Войдите в свой аккаунт

Пользователь
Пароль
Запомнить меня

Аьсрариинди ич уларикк гъуздива…

Автор Мейлан Нежефов Пятница, 13 мая 2022, 14:09 768
Аьсрариинди ич уларикк гъуздива…
||| ||| |||

 

 

 

«Игитарди бабкан шлуб дар.
Дурар уьмри арайиз хуру».

Ватандин бирмиш-буйругъ заан дережайиинди тамам апIури, гьамусяаьт Урусатди Украинайиъ кIули гъабхурайи хусуси метлеб айи операцияйиъ ихь ватанагьлийири жюрэтлувал ва игитвал улупура. Ифдин цIадал гьяйиф дарапIди жан фида апIурайи игитарин цIарнаъ гизаф табасаран баярра а.

 

 

Гъийин йиз макьала гьацдар игитарикан сар вуйи Хив райондин Зилдикк гъулан бай Кемран Гьяжимягьямедовдикан ву.

Кемран 1998-пи йисан 17-пи июндиъ Камалудин ва Имамат Гьяжимягьямедоварин хизандиъ бабкан гъахьну. Чпин юкьур велед айи хизандиъ думу шубурпир вуйи.
1997-пи йисан дурарин хизан Зилдикк гъул’ан Дербент шагьриз кючмиш гъабхьну.

Дербент шагьрин 17-пи нумрайин мектебдиъ 1-пи ва 2-пи классар ккудукIну, Кемранди аьгъювалар гъадагъбан рякъ багъри гъулаъ давам гъапIнийи. Гъулаъ Кемран Гюльпери бабахь яшамиш шули гъахьнийи, ва дугъу 9-пи классдизкьан гьамушваъ урхуру, хъасин, я мархь, я йиф, я йигъ дарпи, ликри Мажвгларин кьялан мектебдиз гъягъюри гъахьнийи. Гьамци Кемранди вари йицIисаб класс дневникдик cаб шубубкьан ктарди кьялан жюрейиинди ккудубкIуру.

Фукьан вушра читинди вузуз бикIуз. Фицики думу кьюд йисан йиз хиликк ва уларикк жвуван веледси, улин ниниси гъахьи бай ву. Гъи амдар… Фици хъугъру!?
Мектеб ккудубкIбалан кьяляхъ, 2017-пи йисан Кемран Санкт-Петербургдин дявдинна гьюлин академияйик урхуз кучIвру. 2021-пи йисан уьру дипломдиинди думу ккудубкIуру. Гьадму йисан июлиъ Кемран эвленмишра шулу.

2021-пи йисан июлихъан 2022-пи йисан январизкьан Кемранди, РФ-дин Хабаровск шагьриъ ерлешмиш духьнайи яракьлу кьувватариъ мотострелковый ротайин командирин вазифйир тамам апIури гъахьну.
Жигьил офицерин жвуван багахьлуйирихъди, ккебгънайи таза хизандихъди ва майил-мадатдихъди вуйи аьхиримжи гюрюш 2021-пи йисан хьадан кьялариъ гъабхьну.
2022-пи йисан 6-пи январихъан командировкайиз гьау, жандиъ дагълу ифи убхьурайи баяр Урусатди Украинайиъ кIули гъабхурайи хусуси метлеб айи дявдин операцияйиъ иштирак шулу.

Мегьел 24 йискьан бегьем дубхьну адру, марцци хиялари-фикрари, мурад-метлебари гевюл уьлдюбгъюрайи, варибдихъ ул, юкIв хъимбу Кемран гъябгъюрайи йисан 8-пи мартдиъ ихь арайиан гъушнийи ва 12-пи мартдиъ Дербент шагьриъ варжариинди ихь ватанагьлийири чан гьаргандиз вуйи аьхиратдин хулаъ сикин гъапIнийи.
21-пи апрелиъ Дербент шагьрин глава Рустамбег Пирмягьямедовди В.Путиндин къарарниинди лейтенант Кемран Гьяжимягьямедовдиз тувнайи Кьягьялвалин орден дугъан уьмрин юлдаш Милена ва адаш Камалудин Гьяжимягьямедоварихьна гъурубкьну.

Якьинди кIурза, аьгъязуз,
Аьсрариъ дирихди гъузру.
Дявдиз гъушу Ватан уьбхюз,
Игитар, чпин жанар диву.

 

Ав, ихь бажаранлу шаир, эскер ва Ватандин Аьхю дявдин иштиракчи Багьаудин Митаровди гъапиганси, дявдиъ чпин жанар диву игитар аьсрариинди ихь кIваълан гъягъидар. Думу игитарин арайиъ Кемранра а. Гьаци вуйивал гьаму йигъари Хив райиондиъ кIули гъубшу «Аьжалсуз полкнан» акцияйира субут апIура – Кемрандин шикилра ихь игитарин ва ветеранарин жергейиъ айи.

Кемран чан хизандизси, уьмрин юлдшизси, майил-мадатдизра, гьам мектебдиъ, гьамсана урхури ва ляхин апIури гъахьи йишвариъ таниш вуйи касаризра, дугъаз дарс киву мялимаризра гизаф гьяйифди а.

Набалугъ байди имиди аьхю бабахъди хьувализ лигну, думу гъудуркьу, гъуларин халис тербия хъайи бай гъахьнийи. Дугъан рякъ-хулиъ алахъу-гьахъу касдиз салам тувувал, бакар хьувал, аьхюр-бицIир гюзет апIувал, саб гафниинди, дугъан инсанвалин шартIар, ислягьвалин гьисс ва кIул’ин алтIабгнайи укIу зав ккуни такабур улар ва инсандин кIваз хуш вуйи лишнар, шаду инчI ккайи машнан даркбар аьсрариинди ихь уларикк гъузди.
Кемрандин хизандизси, дугъахъди таниш вуйи ухьуз варидиз му аьламат аьх апIуз сабур туври!

Оцените материал
(10 голосов)

ПОСЛЕДНИЙ НОМЕР

Свежий выпуск

Читайте также

Представители трёх конфессий Дагестана подвели итоги межрелигиозного м…

мая 27, 2022 Общество

...................................................................................................

Дагестан получил рекордные 600 млн рублей на проект «Местные инициатив…

мая 27, 2022 Экономика

...................................................................................................

Байрамбек Магомедов: «Снижение дополнительной нагрузки на субъекты МСП…

мая 27, 2022 Экономика

...................................................................................................

С приходом в Дагестан крупных туроператоров повысится конкуренция в от…

мая 27, 2022 Туризм

...................................................................................................

Правительство Дагестана держит на контроле строительство дорог в объе…

мая 26, 2022 Транспорт и связь

...................................................................................................

Вакцинация

Дагестану дополнительно выделено 100 тыс экспресс-тестов на коронавиру…

мая 12, 2022 Вакцинация

...................................................................................................

Более 80% дагестанцев привиты от коронавируса

мая 11, 2022 Вакцинация

...................................................................................................

Депутат Госдумы допустил причастность США к разработке коронавируса

мая 11, 2022 Вакцинация

...................................................................................................

Ситуация по коронавирусу в Дагесане

апр 30, 2022 Вакцинация

...................................................................................................

Информация

Минцифры России объявляет о старте летнего общеобразовательного проект…

мая 22, 2022 Информация

...................................................................................................

В Махачкале пройдет всероссийская акция "Библиосумерки-2022"

мая 20, 2022 Информация

...................................................................................................

Крымская операция

мая 13, 2022 Информация

...................................................................................................

Стартовал Всероссийский журналистский конкурс "Многоликая Россия…

мая 12, 2022 Информация

...................................................................................................

Стартовал обучающий проект "Цифровые профессии"

мая 11, 2022 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич