Табасаран райондин агьалйирин тIалабар, яшайишдин месэлйир имбубсан ужуди ва вахтниинди гьял апIбан бадали, учу газатдиъ «Главайиз суал» рубрика ачмиш апIурача.
Ичв суалар, гьял дапIну ккуни мес-элйир Мягьямед Къурбановдихьна рукьбан бадали, газатдин почтайиз, Телеграм, Одноклассники, ВКонтакте, Инстаграм социальный сетариъ айи машариз хъадаай, ясана газатдин редакцияйин 8 8722 66-15-89 телефондин нумрайиз зенг дапIну, дурарикан кидибтай. Учу дурар Табасаран райондин главайихьна рукьидича ва газатдин машнаъ ичв суалра, М. Къурбановдин жавабра чап апIидича.

Умудлу вуча, му жюрейиинди ляхин тешкил апIували райондин агьалйирин учIру месэлйир гьял апIуз кюмек тувди.
Мумкин ву, му тажруба Хив райондин ва Даг. Огнийин кIулиъ айидарира ишлетмиш’вализ гъадабгъур!
Ичв суалариз ккилигурача.