Войдите в свой аккаунт

Пользователь
Пароль
Запомнить меня

Шаирарин ччвурнахъ мармардашдин ядиграр

Автор Эльмира Аьшурбегова Пятница, 13 мая 2022, 14:08 412
Шаирарин ччвурнахъ мармардашдин ядиграр
||| ||| |||

 

 

Мицдар гьядисйириз ухьу гьаммишан ккилигурахьа, ва гьамциб ужувлан ляхин гъябкъган, думу ихь миллетдиз ягъурлу гележег айивалин лишанси кьабул апIурахьа. 6-пи майдиъ Дагъ.Огни шагьриъ Ватандин Аьхю дявдин иштиракчйир вуйи ихь шаирар МутIалиб Митаровдин ва Ибрагьим Шагьмардановдин ччвурнахъ хъайи кючйириъ цалиъ мармардашдин ядиграр – гъванар итбахъди аьлакьалу серенжемар кIули гъушну.

 

 

Ихь халкьдин лайикьлу вакиларикан наслариз гьамциб жюрейиинди тарихнан саб цIар гъибтрайи му ляхнин асас тешкилатчйир гьаммишан дицдар ляхнарин кIакIнаъ шлу жямяаьтлугъ кас, меценат Айваз Рамазанов ва «Табасаранар» фонднан кIулиъ айи бажаранлу жигьил шаир Гюлмягьямед Расулов ву. Аьхю разивалиинди пуз шулуки, тазади арайиз дуфну имбу «Табасаранар» фондну ихь халкьдин гъуллугънаъ лайикьлуди сифтейин гамар алдагъура.

Серенжемдиъ Дагъ.Огни шагьрин администрацияйин глава Жалалудин Аьлирзаев, М. Митаровдин гъардшин бай – физикайинна математикайин илмарин доктор, профессор Ризван Митаров ва дурарин миди вуйи багахьлуйир, И. Шагьмардановдин бай – Дагъустан халкьдин писатель Шагьвелед Шагьмарданов ва дурарин миди вуйи багахьлуйир, табасаран халкьдин аьхю писатель, агъсакъал ва жямяаьтлугъ кас Багъир Ражабов, Гьюкуматдин табасаран драмтеатр, Огни шагьрин культурайин отделин кIулиъ айи Феруза Мягьямедова, шаирар, мялимар, мектебариъ урхурайидар, юнармейцйир ва ихь халкьдин хайлин жара вакилар иштирак гъахьну.

УдучIвну гъулхдари М. Митаровдин ва И. Шагьмардановдин уьмрарикан ва яратмишарикан, дурари ихь халкь бадали гъапIу гьунарлу ляхнарикан гъапну. Табасаран театрин бажаранлу актерар Гюльнисе Агъаевайи, Аьбдуллагь Мирзакеримовди, Гюльнара Аьгьмедхановайи, Аким Сяидялиевди ва М. Митаровдин ччвурнахъ хъайи Сюгют мектебдин завуч, шаирин худул Имамат Аьшурбеговайи гьязур дапIнайи баяр-шубари бажаранлуди гъурху му шаирарин эсерари гьич сар касра гьиссузди гъитундайи. Дявдин темайиз вуйи мяълийиригъ, гьелбетда, Аьбдуллагь Мизакеримовди гъапIу «Бай гъюрадар» кIуру мяълийин тясирну, гьам фронтовик-шаирарин уьмур, гьам гъийин йигъар кIваина хури, гизафдарин улариина нивгъар гъюз гъитну.

Кьюр шаирин ччвурнахъ саб-сабдихъди кьюб кючейиъ му серенжемар гъахурайивал ихь сатIивалин лишанси кьабул апIури, аьхю гьевесниинди гаф гъапи Багъир Ражабовди чан марцци ва девлетлу бабан чIалниинди, аьгъюваларин деринвалиинди, ватанпересвалиинди вари гьяйран гъапIну. Агъсакъал писатели М. Митаровдикан ва И. Шагьмардановдикан китабариъ ва интернетдиъ адру маракьлу мялуматар ктитну, ихь миллет улихь гъябгъбан бадали, ихь арайиъ сабвал дубхьну ккуниваликан гъапну ва, табасаран халкьдихьна илтIикIну, гьамциб тавакъу гъапIну: «Гъачай, ухьу гьаммишан, сар бабан веледарси, мясляаьтниинди ва сатIиди гъузрухьа!»

Ав, чпин ччвурнахъ му йигъан инсанар уч дапIнайи шаирарин ирсарин асас метлебарикан саб гьадму ву: ихь халкь сатIиди хьувал. Дидихъди сабси, чиб думу шаирар кьисматнаъ дявдин цIигъ хьувал алабхъувалиинди сатIи ву. Дурари чпин эсерариъ дяви сарихьанра удудукьру саягъ атIабгна. Ватандин Аьхю дявдиъ гъардаш талаф гъахьи ва учвра дявдиан гъагъи зийнар духьну кьяляхъ гъафи шаир М. Митаровдин «Гранитдиин кюкйир», «Икрам апIурхьа гюмбтариз», «Бабариз рякъюра нивкIар», «Уьлкан кьиса» ва жара чIатху эсерар чпиъ художествойин саягъ дявдин тарих шикиллу апIбан аьхю кьувват айидар ву. Шаирин цIарар, гъи дидикIнайидарси, тазади ерхьура:

КуркIну ккунди чпин улар баярик,
Ккилигура гъира бабар баяриз.
Хаинари цIийир кирчри а дявдик,
Хъана зулум апIуз ккунди баяриз.

 

И. Шагьмардановдин «Солтин нивкI», «Фронтдиан кагъаз»,«Дявдин гвачIин», «Фронтдин дустар» ва аьхю кьадар жара эсерариъ дявдин мичIли шиклар урхурайир дериндиан гъавриъ ахъру рягьти ва девлетлу чIалниинди ва табии гьиссариинди тувна. Дугъан «Солдтин нивкI» кIуру шиъриъ тарихнан вари вахтарин дявйириъ эскер айи гьял улупна:

Окоп вуйиз дахънайи хал.
Ккайиб дариз жиликк бархал.
Зав леэф ву. Жилра – аьхин,
Архаинуб дар нивкI солдтин.

 

И. Шагьмардановди наслар бадали гъизигу зегьметнакан улхруган, дугъу, гъулариъ дилицну, Кьалухъ Мирзайин шиърар уч дапIну, дурар арайиз адагъбан кьиматлувал кIваин дарапIди гъитуз шулдар.

Хъа ихь серенжемдин тешкилатчйирихьна хътакури, аьлава апIуз ккундиз, Айваз Гьюсейновичди ва Гюлмягьямед Гьяжиагъаевичди багарихьди гъардшар Митароварин ччвурнахъ гьамциб ядигар – гъван Чинар гъулаъ айи кючейин цалиъра ибтбанди ву.

Оцените материал
(0 голосов)

ПОСЛЕДНИЙ НОМЕР

Свежий выпуск

Читайте также

Дагестан получил рекордные 600 млн рублей на проект «Местные инициатив…

мая 27, 2022 Экономика

...................................................................................................

Байрамбек Магомедов: «Снижение дополнительной нагрузки на субъекты МСП…

мая 27, 2022 Экономика

...................................................................................................

С приходом в Дагестан крупных туроператоров повысится конкуренция в от…

мая 27, 2022 Туризм

...................................................................................................

Правительство Дагестана держит на контроле строительство дорог в объе…

мая 26, 2022 Транспорт и связь

...................................................................................................

Народный фронт в Дагестане исполнил мечту юного боксера из Донбасса

мая 26, 2022 Общество

...................................................................................................

Вакцинация

Дагестану дополнительно выделено 100 тыс экспресс-тестов на коронавиру…

мая 12, 2022 Вакцинация

...................................................................................................

Более 80% дагестанцев привиты от коронавируса

мая 11, 2022 Вакцинация

...................................................................................................

Депутат Госдумы допустил причастность США к разработке коронавируса

мая 11, 2022 Вакцинация

...................................................................................................

Ситуация по коронавирусу в Дагесане

апр 30, 2022 Вакцинация

...................................................................................................

Информация

Минцифры России объявляет о старте летнего общеобразовательного проект…

мая 22, 2022 Информация

...................................................................................................

В Махачкале пройдет всероссийская акция "Библиосумерки-2022"

мая 20, 2022 Информация

...................................................................................................

Крымская операция

мая 13, 2022 Информация

...................................................................................................

Стартовал Всероссийский журналистский конкурс "Многоликая Россия…

мая 12, 2022 Информация

...................................................................................................

Стартовал обучающий проект "Цифровые профессии"

мая 11, 2022 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич