Версия для печати

Дакьатар кьяняаьт апIбан гъаразнаъ

Автор Феруза Рамалданова Понедельник, 11 февраля 2019, 11:58 111
Дакьатар кьяняаьт апIбан гъаразнаъ
||| ||| |||

Хив райондин главайин вазифйир тамам апурайи Агъамирзе Гьямзабегов 5-пи февралиъ райондин мектебаринна бицIидарин багъарин кIулиъ айидарихъди гюрюшмиш гъахьну.

Живанариз илим ва тербия тувбан маканарин асас месэлйирикан улхури, Агъамирзе Гьямзабеговди йишвариин гьюкум тешкил апIурайи руководителарин фикир мялимариз туврайи маважибарин кьадар райондиъ тяйин дапIнайи индикативдин улупбариз тялукьуб апIбиина, дакьатар кьяняаьт апIбан гъайгъушнаъ ади аьлава штатар къайдайиккна хпан ляхниина ва маважибар вахтниинди тувбиина жалб гъапIну.

Дакьатар кьяняаьт апIбан гъаразнаъ ади, мектебариъ ляхник кайи саб жерге аьлава пишекрар кам апIбакан улхури, дугъу му уьлчмйир кьабул апIувал читинди алабхърубра субут гъапIну.

– Жиниб дар, гъи фукьан читинди вушра, ухьу йишвариин улупнайи серенжемар гъахуз мажбур шулахьа. Улихьнаси хайлин мектебариъ, айи мумкинвалариз дилигну, саб жерге пишекарвалин йишвар ачмиш гъапIну. Урхурайидарин кьадарнахь тевиш, мялимарин, гьадму гьисабнаан директорарин заместителарин, кьадар аьхюб ву. Урхурайидарин кьадар ва саб жерге жара улупбар фикирназ гъадагъну, ккудубшу йисан респуб-ликайиан ихь райондин образованиейин цирклиз улупнайи дакьатар саки 18 миллионкьан кьатI гъапIну. Натижайиъ, гьякьикьатдиъ ухьу шагьидар гъахьиганси, йисан аьхириъ маважибар тувбаъра читинвалар арайиз гъафну. Тялукь гъалатIар деетуз ухьуз ихтияр адархьуз. Гьаддиз, гьякьикьат ахтармиш дапIну, къанундин бинайиинди кьатI’и уьлчмйир кьабул апIувал чарасуз лазим ву»,

– гъапну дугъу.

Оцените материал
(1 Голосовать)
1