Войдите в свой аккаунт

Пользователь
Пароль
Запомнить меня

Багъри газатдихьна мани гьиссар улупури

Автор Зубайдат Шябанова Пятница, 27 мая 2022, 12:51 303

 

 

 

Гирами дустар, учу саки гьарсаб нумрайиъ мялумат туврайиганси, гъябгъюрайи йис «Табасарандин нурар» газатдин юбилейин йис ву. Ихь багъри газат чапдиан удубчIвури цци 90 йис дубхьна. Мидкан хабар гъабхьи хайлин ватанагьлийири газатдин редакцияйин адресназ тебрикнан, теклифарин, газатдиъ тIаъну ккуни дигиш’валарин ва гьацдар жара кагъзар хътаура. Учуз газат урхурайи гьарсар касдин фикир лап багьа вучуз, ва ичв теклифарихъра хъпехъуз ккундучуз. Гьаму нумрайин улихь газатдин 9 агъзурпи нумра чапдиан удубчIвну, ва редакцияйин юлдшари му важиблу гьядисайихъдира аьлакьалу чпин тебрикар хътаъну. Дурарикан кьюб гьаму нумрайиъ туврача.

 

 

Аьлимурад Аьлимурадов, Табасаран театрин директор, РД-йин культурайин лайикьлу гъуллугъчи:
«УрчIвцIур йисандин арайиъ газатди вая журнали урхрударин, жвуван халкьдин фикир чаина жалб апIури гъузувал, йиз фикриан, лап шад шлу гьядиса ву. Хъа ихь миллетдин багъри газатдин ад, саб шакра адарди пуз шулу, халкьдин арайиъ ими ва гъубзди.
Ихь багъри «Табасарандин нурар» газатди жвуван халкьдин яшайишдикан, тарихнакан, культурайикан ухьуз гьякьлу ва важиблу мялуматар туври, урчIвцIур йис ву. Эгер улихьна йисари ухьхьан анжагъ чап дапIнайи газаттIан урхуз шулдайиш, гьамус думу электрондин жюрейииндира удубчIвура, гьарсарихьан думу чан телефондиъра кмиди урхуз шула. Му ужуб ляхин ву, фицики, газат яв хулаз хурайи почтайин ляхникан асиллу дарди, дидин гьарсаб цIийи нумра чапдиан удубчIвубси, думу урхуз мумкинвал шула. Газатдин сайтдиъ редакцияйи ухьуз неинки ихь газатдиъ шлу макьалйир, хъа гьацира вари Дагъустандин яшайишдикан вуйи мялуматарра тувра. Му цIийивалра узу кIваантIан тебрик апIураза.
Газатдиз багъри халкьдин арайиъ чан ад уьбхювал думукьан рягьят ляхин дар. Анжагъ варитIан важиблу, халкьдин кIвак кучру, халкьдин юкIв иццру апIру, гьякьлу мялуматар туври, халкьдин уьмриъ шулайи гьарсаб гьядисайиз дикъатлу фикир туври, газат урхрударин жюрбежюр фикрар ашкар апIури, гьарсар урхруриз чан фикир газатдин машариъ ачухъ апIуз мумкинвал туври, думу ад уьбхюз шулу. Ихь багъри газатди гьациб ляхин апIура, гьаддиз дидиз чан халкьдин арайиъ гьюрматра, адра а.

«Табасарандин нурар» газатдин коллектив узуз багъри коллектив вузуз гъапишра, узу гъалатI шулдар, гьаз гъапиш, улихьна йисари узуз ихь газатдиъ хусуси мухбирди лихувалра кьисмат гъабхьунзуз. Гъира узу думу йисар лап мани гьиссариинди кIваин апIури шулза, ва думу ляхин апIури гъахьивалиин кIваантIан шадра вуза.
Ихь багъри газат ва редакцияйин коллектив улубкьнайи юбилейихъди кIваантIан мубарак апIураза! Гъит ихь газат йислан-йисаз хъана машгьур ибшри! Коллективдиз чан жавабдар ляхниъ аьхю хъуркьувалар ккун апIураза!».

Марина Къазиева, Каспийск шагьрин 9-пи нумрайин мектебдин мялим:
«Табасарандин нурар» газатдиз учу гьар йисан подписка апIурача. Йиз сижар бабура, сижар абайира думу газат аьхю аьшкьниинди урхуру. Ихь халкьдин саб яш дубхьнайи инсанар багъри чIалниинди чапдиан удучIвурайи газатарихьна, журналарихьна ва телевидениейиан улупурайи передачйирихьна гьюрматлуди янашмиш шула. Гьаз гъапиш дурарин ифдиъ бабан чIал а. Дурар газатариан мялуматар гъадагъури, почтальонди газат хулаз хайиз ккилигури, дидин мялуматарин дугъривалихъ хъугъри аьхю гъахьи насил ву. Гьяйифки, узхьан му гафар гъийин деврин жигьиларикан ва аргъаж шулайи насликан пуз шуладарзухьан. Жигьилари милли газатар урхури имдар. Варидари интернетдиан мялуматар гъадагъура.

Пузра начди вузуз, вушра гьякьлуди кIурза: «Табасарандин нурар» газат узура арабиртIан урхури шулдарза. Думу урхура кIури, вари гафарин гъавриъ ахъузра читинди вузуз. Дюн’яйиъ шулайи хабрар аьгъю апIуз кIури, гъи хилиз газат гъадабгъурайидар имдар. Мялуматар гъадагъуз ккуни инсанариз гъи гизаф мумкинвалар духьна. Жараб дарш, хилиъ айи телефондиан вари аьгъю апIуз шулу. Йиз фикриан, гьяйифки, чап апIбан дакьатарин аьсир тарихназ гъябгъюра. Гьамус жюрбежюр гаджетарин ва цIийи технологйирин девир улубкьна. Амма, сабдизра дилигди, «Табасарандин нурар» газат узуз багъри газат вузуз. Узу думу газатдин редакцияйин коллективдихъди лап багахьди таниш вуза. Гьаддиз узуз ихь газатдин гележег хъана ярхиб, акуб ва маракьлуб, заан хъуркьувалар ва аьхю подписка айиб, Табасарандин дирбаш касарикан, игитарикан ва гьацира шадвалин хабрарикан артухъди макьалйир чап апIруб дубхьну ккундузуз. Гъит ихь газат гьаммишандиз халкьдин хилариин гъубзри!»

Оцените материал
(0 голосов)

ПОСЛЕДНИЙ НОМЕР

Свежий выпуск

Вакцинация

Дагестану дополнительно выделено 100 тыс экспресс-тестов на коронавиру…

мая 12, 2022 Вакцинация

...................................................................................................

Более 80% дагестанцев привиты от коронавируса

мая 11, 2022 Вакцинация

...................................................................................................

Депутат Госдумы допустил причастность США к разработке коронавируса

мая 11, 2022 Вакцинация

...................................................................................................

Ситуация по коронавирусу в Дагесане

апр 30, 2022 Вакцинация

...................................................................................................

Читайте также

Зикрула Ильясов: Главы субъектов получили новые полномочия по взаимоде…

июнь 29, 2022 Политика

...................................................................................................

Семинар по реализации государственной национальной политики в субъекта…

июнь 29, 2022 Общество

...................................................................................................

Сергею Меликову презентовали туристско-рекреационный потенциал местнос…

июнь 29, 2022 Туризм

...................................................................................................

Сергей Меликов провел заседание Совета по развитию градостроительства …

июнь 29, 2022 Политика

...................................................................................................

В Дагестане начата работа по развитию рыбной отрасли

июнь 29, 2022 Экономика

...................................................................................................

Информация

Жителей Республики Дагестан приглашают принять участие в онлайн-олимпи…

июнь 21, 2022 Информация

...................................................................................................

Минцифры России объявляет о старте летнего общеобразовательного проект…

мая 22, 2022 Информация

...................................................................................................

В Махачкале пройдет всероссийская акция "Библиосумерки-2022"

мая 20, 2022 Информация

...................................................................................................

Крымская операция

мая 13, 2022 Информация

...................................................................................................

Стартовал Всероссийский журналистский конкурс "Многоликая Россия…

мая 12, 2022 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич