Войдите в свой аккаунт

Пользователь
Пароль
Запомнить меня

ЕГЭ аьдат вуйиси тувра

Автор Феруза Рамалданова Пятница, 27 мая 2022, 12:47 302

 

 

Гьамусяаьт Урусатдин мектебариъ выпускникариз имтигьнарихъди аьлакьалу вуди гъизгъин вахт улубкьна. Саб вуйи имтигьнарихьна гьязур шули, йишвариин аьхиримжи гьязурлугар гъахура. Гьякь ву: баяр-шубариз сарун аьлава вахт имдар.

 

Хив райондиъ саб вуйи имтигьнар ужуб тешкиллувалиинди ва заан дережайиъди кIули гъахбан жавабдар, Ккугъарин мектебдин директор Султан Рамазановди субут апIурайиганси, райондин мектебариъ ЕГЭ-йихьна ва ОГЭ-йихьна гьязур хьпан ляхин урхбан йисан эвелариан башламиш дапIна.
– Гьарсар выпускникди чав урхуз гъягъру урхбан тешкилатдиз лазим вуйи имтигьнар тувбан гьякьнаан тялукь аьрзйир саки февралин эвелариан тувна. Аьрзайиъ улупну адру предметариан имтигьнар гьамус, сарун ккун гъабхьишра, тувуз шулдар.

Дагъустандин образование-йинна илимдин министерствойихъди йитIнайи йикьрариинди цци Хив райондиъ ЕГЭ тувбан ППЭ (имтигьнар кьабул апIру пункт) Хиварин кьялан мектебдин дараматдиъ тешкил дапIна.

2021-2022-пи урхбан йисан Хив райондиъ аьдати къайдайиинди 103 выпускникди, хъа 2 касди тялукь справкйирин бинайиинди пучIу саягъниинди ЕГЭ тувди. Дурар вари гьаму йисан мектеб ккудубкIурайидар ву. Дурарилан савайи, улихьна йисари мектеб ккудубкIнайи Хив райондин 19 вакили аьрзайин бинайиинди Дербент шагьрин 8-пи нумрайин мектебдиъ тешкил дапIнайи ППЭ-йиъ ЕГЭ тувди.
11-пи классарин выпускникарилан савайи, райондиъ 9-пи класс ккудубкIурайи 236 касдира имтигьнар тувра. Дурарихъди, ОГЭ-йихьна гьязурлугъ’валар гъахури, йишвариин улихьккимиди лазим вуйи вари серенжемар духна.

ЕГЭ лазим дережайиъди гъабхбан бадали, райондиъ улихьккимиди хайлин серенжемар кьабул дапIна. Гьаци, гъубшу йисан октябрин вазлиъ выпускникарин гьякьнаан лазим вуйи мялуматарин бина тешкил дапIну ккудубкIна. Дидихъди сабси, ППЭ-йин вакиларра тяйин гъапIну. ЕГЭ гъабхбаъ асас жавабдарвал ППЭ-йин кIулиъ айири, техникайин рякъ’ан вуйи 2 пишекри, 46 тешкилатчйири гъабхиди. Цци ППЭ-йин руководителди ЗахтIарин мектебдин директор Руслан Гъарабегов тяйин дапIна. Улупнайи вари касар чпин ва-зифйирихъди таниш ву.
Йишвариин КИМ-ар гьязур апIбахьна жалб апIру пишекрар швнуб-саб ражари РД-йин ДИРО-йин вакилари кIули гъуху семинарариъ иштирак гъахьну. Улихьна йисарихь тевиш, цци КИМ-ар аудиторйирин айитI гьязур апIура.

ГИА лазим дережайиъди гъабхбан, выпускникарин аьгъюваларин ери ва дережа за апIбан месэлйир Хив РОО-йи мектебарин директорарихъди ва дурарин заместителарихъди гъахру совещанйирин асас месэлйириз илтIикIна.
Пуз ккундузузки, ЕГЭ кьувватнаъ ипу сифте йисарихь тевиш, гъи выпускникари му рякъ’ан хайлин жавабдарвал гьисс апIура. Улихьккимиди ахтармиш апIбан имтигьнарра кIули духна: улупбар писдар дар. Ихь выпускникари имтигьнар ужуб дережайиъди туврувалик умуд киври, дурариз хъуркьувалар ккун апIурхьа, – гъапну Султан Рамазановди.

Аьлава апIураза, уьмуми улупбариинди, Хив район ГИА тешкиллуди гъабхбахьна гьязур ву. ЕГЭ кьабул апIру ППЭ-йиъ вари шартIар къанунарин бинайиинди яратмиш дапIна. Душваъ имтигьнар видеойин гюзчивал гъабхруси ккабалгнайи 17 классдин ужагъариъ кьабул апIиди. Текрар шулза: му ППЭ-йиъ анжагъ цци мектеб ккудубкIурайи живанари имтигьнар тувди.

Оцените материал
(0 голосов)

ПОСЛЕДНИЙ НОМЕР

Свежий выпуск

Вакцинация

Дагестану дополнительно выделено 100 тыс экспресс-тестов на коронавиру…

мая 12, 2022 Вакцинация

...................................................................................................

Более 80% дагестанцев привиты от коронавируса

мая 11, 2022 Вакцинация

...................................................................................................

Депутат Госдумы допустил причастность США к разработке коронавируса

мая 11, 2022 Вакцинация

...................................................................................................

Ситуация по коронавирусу в Дагесане

апр 30, 2022 Вакцинация

...................................................................................................

Читайте также

Зикрула Ильясов: Главы субъектов получили новые полномочия по взаимоде…

июнь 29, 2022 Политика

...................................................................................................

Семинар по реализации государственной национальной политики в субъекта…

июнь 29, 2022 Общество

...................................................................................................

Сергею Меликову презентовали туристско-рекреационный потенциал местнос…

июнь 29, 2022 Туризм

...................................................................................................

Сергей Меликов провел заседание Совета по развитию градостроительства …

июнь 29, 2022 Политика

...................................................................................................

В Дагестане начата работа по развитию рыбной отрасли

июнь 29, 2022 Экономика

...................................................................................................

Информация

Жителей Республики Дагестан приглашают принять участие в онлайн-олимпи…

июнь 21, 2022 Информация

...................................................................................................

Минцифры России объявляет о старте летнего общеобразовательного проект…

мая 22, 2022 Информация

...................................................................................................

В Махачкале пройдет всероссийская акция "Библиосумерки-2022"

мая 20, 2022 Информация

...................................................................................................

Крымская операция

мая 13, 2022 Информация

...................................................................................................

Стартовал Всероссийский журналистский конкурс "Многоликая Россия…

мая 12, 2022 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич