урхуз кучIврайи чан бализ кюмек апIин кIури, Мягьячгъалайиъ яшамиш шулайи узуз таниш кас Мурад гъафнийи. Узура гъапунза: «Математикайиан кюмек апIурза, хъа имбу экзаменариан кюмек апIуз узхьан шулдар».

– Хъа узуз дугъри рякъ улуп, – гъапну Мурадди. Узуз дугъри рякъ аьгъяди, гъапунза: «Яв апIру «гьюрматра» хьади, ректорихьна гъарах».
Августдин аьхириъ Мурадди, коньякар айи картондин кьутира хьади узухьна дуфну, чухсагъул гъапну. Кьюд йислан, кьюрпи бай вуздик каъруган, Мурадди узу кIваин гъапIундар.

Гъапибдихъди аьлакьа айи сабсана гьядиса кIваин апIурза. 1972-пи йисан цIийиди ачмиш гъапIу Политехнический институтдиъ урус чIалнан кафедрайин заведующийди профессор Бейдуллагь Ханмягьмадов тяйин гъапIнийи. 1974-пи йисан партийный взносар туврайиган, Дагъучпедгиздиъ чапдиан адабгъу китабдин гонорар гъадабгънайи Бейдуллагьдин аьхю маважиб ректорин хпириз рябкъюру, ва дугъу гьерхру: «Мукьан аьхю маважиб гьапIруб вуяв?». Зарафатарин устад Бейдуллагьдира кIуру: «Августдин ваз гъубшну, саб кьадар руш’ватар (даш-башар) уч гъахьну. Хъа увуна яв жилири даш-башарилан партийный взносар туври шулдарнучва?». Ректорин хпири, Бейдуллагьдин суал дугъриди деебхьну, гъапну: «Тувруси дарзуз». Бейдуллагьди давам гъапIну: «Тувну ккунду».

2000-пи йисарилан даш-баш’валиинди институтарик кучIврайидарин кьадар гизаф, хъа дурарин урхувал зяиф гъабхьну. Гьаму ляхнариз къаршу вуди, ЕГЭ арайиз гъафну.

Гьелбетда, сифтейин хьуд йисан хайлин университетар ЕГЭ уьмриз кечирмиш апIбан бадали кIули гъуху ахтармишариъ (экспериментдиъ) иштирак гъахьнийи. Гьеле гьадмуган математикар ЕГЭ-йиз къаршу гъахьну, хъасин математикайиз ЕГЭ-йин суаларикан «тестар» ктагъну. Абйир-бабарин тIалабар тамам апIури, репетиторвал арайиз гъафну. Гьамци, мектебарин мялимари, репетиторвал апIури, чпин маважиб хайлин за гъапIну. Шагьрарин вузариъ лихурайи жигьил аьлимарин кеспира, студентар кIваълан гьархну, мектебдиъ урхурайидар ЕГЭ-йихьна гьязур апIувал гъабхьну.

Гъуларин мектебарин выпускникариз, мялимарин аьгъюваларра зяифди вуйиган, артухъди читинвалар алахьури гъахьну. Гьаддиз йислан-йисаз ЕГЭ-йин суалар, гизафси математикайиан, рягьятвалихъинди илтIикIуз хъюгъну. Аьхирки, математикайиан ЕГЭ кьюб дережайиз илтIибкIну. Гьаци вушра, математикайин кьюбпи дережайин ЕГЭ-йиан кьюб процент выпускникарихьан улупнайи асккан кьадар баллар гъадагъуз шули гъабхьундар.

Гъийин ихь образование лап аьхю кризисдиъ а. Мектебариъ ужудар мялимар имдар. Вузариъра аьлимарин кризис шула. Йиз аьгъювалариинди, аьхиримжи 7-8 йисан Мягьячгъалайин вузариъ математикайиан диссертация гъюбхю саркьан кас адар. Аспирантура кIуру гафтIан имдар. Му ляхнарин тахсиркарра вузарин аьлимарин бицIи маважиб ву. КIваин апIурза, 1980-пи йисари доцентдин маважиб 450 манат, хъа СССР-ин министрин маважиб – 800 манат вуйи, яна, цIибди камди, кьюб ражари артухъ. Гъи кIуруш, доцентдин маважиб 28 агъзур, хъа РФ-дин министрин маважиб – 300 агъзур манат ву. ЙицIуб ражаритIан артухъ! Магьа образованиейин кризисдин саб циркил.

Сабпи классдилан хъю-гъну, мектебарин вари китабар компьютериз гъадагъна. Улупнайи мисаларин, месэлйирин, табшуругъарин жавабар тувна. Гьял апIбан къайдйирра улупна. Му ляхни урхурайидариз аьхю зарар тувра, фицики дурари фикир дарапIди компьютерикан жавабар ктикIура. Узу зиихъ гъапиганси, 1950-1960-пи йисари саб сочинение шпаргалкайикан кпикIурайиш, гьамус вари предметариан табшуругъарин жавабар компьютер-шпаргалкайикан ктикIура. Му ляхин дебккбан бадали, ихь образованиейин аьхю реформа кIули дубхну ккунду.

Оцените материал
(0 голосов)
Последнее изменение Пятница, 04 марта 2022 09:31

ПОСЛЕДНИЙ НОМЕР

Свежий выпуск

Вакцинация

В Дагестане любой желающий может пройти экспресс-тестирование на COVI…

авг 05, 2022 Вакцинация

...................................................................................................

В Дагестане ожидается рост заражения Covid-19

июль 27, 2022 Вакцинация

...................................................................................................

Дагестан получил препарат для профилактики Covid-19 у лиц с противопок…

июль 15, 2022 Вакцинация

...................................................................................................

Дагестану дополнительно выделено 100 тыс экспресс-тестов на коронавиру…

мая 12, 2022 Вакцинация

...................................................................................................

Читайте также

На юге Дагестана реализуют проект по закладке суперинтенсивного яблоне…

авг 08, 2022 Экономика

...................................................................................................

Дагестан достойно представлен на туристическом форуме «Путешествуй»

авг 06, 2022 Туризм

...................................................................................................

«Пусть теперь Кавказские горы пляшут»… История первого олимпийского че…

авг 06, 2022 Спорт

...................................................................................................

В ДГИ состоялся круглый стол на тему цифровизации современной жизни

авг 06, 2022 Образование

...................................................................................................

Сергею Меликову презентовали проект регионального центра «Альтаир»

авг 06, 2022 Образование

...................................................................................................

Информация

Терроризм: мнение современной молодежи

июль 18, 2022 Информация

...................................................................................................

Стартовал конкурсный отбор проектов по разработке российских решений в…

июль 01, 2022 Информация

...................................................................................................

Жителей Республики Дагестан приглашают принять участие в онлайн-олимпи…

июнь 21, 2022 Информация

...................................................................................................

Минцифры России объявляет о старте летнего общеобразовательного проект…

мая 22, 2022 Информация

...................................................................................................

В Махачкале пройдет всероссийская акция "Библиосумерки-2022"

мая 20, 2022 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич