Версия для печати

Иштираквал ккун апIура

Автор Гюльнара Мягьямедова Пятница, 05 августа 2022, 13:16 358
Иштираквал ккун апIура
||| ||| |||

 

 

Улихьна йигъари «Дагъустан» РИА-йин конференцйир гъахру залиъ Мягьячгъалайин шагьрин депутатарин собраниейин председателин заместитель, «МКД-йин агьалйир» проектдин региондин координатор Хиби Аьлиев ва РД-йин гьюкуматдин яшамиш шлу хуларин инспекцияйин кIулиъ айи Сергей Касьянов республикайин СМИ-йин вакиларихъди гюрюшмиш гъахьнийи.

 

Пресс-конференцияйиъ дурари республикайин аьтрафариин Вариурусатдин конкурс «Ужубсиб хал. Ужубсиб гьяят» уьмриз кечирмиш апIбакан ктибтнийи.

Конкурсди гизаф квартирйир ккайи хуларин идара апIбан ляхнин ери за апIуз, агьалйириз гъулай шараитар арайиз хуз мумкинвал тувди.
«Конкурсдиъ иштирак хьуз ккунидарихьан аьрзйир августдин 15-пи йигъазкьан кьабул апIиди. Думу конкурсдиъ ич тереф РД-йин тикилишчивалин министерствойи, РД-йин гьюкуматдин яшамиш шлу хуларин инспекцияйи, идара апIурайи компан-йири ва «Саб вуйи Урусат» партияйин ерли отделенйирин секретарари уьбхюра. Мягьячгъала шагьрин терефнаан жанлу иштираквал рябкъюра – конкурсдиз 40 аьрза кьабул дапIнача. Конкурсдиъ иштирак хьуз хуш вуйидари аьрзайихъди сабси, гизаф квар-тирйир ккайи хулариъ фици яшамиш шулаш, гьяятдиъ марццишин фици уьбхюраш ктибтувал лазим ву, гьелбетда шикларра хъади ккунду», – къайд гъапIну Хиби Аьлиевди.

Гьацира Хиби Аьлиевди «Йиз подъезд» кIул тувнайи федеральный программайиканра мялуматар тувнийи. Эгер думу программа кьабул гъапIиш, гьарсаб подъезддиз 300 агъзур манат пул тувди. «Йиз подъезд» программа Москвайин областдиъ гьяракатна ипна. Дидин асас метлеб – жикъи вахтнан арайиъ гьарсаб подъезддиъ агьалйирин яшайишдиз гъулай шартIар ккабалгувал ву.
Сергей Касьянов чан улхбаъ идара апIру компанйирин, гизаф квартирйир ккайи хуларин советарин вакиларихьна, конкурсдиъ жанлуди иштирак хьувал ккун апIури, илтIикIну.
Конкурсдиъ иштирак хьуз ккунидарихьан moydom.er.ru/login сайтдиъ аьрза тувуз шулу.

Оцените материал
(0 голосов)