Войдите в свой аккаунт

Пользователь
Пароль
Запомнить меня

Медаль тувбиинди лишанлу гъапIну

Автор Гюльнара Мягьямедова Пятница, 17 июня 2022, 12:15 454
Медаль тувбиинди лишанлу гъапIну
||| ||| |||

 

 

Июндин 14-пи йигъан Дагъустан Республикайин Правительствойин председателин заместитель Рамазан Жяфаровди РД-йин Главайин Кьюбпи отделин начальник Сергей Сулеймановдиз Урусатдин Федерацияйин Президентдин хусуси метлеб айи программйирин КIулин управлениейин «Хусуси метлеб айи программйир тямин апIуз кюмек тувбаз лигну» медаль тувну. Дидин гьякьнаан «Табасарандин нурар» газатдиз РД-йин Правительствойин мялуматарин гъуллугъну хабар тувну.

 

 

Рамазан Жяфаровди, хусуси метлеб айи программйирин КIулин управлениейиз табшурмиш дапIнайи хусуси метлеб айи программйир уьмриз кечирмиш апIбан месэлйир гьял апIбаз ва думу ляхник лайикьлу пай кивбаз лигну, Сергей Сулеймановдиз Дагъустандин Правительствойин председатель Аьбдулмуслим Аьбдулмуслимовдин терефнаан чухсагъул мялум гъапIну.

Медаль тувбан серенжемдиъ РД-йин Главайин ва Правительствойин Администрацияйин кIулиъ айирин сарпи заместитель Мягьяч Уьмаровра иштирак гъахьну.

Сергей Къафланович Сулейманов 1957-пи йисан Хючна гъулаъ бабкан гъахьну. Хъуркьувалиинди кьялан мектеб ккудубкIу бай Харьков шагьрин политехнический институтдик урхуз кучIвру. 1979-пи йисан уьру дипломдиинди институт ккудубкIну, Сергей Къафланович Харьковдин тракторарин заводдиъ инженер-конструкторди гъилихну. Ватандиз кьяляхъ гъафиган, сад йисан «Дагестанавтодор» управлениейиъ инженерди лихури гъахьну. 1981-пи йисан хьадукра запасдиъ айи офицериз дявдин гъуллугъназ дих гъапIнйи. 1981-1985-пи йисари дугъу Избербаш шагьриъ дявдин комиссариатдиъ дявдин офицерин гъуллугъ гъабхури гъахьну. 1985-1990-пи йисари Мягьячгъала шагьрин Советский райондин военкоматдин призывдин отделениейин начальникди гъилихну.

1990-пи йислан башламиш дапIну, Сергей Къафланович Дагъустан Республикайин военный комиссариатдиъ лихуз хъюгъну: призывдин отделин начальникдин аьхюну кюмекчийин гъуллугъналан ккебгъну, Дагъустан Республикайин военный комиссарин заместителин - призывдин отделин начальникдин гъуллугъниина удучIвну. Гьамусяаьт думу Дагъустан Республикайин Главайин ва Правительствойин Администрацияйин Кьюбпи отделин начальникди лихура.

Ихь ватанагьли, полковник Энвер Мусаевдин гафариинди, Сергей Къафланович мюгькам хасият хъайи, чан улихь диву читин месэла хъуркьувалиинди тамам апIру халис полковник, лайикьлу кас ву. Думу военный комиссариатдин гъурулушдиъ лихурайи йисари, жигьилариз ватанпервервалин тербия тувбаз, жигьилар дявдин гъуллугънахьна ужуди гьязур апIбаз, ватандашар дявдин гъуллугъназ гьаъбан план тамам апIбаз дилигну, Дагъустан Республикайин военный комиссариатдин, Кафари Кавказдин дявдин округдин, Урусатдин Оборонайин министерствойин терефнаан грамотйириинди ва багьалу пешкешариинди лишанлу апIури гъахьну.

Полковник Сергей Сулеймановдиз ургуб медаль а. Гьадму медаларин арайиъ, 1999-пи йисан къанундиз гъаршуди удучIву яракьлу гьяракатар терг апIбаъ, террориствализ аькси операцйириъ жанлуди иштирак хьпаз лигну, дугъаз тувнайи «Ватандин улихь лишанлу хьувализ» 2-пи дережайин медаль а. 1999-пи йисан августдин–сентябрин вазариъ полковник Сергей Сулеймановдин регьберваликкди Хасавюрт шагьрин военный комиссариатдин бинайиин, Хасавюрт шагьур, Хасавюртдинна Новолакдин районар Чечен Республикайин терефнаан алархьнайи бандитарин дестйирихьан уьрхбан бадали, 720 касдикан ибарат вуйи комендантвалин 6 рота тешкил гъапIнийи. Чпин хушниинди ватандин ругар уьрхюз гъудужвнайи агьалйирин дестйирихъди сабси, Сулеймановдин регьберваликкди тешкил дапIнайи яракьлу кьувватар, Урусатдин армияйин кюмек хъубкьайиз, боевикарихъди женг гъубху асас кьувват вуйи. Думу ротйири чпин улихь дивнайи месэлйир хъуркьувалиинди тамам гъапIнийи.

Гьюрматлу Сергей Къафланович, «Табасарандин нурар» газатдин редакцияйин терефнаан уву нубатнан медаль тувбахъди тебрик апIури, увуз жандин мюгькам сагъ’вал, ляхниъ хъуркьувалар ккун апIурача, гъит ихь дюн’яйиъ айи вари дявйир ккудукIну, ислягьвали агъавал апIруганси ибшри.

Оцените материал
(0 голосов)

ПОСЛЕДНИЙ НОМЕР

Свежий выпуск

Вакцинация

Дагестану дополнительно выделено 100 тыс экспресс-тестов на коронавиру…

мая 12, 2022 Вакцинация

...................................................................................................

Более 80% дагестанцев привиты от коронавируса

мая 11, 2022 Вакцинация

...................................................................................................

Депутат Госдумы допустил причастность США к разработке коронавируса

мая 11, 2022 Вакцинация

...................................................................................................

Ситуация по коронавирусу в Дагесане

апр 30, 2022 Вакцинация

...................................................................................................

Читайте также

Зикрула Ильясов: Главы субъектов получили новые полномочия по взаимоде…

июнь 29, 2022 Политика

...................................................................................................

Семинар по реализации государственной национальной политики в субъекта…

июнь 29, 2022 Общество

...................................................................................................

Сергею Меликову презентовали туристско-рекреационный потенциал местнос…

июнь 29, 2022 Туризм

...................................................................................................

Сергей Меликов провел заседание Совета по развитию градостроительства …

июнь 29, 2022 Политика

...................................................................................................

В Дагестане начата работа по развитию рыбной отрасли

июнь 29, 2022 Экономика

...................................................................................................

Информация

Жителей Республики Дагестан приглашают принять участие в онлайн-олимпи…

июнь 21, 2022 Информация

...................................................................................................

Минцифры России объявляет о старте летнего общеобразовательного проект…

мая 22, 2022 Информация

...................................................................................................

В Махачкале пройдет всероссийская акция "Библиосумерки-2022"

мая 20, 2022 Информация

...................................................................................................

Крымская операция

мая 13, 2022 Информация

...................................................................................................

Стартовал Всероссийский журналистский конкурс "Многоликая Россия…

мая 12, 2022 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 02 ноября 2020 года. Свидетельство о регистрации Эл № ФС77-79462. Возрастное ограничение 6+

Главный редактор Маллалиев Гюлахмед Нуралиевич